0
0
|| මඩ තැවරුණු කොක් මොට ||
නිකිනි හඳට පහු වෙන්නට නියරවල් රහින්නට පටන්ගත්හ
හිරි කුඹුර හාන්නට මත්තෙන් එහි සරුවට වැවී ඇති කිරි සුදු කොක් මොට නෙලීම තරම් ප්‍රියජනක වැඩක් මට තවත් නොමැති තරම් ය
ඒවා එක එක පාට හා දිලිසෙන දූවිලි වල ඔබා මල් බඳුන පුරවන්නට මම ආස කරන්නට පටන් ගත්තේ අද ඊයේ සිට නම් නොවේ
''ආං අස්වැන්න නෙලන්ඩ ඇවිත් වෙන්ඩ ඇති''
ඒ වචනය නම් ඒ සමයට මගේ කණ ගැටෙන්නේ සුලබ ලෙසින් ය
දැන් ගමත් සමඟ කාර්යබහුල වීමට පුලුවන් නිවාඩු දිනයකට පමණි
පෝය සෙනසුරාදා ඉරිදා එක ලඟ පැමිනීම වාසනාවක් යැයි හැඟේ
කමතෙහි අඹ ගස යට හෙවනෙහි උණුවෙන තේ මුට්ටියෙන් දුම් අහසට විදින්නට වී තිබුනේ එහි කට වසා තිබූ පොල් කටුව ද බිමට පෙරලමිනි
ඉඳ හිටක එරන තැන් ද යටිපතුල් තෙමෙන්නට වතුර ඇති තැනිතලා තණකොල බිම් ද පසු කරමින් මම තේ මුට්ටිය දෙසට ඇදෙමින් සිටියෙමි
කිරි සුදු පාට රෝද හතරේ වාහනයක් හදිසියකින් මෙන් හිරි කුඹුර අද්දර නවත්තන්නට විය
උදැල්ලට වැඳ නියර උඩින් තැබූ තාත්තා එදෙසට ගිය හැටියට නම් මට හිතුනේ ම එය මිනී කාර් එකක් කියා ය
මම ත් ඒ පැත්තට යමින් ගමන් සිටියෙමි
අඹ ගස යට හෙවනට තාත්තා සමඟ කතා කරන්නට පැමිණ තිබුනේ ආගන්තුක රුවක් නම් නොවේ
කුතුහලයත් සමඟ මුසුවූ බියක් ද සතුටක්ද මන්දා මුල් වූ බැවින් දෑතින් බදන්න බැරි තරම් නෙලා තිබූ කොක් මොට මිටිය ම මඩ වතුරේ පෙඟිනි
වසර දෙකකට පසුත් ඒ ඇස්වල තිබූ කාන්තිය නොවෙනස් ය
ඉස්සර මස් කලඳක් නොවූ සුරුවම් අඟ පසඟ එදා කඩවසම් ලෙස පිරිපුන් වී තිබුනි
කුකුල් පෙඳයක් සේ මුදුනට එසවී තිබූ කොන්ඩය නම් අශෝබන ය
මම ආපසු හැරුනේ නොදැක්ක ගානට යන්නට ය
දෙනෙත්වල ඡායාව බොඳකරමින් ඇවිස්සෙන කඳුලු ඒ කිසිවෙකුටත් පෙන්වන්නට වුවමනාවක් ඇත්තේ ම නැත
මේ ජීවිතයේ දී නුඹ මම නන්නාඳුනන පුද්ගලයන් විය යුතු බව මම තරයේ විශ්වාස කලෙමි
''චූටි මැණිකේ
කහට ටිකක් බොමු ද.....''
මතු සම්බන්ධයි.....!!
__අහස්__
