0
0
දින දෙකක විවේකයකට පසු උණ ගතිය යන්තම් පහව ගොස් තිබුණි....
මං නිසා බෝඩිමේ නංගිත් නැන්දත් ගොඩාක් මහන්සි වී ඇති බව මටත් වටහාගත හැකි විය
''දැං කොහොමද අක්කෙ.....
එදා ඔයා ඔලුව කකියනව කියල නිදාගත්තනෙ.....
සෑහෙන්න ඇඟත් රත් වෙලා තිබ්බා.....
දැං ඔයාගෙ හිත චුට්ටක් හරි හැදිල ද....''
''හ්ම්ම්.........''
නුඹ නිසා ම ප්‍රේමය පවා විශ්වාස කල
මා තුළ ම
හදවතෙහි ජීවමාන පෙම්වතිය ගෙල වැලලාගන්නට තැත් කරද්දී
කටොර සිතිවිලි සමූහයක් ප්‍රේමණීය හැඟීම්වලට වලක්වන්නට වී තිබුණි
ඇරත් දැන් නුඹ නුඹේ ලෝකයක් ගොඩනගාගෙන හමාර ය
ඇවැස්ස මස්සිනාව මට යෝජනා කර තිබූ කටයුත්තට මම කැමතිවූයේ එනිසා ම ය
නැන්දලාගේ ගෙදරින් අපේ ගෙදරට එන්නට දිනයක් ද නියමකරගෙන තිබුණේ පොරොන්දම් පවා ගැලපෙනවා යැයි කී බැවිනි
අකමැති වූවත් කරන්නට දෙයක් ද තිබුනේ නැත
ගැහැණු දරුවෙකු ගෙදරට නාකිකරගෙන තියාගන්නට තරම් තාත්තා කෙනෙක් මොනවට කැමති වෙන්නද
ඇරත් පව්ලේ නම්බුව රැක ගන්නට ඉඳිය එකම ගෑනු ලමයා මම විය
මගුල මහා ඉහලින් ගන්නට තාත්තාගේ එකම හීනය වී තිබුණි
''මම ආයෙ ගමේ යනවා...
ඔයා හොඳට ඉගෙනගන්න.....''
''අක්ක ආයෙ එන්නෙ නැද්ද.....''
''නෑ මම ආයෙ කොලඹ එන එකක් නෑ......
හෙට මම යනවා අස්වීමේ ලිපිය භාර දෙන්න......''
''ඉතින් ඔයා ඔයාගෙ මස්සිනාව බඳිනවද....ඔයා ඒ යෝජනාවට කැමතියි ද..''
''දැන් මගේ කැමැත්ත අකැමැත්ත කොහොම උනත්......ඒක මගෙ යුතුකමක්...''
''එතකොට ඔයාගෙ ආදරේ....''
''ඒක හැමදාටමත් මගේ පපුව අස්සෙම වැළලිලා තිබුනදෙන්.....''
''ඉතින් හෙට අන්තිම දවස නම් අපි හෙට එලියට යමු....''
''හ්ම්ම්.......ඔයත් එන්න යන්න....''
අස්වීම් ලිපිය භාර දී .......මෙතෙක් හමුවූ හොඳම යෙහෙලියත් සමඟ දවස ගත කරන්නට ගියෙමි
එදත් අවාරේ හැලෙන මල් රේණුවක් වගේ.....
රෙස්ටුරන්ට් එක තුළ නුඹ හමුවීම අහම්බයකි
දෑත් අල්ලන් පෙම්වතියත් සමඟ නුඹ කතාකරන විට......
මම සිතිවිලි අතර එහි ඇය වෙනුවට මා හිඳින හැටි සිත්තම් කරන්නට විය....නුඹේ දෑත් අතර මගේ දෑත් ලජ්ජාවෙන් මිරිකෙන්නට විය......
''අක්කෙ අපි වෙන තැනකට යමු''
''ඇයි....මෙතන කෑම හරි රසයි...අපි මෙතන ඉමු....''
''ඔයා මෙතනට එච්චරම ආස නම් අපි ඉමු.....මෙතන මගෙ අයියත් අර සක්කරවට්ටම එක්ක ඉන්නවා....''
''මොනා උනත් ඔයාට වෙනවනෙ එයා ඔයාගෙ නෑන කියල පිළිගන්න.....
මිනිස්සුන්ව ඉවසන්න පුරුදුවෙන්න.....
අද අන්තිම දවස
ඔයා දන්නවද.....
අද මෙතන එයත් ඉන්නවා...''
''...කවුද ඔයාගෙ අයිය ද....''
''අපෝ එයා මගෙ නම් නෙවෙයි......
ඒත් කාගෙ හරි වෙලා එයත් ඉන්නවනෙ
කමක් නෑ මාත් තව ටික දවසකින්.....වෙනකාගෙහරි නෙ....''
''මටත් එයාව පෙන්නන්නකො....''
''අපිට ඉස්සරහ මේසෙට ඉස්සරහ......අර කලු පාට කමිසයක් ඇඳන් ඉන්නෙ...''
''අක්කෙ.....ඔයා දන්නවද දෙයක්.....''
''මොකක් ද....''
''මට මේ පටලැවිල්ල හරිගස්සන්න පුලුවන්....''
''මොන පටලැවිල්ල ද....''
''ඔයා මෙච්චර කල් ආදරේකරල තියෙන්නෙ මගෙ අයියට.....''
'' ඒ ඔයාගෙ........අයිය ද''
''ඔව්.....''
''මට සමාවෙන්න මම දැන් යන්න ඕනි.....''
මතු සම්බන්ධයි......!!
__අහස්__
