0
0
වසර එකහමාරක නිහැඬියාවකින් පසු යලිත් නුඹව දැකීම නම් අහම්බයක් ම විය යුතුය
කතරගම කිරි වෙහෙර අසබඩ මහා අව්කාස්ටකේ වුවද මම නුඹව හඳුනාගත්තෙමි
මුව වසාගත් ඝණ රැවුල නුඹේ මුහුණට හැඩි දැඩි පිරිමි පෙණුමක් ලබාදී තිබුනි
නුඹ නම් මාව නොදකින්නට ඇත......
කොළඹ පෞද්ගලික අංශයේ ආයතනයක සහය කලමණාකාරිණියක ලෙස රැකියාවට බැඳුනු දින පටන් මා ජීවිතයේ වඩාත් කාර්යබහුලම පරිච්ඡේදය ගතකරන්නට අරඹා තිබුණි
තාත්තා නම් එයට අකැමැති වූ වාර අනන්තය......ඔහු බලාපොරොත්තු වූ ඉහලම රස්සාව ගුරු පත්වීමකි
නමුත් මට නිදහස භුක්තිවිඳීමට තිබූ උවමනාව නිසාම මතක....ගම..... කෙටි කාලයකට අතහරින්නට අවශ්‍යය වී තිබුණි
කාර්යබහුල ජීවිතයට යන්තම් හෝ දෙයක් අවශ්‍යය වූවා නම් එය අවධානය පමණක් ම විය
නමුත් එය මට ලබාගත යුතුවූයේ නුඹගෙන් පමණකි
තාත්තා ට ඒවන විට බර වැඩ කිරීමට නොහැකි ය
මල්ලී ගේ අධ්‍යාපනය සඳහා මෙන් ම ගෙදර වියහියදම් පිරවීමේ මූලික මූල්‍යය මාර්ගය මගේ රැකියාව විය
කෑම බීම බෝඩිම් ගාස්තු සියල්ල හමුවේ වුවත් මසකට යම් මුදලක් ඉතිරිකර ගැනීමට ද මට හැකිවිය
වියහියදම් අරපිරිමැස්මෙන් කරගෙන යාම කොහොමත් මට හුරුය
එක්ස්පෙන්සිව් ජීවිතයක් මට තරම් නැත......ගත කිරීමට උවමනාවක් ද නොතිබුනි
යාම් ඒම් සඳහා පාරේ ඕනෑ තරම් බස් තිබුනි.....
බෝඩිමේ මමත් තව නංගි කෙනෙකුත් පමණි...
මට නංගිලා නැත.....පවුලට ම හිටි එකම ගැහැනු ලමයා මම ය
ඉතින් ඇය මට මගේ ම සොයුරියක් සේ ම විය
යහලුවන් ජීවිතයට ලංකර ගැනීමට අකැමැති මගේ හොඳම යෙහෙලිය ඇය විය
දවස අවසානයේ එකිනෙකා අත්විඳි දේ ගැන කතා කිරීම අපගේ ප්‍රියතම කාර්යය විය
ගෙදරින් විවාහ යෝජනා එක දෙක අරන් එන්නට විය......
මට ඒ ගැන කැමැත්තක් නොතිබුණි
මම ආදරය කරන්නේ ද ආදරය කරන්නට හැකි වූයේ ද නුඹට පමණකි.....
ඒ නිසා ම දැන් නිවාඩුවට නිවසට යාමද අප්‍රියජනක කාර්යයකි
හදිස්සියේම නුඹව වෙනත් අයෙකු සමඟ දුටු විට නම් මට ඇතිවූයේ ඊරිසියාවකි
නුඹ ව දකින්නට ලැබෙන බව දැනන් ඉඳියා නම් මම බඩගින්නේම ඔෆිස් එකට යන්නට තිබුණි
නුඹ අසුන්ගත්තේ මගේ ඉදිරියෙන් ම ය....විච්චූරණ විලිසංගයක් නැති ඇඳුම ඈ මොකට ඇන්ඳාද කියා සිතුනි
නුඹ මාව නොදැක්කා විය නොහැක....නුඹ නොදැක්ක ගානට ඉන්නට ඇත
ඉරිසියාවෙන් පිරුණු ඇස් කඳුලු බොඳකලේ දුකට ද කේන්තියට ද යැයි තවමත් වැටහිය නොහැකි ය
එය දැනුනේ නම් කම්මුලට අතුල් පහරක් වැදුනා සේ ය.........
හිටි හැටියට නම් ඒ නුඹේ පෙම්වතිය යැයි සිතුනත්.......එසේ නොවන්නට ඇතැයි හදවත තර්ක කල වාර අනන්ත ය
නමුත් ඇස්දෙක මොළයට කාවැද්දූ ඒ දසුන හමුවේ ඇතිවූ හැඟීම කුමක්ද යැයි මට නිර්වචනය කල නොහැකි ය
ඇරත් ඒ නුඹගේ පෙම්වතිය නම්.....මට මොකද
නුඹට ත් ජීවිතයක් තිබිය යුතුය
මා එලෙසින් ද හිත අස්වසාලූවත් හිතට එය අමතක කරලීමට අවශ්‍යය නැති විය....
මතු සම්බන්ධයි.....!!
__අහස්...✍️__
