0
0
''අද නම් පුදුම මූසල දවසක්''
''අක්ක ඇයි එහෙම කියන්නෙ....''
''ඒක දිග කතාවක්....''
''ඉතින් අක්ක කැමති නම්....... ඒ දිග කතාව මට කියන්න.....එතකොට ඔය ඇස්වල තියන කහට ගතිය..... ටිකක් අඩුවෙයි...''
''මම කිව්වොත් ඔයා ඒ ඔක්කොම අහං ඉන්නව ද....''
''ඔව්......ඒක නෙවෙයි අක්ක අද ගොඩක් ඇඬුව නේද....''
''හ්ම්ම්.....''
''ඉතිං ඇයි ඒ.......''
''අනේ මන්දා......සමහර විට ඉරිසියාවට වෙන්න ඇති.....''
''ඉතින් ඒ තරම් ඉරිසියාවක් කවුරු ගැනද.....
අක්ක මට ඒ දිග කතාව කියන්නකො....''
දිගු කතාවක මතක කඳුලුත් එක්ක නැවත ආවර්ජනය වෙන්නට විය.......
නුඹ ගැන ප්‍රේමණීය හැඟීම් යලිත් හදවත තුළ ප්‍රාණවත් විය
නමුත් ගොලුබව තුළ තවදුරටත් එය මිහිඳන් විය.....
''ඉතින් අක්ක හිතන්නෙ....
ඒ අර අයියගෙ ගෑනු ලමය කියල ද......''
''වෙන්න ඇති......''
''ඉතින් අක්කට දුක නැද්ද.....''
''ඒකනෙ ලමයො මම ඇඬුවෙ.....ඔයා දන්නවද......
මම පුංචි කාලෙ ඉඳන්ම දරාගන්න පුරුදු වෙච්ච කෙනෙක්
අපේ තාත්තට එච්චර සල්ලි නෑ......
ඉතින් මම දුප්පත් නිසා....... ගොඩක් යාලුවො........ මාව කොන් කලා....''
''එතකොට එයාල පෝසත් ද....''
''මම දන්නෙ නෑ......
ඒත් එයාල ඒ දවස්වල විශ්වාස කලේ සල්ලි විතරයි.....මිනිස්සු නෙවෙයි....''
''මාත් අක්කට දිග කතාවක් කියන්න ද...''
''හ්ම්ම් කියන්නකො....''
''අපේ අයියත් ඔහොමයි....''
''ඉස්සර නම් එයාගෙ කඳුලු කතා අහන්නෙත් මම තමයි....''
''ඉතින් දැන්...''
''දැන් එයා ගොඩාක් වෙනස් වෙලා......අම්මගෙයි තාත්තගෙයි වැඩ නිසා එයා දැන් රස්තියාදුකාරයෙක් වගේ......''
''ඒ කිව්වෙ......''
''එයත් කැම්පස් එකේදි කෙල්ලෙක් ට පිස්සු වැටිල
ඒ අක්ක එයාට බෑ ම කියල....''
''ඉතින්...ඊට පස්සෙ...''
''තාත්ත එයාගෙ බිස්නස් එක ලොකු කර ගන්න ලොකු ලොකු පවුල්වල කෙල්ලො එයාට යෝජනා කරනව........
ඉතින් එයත්....ක්ලබ් ගානෙ අරෙහෙ මෙහෙ බීගෙන පිස්සු නටනව.....
දැන් එයා ඉස්සර හිටපු මගෙ අයිය නෙවෙයි
තාත්තගෙ බිස්නස් වැඩ ලොකු කර ගන්න නටවන රූකඩයක්...''
''ඉතින් ඇයි ඔයා එයාට එහෙම වෙන්න එපා කියන්නෙ නැත්තෙ....''
''එපා කියන්න වත්....දැන් එයා එක්ක මම කතා කරනවට වත් එයා කැමති නෑ අක්කෙ
අපි දෙන්න හරියට ඉන්නෙ අඳුනන්නෙ නැති අය වගේ....''
මතු සම්බන්ධයි......!!
__අහස්__
