0
0
තෙවන දිගහැරුම...❤️
පැය තුනකට විතර පස්සේ ක්ලබ් එකේ එන්ජෝයි කර කර හිටපු නවීෂ්ට කෝල් එකක් ආවේ යුහීගෙන්.
" හෙලෝ අම්මා..."
" ලොකූ නංගි ගෙදර නෑ..."
" මොකක්..."
" අපි ගෙදර එද්දි පේන්න හිටියේ නෑ.. දැන් පැයක් විතර මායි තාත්තයි හොයනවා..."
" ඒත් අම්මේ අපි එද්දි හිටියනේ.. අපි දෙන්නට කෑ ගැහුවත් එක්ක..."
මේ වෙනකොට නවී වගේම අවීත් හොඳටම කලබල වෙලා හිටියේ. මොකද නුහී කියන්නේ කොල්ලො දෙන්නගේ පණ.
" අනේ පුතේ ඒත් කෙල්ල දැන් නෑනේ... අනේ මගේ දෝණි..."
යුහී අඬන්න ගත්තම යුහීගෙන් ෆොන් එක ගත්ත ආදි.
" ලොකූ ඉක්මනට එන්න නංගිව හොයාගන්න ඕන..."
" හරි තාත්තේ අපි එන්නම් දැන්ම... ආයුගෙන් ඇහුවද..."
" ඔව් පුතා ආයුගෙනුත් ඇහුවා කවීගෙනුත් ඇහුවා... පුලුවන් හැමතැනම බැලුවා ඉක්මනට එන්නකෝ..."
" හරි තාත්තේ..." කියපු නවී කොල් එක කට් කළා.
" සුදූ කොහෙ යන්න ඇද්ද බන්..." අවී කිව්වේ කොණ්ඩේ ඇඳ ගන්න ගමන්.
" යමන් ඉක්මනට...." කියපු නවී, අවී එක්ක එළියට එන්න ආවත් හුරු පුරුදු එක්කෙනෙක් ඉන්නවා දැකලා නැවතුනා.
ළඟට ගිහින් බලද්දි සැකේ හරි එයාලා හොඳටම දන්න කෙනෙක් තමා ඉන්නේ.
මේ අතරේ ගෙදර හිටපු ආදි වගේම යුහීත් හොඳටම කලබල වෙලා හිටියේ.
ගාඩ්ලත් මුළු කොළඹම පීර පීර නුහීව හෙව්වා.
යුහී කොච්චර ශක්තිමත් වුනත් ළමයින්ට මොනාහරි වෙනවා කියන්නේ යුහීට පිස්සු වගේ.
මේ වෙනකොට නුහී අතුරුදහන් වෙලා පැයකටත් වැඩි වුනත් කෙල්ල ගැන කිසිම ආරංචියක් නෑ.
CCTVවලත් කිසිම දෙයක් නෑ.
" අයියේ විනුලිලා ආයේ ඇවිත් ද..." යුහී ආදිගෙන් ඇහුවේ ඇස්වලින් කඳුලු කැට කඩා ගෙන වැටෙද්දි.
" නෑ මැණික... බය වෙන්න එපා... එහෙම වෙන්න විදිහක් නෑ... අනික ගාඩ්ලට හොරෙන් දෝණිව කාටවත් එළියට ගන්නත් බෑ.. අපි තව හොයමු කෙල්ල කොහෙහරි හැංගිලා ද දන්නෙත් නෑනේ..." කියපු ආදි යුහීගේ හිස සිප ගත්තා.
" ඒත් අයියේ මට බයයි... මේ ළඟකදී ඉඳන් මට සෑහෙන බයක් දැනෙනවා ළමයි ගැන..."
" බය වෙන්න එපා මැණික.. කවදා හරි අපි නැති වුනත් අපේ ච්ණ්ඩි කොල්ලො දෙන්නා නුහීව බලාගනී.."
" මං දන්නවා අයියේ.. මගේ චණ්ඩියෝ දෙන්නා එයාලගෙ නංගිට පණ වුණත් දෙනවා..."
එතකොටම කෝල් එකක් ආවේ යුහීට.
" පොඩී ගන්නේ අයියේ..." යුහී ආදිට කිව්වා.
" ආන්ස්වර් කරන්න ඉක්මනට..."
" හෙලෝ පොඩී..."
" අම්මා නුහී ඉන්නවා බය වෙන්න එපා..." තරහෙන් කියපු අවී කෝල් එක කට් කළා.
" පුතා... මේ කොල්ලා කෝල් එක කට් කරලත් ඉවරයි.. තාත්තා වගේම තමා මූලග්ගින්න..." කියපු යුහී ෆෝන් එක පැත්තකට දැම්මා.
" දැන් මට මුලග්ගින්න ද මැණික..."
" ආයෙත් අහලා... අම්මෝ දැන් තමා ඇඟට ලේ ටිකක් ඉනුවේ... දෝණි ඉන්නවා කියන්නේ එච්චරයි මට වෙන මුකුත් ඕන්නෑ..." කියපු යුහී කාමරේට ගියා.
" හෙලෝ..."
" හෙලෝ බොස්... මම කට්ටා.."
" ආ කියපන්..."
" බොස් කියපු විදිහටම වැඩේ කළා..."
" එල කොල්ලෝ... හැබැයි ඕක පොඩි එකක් විතරයි... මට මගේ තාත්තාගේ තැන ආපහු ගන්න ඕනේ... ඒ වෙනුවෙන් මං ඕන දෙයක් කරනවා.."
" ආයෙත් අහලා බොස්... බොස්ට ඒ තැන අරන් දෙන්න තමා අපි ඉන්නේ බය වෙන්න එපා.."
" හොඳයි කොල්ලෝ... හැබැයි සූරියආරච්චි ෆැමිලි එකට ඇහැ ගහගෙනම හිටපන් ඈ.. උන් විතරක් නෙවෙයි උන්ට සම්බන්ධ හැම එකෙක්ම.."
" ඕකේ බොස්... මම අපේ කොල්ලො ටිකක් දාන්නම්..."
" ගුඩ්... මම හෙට දිහාට ඇවිත් වැඩ බලන්නම්කෝ..."
