0
0
සිව්වැනි දිගහැරුම...❤️
අයියලා දෙන්නා ගෙදරින් එළියට යනවත් එක්කම ඇඟ වැහෙන්න පොරවන් හිටපු බෙඩ්ෂීට් එක සෝෆා එකට විසික්කපු නුහී සර්වන්ට්ලගෙයි ගාඩ්ලගෙයි ඇස්වහලා ජනේලෙන් පැන්නා.
" ෂහ් කොච්චර ලොකු වුනත් පොඩි ඇඟක් තියෙන්නත් පින තියෙන්න ඕන..."
එතනින් කෙල්ල දිව්වේ ගරාජ් එකට. ගරාජ් එකේ තිබ්බ ඩිෆෙන්ඩර් එකේ පිටිපස්සට නැග්ග නුහී සද්ද නොකර හිටියා.
විනාඩියක් යන්නත් කලින් එතනට ආපු කොල්ලො දෙන්නා ඩිෆෙන්ඩර් එක ස්ටාර්ට් කරන් ගියේ ක්ලබ් එකට.
කොල්ලො දෙන්නා දැනන් හිටියේ නෑ නුහී වාහනේ ඇතුළේ ඉන්නවා කියලා.
කොල්ලො දෙන්නා ක්ලබ් එක ඇතුළට ගියාට පස්සේ නුහී හිමීට හිමීට ඩිෆෙන්ඩර් එකෙන් බැහැලා ක්ලබ් එකේ මේන් ඩොර් එක ළඟට ගියා.
කෙල්ල අයිඩින්ටියත් පෙන්නලා ගෙවන්න ඕන ගාණත් ගෙවලා ක්ලබ් ඇතුළට ගියා.
නුහීට ඇත්තටම ඕන වෙලා තිබ්බේ අයියලා දෙන්නා ක්ලබ් ඇවිත් මොකද කරන්නේ කියලා බලන්න.
කෙල්ලට මාර කුතුහලයක් තිබ්බේ.
ඉතින් වටපිට බල බල අයියලාවත් හොය හොය ගියපු නුහි ළඟට ආපූ වේටර් කෙනෙක් දීපු විස්කි වීදුරුවත් අරන් බාර් එක කිට්ටුවෙන්ම තිබ්බ ස්ටූල් එකකින් ඉඳගත්තා.
විස්කි එකට වැඩේ දෙන ගමන් ඩාන්ස් ෆ්ලෝර් එක පැත්ත බලන් හිටපු නුහී ඩාන්ස් ෆ්ලෝර් එකටත් විඩෙන් විඩේ ඔලුව දාන්න අමතක කලේ නෑ.
ඩාන්ස් කරලා මහන්සියටම ආයේ ඉඳගත්ත නුහි දන්නෙම නැතුව විස්කි ග්ලාස් හය හතකට වග කිව්වා.
තව විස්කි ග්ලාස් එකක් ගන්න යද්දිම කෙල්ල ගන්න ගියපු ග්ලාස් එක නුහී ළඟ ඉඳන් හිටපු අනිත් කෙනා ගත්තා.
" hey... that's my glass... " කියපු නුහී ඒ කෙනාගෙන් ඒක උදුරලා අරන් එක හුස්මට ගහලා දැම්මා.
මේ වෙනකොට කෙල්ලට හොඳටම වෙරි.
අර කෙනා වෙන ග්ලාස් එකක් ගන්න යද්දි කෙල්ල ආයේ ඒ ග්ලාස් එකත් උදුරලා අරන් බිව්වා.
" Hey girl... that's my shot..."
" Nope.. mister It's only mine... my viski.... " කියමින් කෙල්ල ස්ටූල් එකේ ඉඳගෙනම වැනෙන්න ගත්තා.
" හේයි ගර්ල්... ඔයා මෙහෙ කෙනෙක්ද..."
" මොනාද කිව්වේ... මට තව විස්කි ඕනා..." කියමින් කෙල්ල තව වීදුරුවක් ගත්තා.
" හේයි... ඔච්චර බොන්නේ මොකද .... මොකක් හරි ප්‍රශ්නයක්ද..." ඒ කෙනා නුහීගෙන් ඇහුවා.
මේ වෙනකොට නුහීගේ පැත්තට ඇස් ගොඩාක් යොමු වෙලා තිබ්බේ නුහීගේ ලස්සන හින්දමයි....
" ප්‍රශ්න.... නොප්.... මේ කෙල්ලට මොන ප්‍රශ්න ද.... මිස්ටර්... ඔයා මාර හැන්ඩ්සම්නේ.... ලයික් මයි බ්‍රදර්ස්..."
" තැන්ක්ස් මිස් විස්කි... "
" ඔව්... මට තා විස්කි ඕනා...." කියමින් කෙල්ල තව විදුරුවක් ගන්න ගියත් අර කෙනා ඒක වැලැක්කුවා.
" හේයි විස්කී... ඔයා හැමදාම එනවද...."
" නෝප්.. හැමදාම නෑ... හැමතැනම නෑ... බ්‍රදාර්ස්ලා එනා නම් විතරයි..."
" ඕ... එහෙමද... නම්බර් එක දෙන්න පුලුවන්ද.."
" මගෙද.."
"ඕ.."
"ඇයියේ දෙන්න ඕනා..."
කෙල්ල වෙරිමතේ වැනි වැනී අන්තිමට ඒ ආගන්තුකයගේ ඇඟටම වැටුනා.
" ෂහ්... මං කිව්වෙ... ඔයා මාර හැන්ඩ්සම්නේ..." නුහී කිව්වේ ඒ කෙනාගේ මූණ අල්ලන ගමන්.
ඒත් එක්කම එතනට ආපු අවී කෙල්ලව ඇඳලා අරන් කම්මුලට ගැහුවා.
" ආව්.... කවුද ඒ කතා කර කර ඉන්නකොට ගහන එකා... දන්නෑ මං කවුද කියලා... ඉන්නවකෝ මං මගේ බ්‍රදර්ස්ලට කියනවා..."
නුහීට ගැහුවේ කවුද කියන එකවත් ගාණක් නෑ.
" සුදූ කටවහගන්නවා..." නවී කියද්දි තමා නුහී ඒ දෙන්නව දැක්කේ...
" ඕ...මයි බ්‍රදර්ස්.... මිස්ටර් මේ තමා මගේ එල කොල්ලො දෙන්නා..." කියලා නුහී අර කෙනාට අවීවයි නවීවයි පෙන්නුවා.
අවී එවෙලෙම කෝල් එකක් අරන් අම්මට නංගි ඉන්නවා කියලා නුහීවත් ඇදගෙන ගිහින් කාර් එකට නැග්ගා.
එයාලා යනවත් එක්කම නුහී එක්ක කතා කරපු කෙනා කාටහරි කෝල් එකක් අරන්,
" වැඩේ හරි... ඉතුරු ටිකත් ක්ලියර් කරන්න..." කියලා කිව්වේ මූණේ අමුතුම හිනාවක් රඳෝගෙන.
පහුවදා උදේ නුහී නැගිටිද්දී ඔලුවට සෑහෙන බර ගතියක් දැනුනා.
පෙනඩෝල් දෙකකුත් බීලා වොෂ් එකකුත් දාගෙන පහළට ගියපු නුහී ඇවිත් හිටපු අය දැකලා පුදුම වුනා.
" අනේ මගේ හසූ කෙල්ලේ..." කියපු නුහී ගිහින් එල්ලුනේ හසූගේ කරේ.
" මගේ නූ කෙල්ලේ.... අපි ඔයාව සප්‍රායිස් කරන්න ආවම ඔයා අපිව සප්‍රයිස් කරලනේ..."
" හෑ... මම... මම නම් ඔයාලා දැකලා සප්‍රායිස් වුනා.. ඒත් මං ඔයාලව සප්‍රායිස් කරන මුකුත් කරේ නෑනේ..." කෙල්ල ඔලුවත් කසකස කල්පනා කරනවා.
" අනේ නැන්දි කල්පනා කරන්න බෑ අනේ... පහුගිය ටිකේ වැඩ කරලා වැඩි වෙලාද මන්දා මගේ ඔලුව රිදෙනවා ඉන්න බෑ..." නුහි කිව්වේ එක අතකින් නළල තෙරපන ගමන්.
එතකොටම කෙල්ල ඉස්සරහට අතක් ඇවිත් දුන්නේ දෙහි බීම එකක්.
" මේ උදේ පාන්දර දෙහි බොන්න බෑ.. මට මගේ තේ එක ඕනා..." කියමින් නුහී නෝක්කාඩුවෙන් කියන ගමන් හැරෙන කොට දැක්කේ යක්ෂාවේස වෙලා එක අතක කොස්සයි අනික් අතින් බීම එකයි දික්කරන් ඉන්න අම්මයි ඉණටත් අත් දෙක තියන් කන්න වගේ බලන් ඉන්න අයියලා ඩබලයි.
කෙල්ල ගෙදරින් ම ක්ලබ් එකට යන්න ලෑස්ති වෙලා ආවේ. අයියලා දකී කියලා බෙඩ්ෂීට් එකකින් ඇඟ වහගෙන හිටියේ.
