0
0
''අපරාදෙ.........''
මම හෙමින් මුමුනා ගත්තේ මට ම ය.....
''කමක් නෑ කවුරු උනත් මහන්සියෙන් හම්බ කරපු සල්ලි වෙන්න ඇතිනෙ.....''
හිත යටින් කොඳුරන ගමන් සතෙක් ට හෝ ඇහිඳගෙන කන්නට මුරුක්කු මල්ල ගල් පොත්ත උඩට හැලුවේ ගලකින් තලා කුඩුකරන්න ට ම පමණි
'මොන තාත්ත ද කැමති තමන්ගෙ එකම දුව පිටස්තරයෙක් කටේ ගහපු එකක් කටේ ගහනවට......ඒ මා උගෙන ගත් හැදියාව විය
ගුලිවූ කොල උන්ඩියක් ගල් පොත්තෙන් ඉවතට පෙරලුනේ හදවතේ දෝංකාර දුන් සැකය තවත් තීවුර කරමිනි
'' වැරනියා මල් ඉත්ත හිරි කුඹුරෙන් නොවේ
නුවරිනි........
ඔබේ ඇඟිලිතුඩුවක හෝ පහසක් නොලද පපුව යට....ඔබව සිහිපත් වන විට පවා වේගෙන් දෝංකාර දෙන හඬ ඇසේ
මගේ ලිපියට පිළිතුරු ලිපි නැතුවාටම කමක් නැත
එදා මෙන් ම අදත් මම ඔබෙන් බලාපොරොත්තු වන්නේ එකම වචනයකි
ඔබේ ඇස් එදා සිට ම පෙරැත්ත කරමින් මට දුන් බහ.....
ඔබේ වචනයෙන් ම කන් පුරා ඇසිය යුතුය
ගොයම් පැහෙන විට
යලිත් එන්නට හේතුවක් මට නිර්මාණය කර ගත හැකිය
මම ආයෙමත් එන දවසට
ඔබේ කැමැත්ත අකැමැත්ත ඔබේ මුවෙන් ම බලාපොරොත්තු වෙමි
එය මට කියන්නට බැරි තරම් ම ඔබ ලැජ්ජාශීලී නම්
වියැලුණු වැරනියා මල් ඉත්තක් ඔබේ හදවතේ ඉඩ මම වෙනුවෙන් ම බව කියා වි
කාර්ය බහුල ජීවිතයක් මැද වුවද සුවහසක් බලාපොරොත්තු හදවතෙහි යටපත් කරගනිමින් ඔබට ලියූවෙමි
නම් ගම් අනවශ්‍යය
මම,,,,
තවමත් ඔබට සරසවියේ දී මුනගැහුනු මම ම බව සිහිපත් කරමි.......''
පිරිමි හිත් ලස්සන හදවත් ගාව සැනසීම හොයන් ගියාට
ගැහැනු හිතකට තවත් හිතක් ගාව සැනසීම උදෙසා බොහෝ දේ උවමනා ය
නමුත් එය මිල මුදල වත්කම් යැයි නොලියමි
වසර දෙකක නිමාවක් අවසානයේ ද නුඹ පැවසූයේ ඒ නුඹ ම වග ය
නමුත් මට නොගැලපෙන උස් තරාතිරමක හැදී වැඩුනු නුඹ එදා ද සිය දහස් ගුණයකින් වෙනස් බව මට හැඟුනි
නුඹ යලිත් එන්නට කියා තිබූ බොරුව කුමක් ද යන වග මම නොදන්නා
නමුත් මට එය විමසීමට නොහැකි විය
තාත්තා නිතරෝම කියන පරිද්දෙන් ඒවා ලොකු අයගේ කතා විය
මඩ ඇති තැනක කොයිකටත් කියා ඒ වැරනියා මක් ඉත්ත හිටවා තැබූයේ තවත් ශේෂ වූ මල් මතක ඔස්සේ නුඹ ව සිහිපත් කරන්නට කියා ම පමණක් ය
හදවත ජීවමාන තෙක් ම
නුඹට එහි නවාතැන් පහසුකම් සලසා දෙන්නට තරම් මම කාරුණික වූ යෙමි
සාක්කි පෙන්නන්නට අයිතියක් නැතත් නුඹත් කියන පරිදි නුඹ මගේ ම ය
ආදරය යන්න සිතිවිලි අරබයා හටගන්නා එක් හැඟීමක් පමණක් ම නොවන බව එදා පවා මම විසින් ම වටහන්නට විය.......
මතු සම්බන්ධයි.......!!
__අහස්__
