0
0
නාලනී...... ,
වළං හෝදමින් වුන් අම්මට තාත්තා කතා කලේ අසල බංකුවක හිඳ ගනිමින්..
මට ආරංචි වුනා ලී මෝලේ මුදලාලි එක්ක ඊයේ වෙච්ච හුටපටේ... එඩ්වන් මුදලාලි ලා එක්ක අපිට හැරෙන්නවත් බැ බං... උන් මේ ගමේ ලොක්කෝ..
මට වෙච්ච අසාධාරණේ ට කතා කරන්න මට කොන්ද පණ තියෙනවා .. අනිත් උන් ට නැති වුනාට..
අළු ටිකක් පොල් කොසු කෑල්ලට ගෙන වළඳ අතුල්ලන ගමන් අම්මා කීවේ තාත්තා දිහා නොබලමින්.
උඹ ඔය මට ද කියන්නේ ....
එහෙම හිතා ගත්තත් මට කමක් නෑ..
කේන්ති පිට ආ තාත්තා අම්මා අතුල්ලමින් වුන් වළඳ උඳුරන් පොළොවේ ගැහුවේ ය.
කාලකන්නියා... තොට කරන්න පුළුවන් මෙච්චර යි නේ....
අම්මා තාත්තාට කෑ ගැහුවේ වළඳ පොළොවේ ගසා සරම අත් දෙකෙන් පටලා ගෙන ගෙට ගිය තාත්තා දිහා බලාගෙනයි..
ඒ අඳුරැ මතකයෙන් මං ආයෙම මෙලොවට ආවේ ය.
රශ්මි ........
කණ්ණාඩිය දෙස වරැවක් බලා ගෙන අඳුරු මතකයට ගිය මා රදීශ් දෙස බැලීය.
තම ශර්ට් එකේ බොත්තම් එකින් දමමින් රදීශ් මා දෙස බැලීය.
මං... ගොඩක් වෙලා බලන් හිටියේ... ඔයා ලොකු කල්පනාවක නේ හිටියේ...
මං ගොළු විය. ඔහු මා වෙත ආවේ මගේ උරහිස් දෙකට අත් දෙක තබා ගනිමින්..
මං දන්නවා... ඔයාට ඔයාගෙ ගෙදර අය ගොඩක් මතක් වෙනවා කියලා ..
නෑ රදිශ්.... මං ප්‍රශ්න ගොඩක ඉන්නේ....
මොනාද ඔයාට තියෙන ප්‍රශ්න ??
මං රදීශ් ගෙ දෙ අත් වලින් ගිලිහී බැල්කනියේ ජනෙල් පෙත්තෙන් එපිට බැලුවා.
දන්නෑ රදීශ්... ඒත් මං ඒ ප්‍රශ්න මොනවද කියලා ත් හොයනවා...
ඔයා කියන දේවල් මට තේරෙන්නෑ ලමයෝ...
මං රදීශ් දෙස බැලුවා.
ඒ එක්කම පහලින් සද්දයක් ආ නිසාම දෙන්නම එයට කන් දුන්නා.
ලොකු පුතා..... දෙයියනේ ඔයාලා .. සේනක ... සේනක මේ අපේ ලොකු පුතාලා ඇවිල්ලා... ඉක්මනට එන්නකෝ... සීලා... ඉක්මනට පුංචි බේබි ට පහලට එන්න කියන්න .. ලොකු බේබී ඇවිත් කියලා .....
ලොකු බේබී..... ? දෙයියනේ ... පුංචි බේබී..... පුංචි බේබී... ලොකු බේබී ලා ඇවිල්ලා...
සීලා හති දා ගෙන එද්දිත් මාවත් එක්කගෙන රදීශ් පහලට ආවෙි තරප්පු පෙලෙන් බහිමින්...
ඒ මොනා වුනත් මං නම් හිටියේ ලොකු තිගැස්මකින්..
ලොකු පුතා.... ලබන සතියේ එනවා කියලා එකපාරටම මේ...?
එහෙම තමයි හිතන් හිටියේ... ඒත් ඩිස්නි ටයි , මයෝන් පුතා ටයි එන්නම බල කරානේ.....
මයෝන්.... බලන්නකෝ සේනක අපෙ ලොකු පුතා ගෙ කොල්ලගේ ලස්සන ....
ඒ සතුටු සාමිචිය මැද රදීශ් එයාගෙ අයියා ලඟට කිට්ටු විය.
අයියා......?
රදීශ් අයියව වැළඳ ගත්තා.
ඉතින් කොහොමද අයියේ.... ඔයා ලා එනව කිව්වනම් අපි එනවනේ....
රදීශ් අම්මගෙයි තාත්තගෙයි කලින් තිබුණ සතුට මුහුණෙන් ගිලිහුනේ ය.
අයියේ....
රදීශ් ඒ එක්කම මාව එයාලා ඉස්සරහට එක්ක ගියා..
මේ තමයි ඉතින් මගේ වයිෆ්....
මං එයාලා ඉදිරියේ සිහින් හිනාවක් දැම්මත් මං බලාපොරොත්තු වුනා සේ එයාලගෙන් මට සිනාව වෙනුවට ලැබුණේ රැවුම් පෙළකි.
අයියගේ වයිෆ් වුනු ඩිස්නී ත් මං දිහා බැලුවේ පිළිකුල් ව යි.
ඒ ඒ පුංචි දරැවා මං දිහා බැලුවේ හරි ආදරණීය වයි..
ඩිස්නී,... එයා ඇත්තටම මට වඩා ගොඩක් ලස්සනට පෙනුණා. සුදුයී .. ඊටත් වඩා ලස්සන .... එි හැම අතින් බැලුවම මං දිහා මේ විදියට බලනෙක සාධාරණයි කියලා හිතුනා.. ඩිස්නි වගේ කොට ඇඟ පේන්න මං ඇන්දේ නැ... මගේ හමේ පාට මං පුරැදු වුන විඳිය වෙනස්... මං ඇන්දේ... දිග ට..පිළිවෙළට....මේ වගේ පවුලකට ගැලපෙන්නේ ඩිස්නි ගෙ ක්‍රමය කියලා මං දන්නවා..
ආ... මේ... තාම හිටගෙන නේ... එන්න අපි ගිහින් මොනාහරි බීලා කෑම ටිකක් කාලා ඉමුකෝ...සීලා ලොකු බේබී ලා ට බොන්න කූල් මොනාහරි හදන්න..
රදීශ් ගෙ අම්මා ඩිස්නි ව වැළඳගෙනමයි තාම.. රදීශ් එහෙමත් ඒ අය ට එකතු වෙලා හිටියා..
කාලෙකට පස්සෙ එයාලා හැමෝම එකතු වෙලා නිසා ඒ සතුට නැති කරන්න මට හිත දුන්නේ නැ.. මං අයිනකට වෙලා හිටියේ දිගු සුසුමක් හෙලමින්...
බේබී.....
මං පහල බැලුවා.
අයියගේ පුංචි දරැවා මං ලඟට ඇවිත් මගේ අතේ එල්ලුනා..
ඇයි පැටියෝ....
චුත්තක් පාත් වෙන්න..
ඒ හුරතල් වචන වලින් දෙතොල් මුමුණා මට කිීවා.
හරි හුරැබුහුටියි, පුංචි වුනාට හරි කඩවසම්.. ඒ දුඹුුරැ පාට ඇස්.. හමේ පාට සුද්ද පැටියෙක් වගේ මයි..
මං හරි ආදරයෙන් පාත් වුනා..
ඔයා මට ද බේබිී කිව්වෙ පැටියෝ...
ඔව් බේබී.....
මට බේබී කියන්නේ ඇයි... මං ලොකු යි නේ... ඔයා තමයි බේබී...
නෑ මං ඔකුයී....
අනේ.... ඇත්තටම ...
ඔවු නේ....
රැලි රැලි පුංචි කෙස් ,අතින් පිහිදමින් ඒ හුරතල් වචන ඒ හුරැබුහුටි රෝස දෙතොලින් මුමුණන්නට වුනා.
ඒ වුනාට කමක් නැ.... ඔයා මට ආන්ටී කියලා කතා කරන්න හරිද....
ඒ වුනාට ආන්ටි ප්රීටී..
මයෝ.....න් .....පුතා, වෙයා යූ....??
එයා මට එහෙම කියලා දිව්වේ ඒ වචන වලට ඇත්තටම මට මොකක්ද හැඟීමක් දැනුනත්මයි ..
හරි ලස්සන දරැවෙක්... කවදහරි මටත් හම්බෙන දරැ පැටියාත් මේ වගේ ම මට ආදරේ කරනවනම්...
මං එහෙම්ම කල්පනාවට වැටුනා.
නාලනී.... අද කන්න මොනාද තියෙන්නේ..?
උයපුවා ඇතී... ගිහින් බලන්න...
මහන්සි වෙලා ගෙදර ආවම ඔය විදියට සලකන්නෙපා බං... මාත් මනුස්සයෙක් .... හරි නම් තේ උගුරක් වත් හදලා දෙන්නෝන...
තේ උඟුරැ?... අනේ සේනක මගෙන් ලුණු ඇඹුල් ඇතුව අහගන්නෙපා.. මං මෙහෙම සලකන කොට උඹට රිදෙනවනම්.. අර හය හතරක් නොදන්නා අහිංසකීට මොනා හිතෙනවා ඇද්ද.. උඹ මේ සලකන විදියට ඒ පොඩි එකීට...
මං ගනුදෙනුවක් කරගෙන ආවේ ගෙදර...
එහෙම කියාගෙනම තාත්තා කුස්සියට ගියා.
මොකක්ද දන්නෑ....
අම්මා ගානක් නොකර කීහ.
මොනවද බං මෙි හදලා තියෙන්නේ ....ශික්....
තියෙන දේ නේ උයන්නේ... මොකෝ මගේ මාළු කපලා උයන්නෙයි.....
හරි හරි.... ඉස්සරහට හොඳ බොජුන් කන්න පුළුවන් වෙයී....
හිනාවක් කටේ පුරවගෙන තාත්තා බත් පිඟාන ගෙන පිලෙන් වාඩි වුනා.
ඇයී... නිධානයක් වත් ගොඩ ගන්නද ලෑස්තිය....
නිධානයක් වගේ තමයී....
තාත්තා සතුටෙන් කීහ.
කෝ... ළමයි ?
කොහේහරි සෙල්ලම් කර කර ඇතී...
පොඩි එකී කෝ....?
මොකෝ පොඩි එකී ව හොයන්නේ කවදාවත් නැතුව...
කන්න දුන්නද...
තාම කන්න දුන්නෑ.....
රශ්මී.... රශ්මීයෝ.....
කවදාවත් නැතුව තාත්තා මට කතා කරපු නිසා ම අම්මත් පුදුම වුනා..
මං ඉපදුනා ට පස්සෙ තාත්තා මට කතා කලාම ද කොහේද... ඒකත් ආදරෙන්... එයා කවදාවත් මට එහෙම කතා කරලා තිබ්බේ නෑ... අවජාතක බැල්ලී, හැතිරී ඒ වගේමයි කතා කරේ...
තාත්තා මට ලඟට කතා කලත් මං යන්න බය වුනා.. මං අම්මා දිහා බැලුවා.. අම්මටත් පුදුමයී....
ඔයා කෑවද පොඩ්ඩී...
සේනක....? සේනක මේ ඔහේමද...
නැතුව ඉතින් ....
මොකද අද මේ....??
මිනිස්සු කාලෙත් එක්ක වෙනස් වෙද්දි එහෙම තමයි බං...
එහෙම කියලා තාත්තා මට බත් කටක් කැව්වා.
මිනිස්සු වෙනස් වෙන්නේ නිකන් නෙවෙයි නේ බං... අවුරැදු ගානක් ම කරපු දේවල් එක්ක එකපාර මෙහෙම වෙනස් වෙද්දි පුදුමයී...
මේ.....?? නාලනීයෝ මෙන්න මෙතන සල්ලි වගයක් තියෙයී... ගෙදර අඩුපාඩුවක් බලලා පුංචි එවුන්ට ඇඳුමක් දෙකක් අරන් දියන්..
සේනක....? මේ සල්ලී....
අම්මා පුදුම වුනේ ඒ සල්ලි දැකලා..
සේනක.... මට ඇත්ත කියනවා කොහෙන්ද මේ සල්ලි ....??
යකෝ... හැම රෙද්දම අහ අහ ඉන්නැතුව දෙයියෝ දුන්න වගේ දීපු සල්ලි වලින් කරන්න පුළුවන් දෙයක් කරනවකෝ... සල්ලි හම්බ කරලා ගෙනත් දුන්නත් වැරදී... මං කිව්වනේ... ගනුදෙනුවක් කරා කියලා .... ඒක විතරක් ඔළුවේ තියා ගනින්...
ඒක තමයි... මං අහන්නේ මොකක්ද මේ ගනුදෙනුව... කාගෙන්ද මේ... කියලා ...
හරි මං පස්සෙ කියන්නම් උඹට.....මං යනවා පාරට...
සරමක් දෙපසින් නවා ගත් තාත්තා එලි පහලට ගියේ මගේ ඔළුවත් අත ගාගෙනමයී....
මං ආයෙම පියවී සිහියට ආවා..රදීශ් දැන් ම එන්නැති පාටක් දැනුන නිසා මං හිමිහිට තරප්පු පෙළ නැඟ උඩු මහලට ගියා.
අයියා ආ ගිය තොරතුරැ කට්ටිය එක්ක කතා කලා.සිනා සී කතා කරමින් උන් අයියා රදීශ් දෙස බැලුවේ ය.
මල්ලි ......මට උඹ එක්ක කතා කරන්න දේවල් තියෙනෝ...
කතා කරමු අයියේ...
ඒ එක්කම හැමෝගෙම තිබ්බ සතුට ගිලිහෙන්නට ගත්තා.
මොකක්ද බං උඹ අර ගෙදරට අරන් ඇවිත් තියෙන්නේ .....අඩුම අපෙ ෆැමිලි එකට මැච් වෙනවද වත් බැලුවේ නැද්ද...හරී... ඒ කෙල්ලට ලස්සන අඩුයි පාට අඩුයි අපි එක්ක බලද්දි උඹ එක්ක බලද්දී ටිකක් අවුල් කියමු කෝ... අඩුම සල්ලි තියෙන ෆැමිලි එකක් ද ඒ...?
සල්ලි තියෙනවනම්.. ඔය අඟුරැ ගතිය යවලා සුද්ද කරලා ගන්න අමාරැද ලොකු පුතා... පිස්සු නේ...
අම්මා කීවේ අහක බලා ගෙනයි..
මොකක්ද මල්ලී මේ...? මොන විලි ලැජ්ජ නැති වැඩක් ද මේ කරේ...?
අයියා කියන කතා ව ඇත්ත රදීශ්... ඔයාට යාළු වෙන්න ඕන වුනා නම් යාළු වෙලා බ්රෙකප් වෙන එකත් ප්‍රශ්නයක් නෑ... ඒත් මෙච්චර රටේ ලෝකේ ලස්සන කෙල්ලෝ ඉඳලත් ඔයා නම් පුදුමයි මල්ලී....
ඩිස්නි ත් ඊට නොදෙවෙනිව කීහ.
කට්ටිය කියවලා ඉවරද දැන්.... මං මැරි කරේ... මට ගැලපෙනවයි කියන කෙල්ල....
තමුන් ට එඩ්වන් අංකල් ගෙ දුව නතාශි නංගිව ව ප්‍රොපෝස් කරල කියලා දැන දැන මේ වගේ වැඩක් කරේ.... හරි .. තාම ඒ කිසි කෙනෙක් දන්නෑ උඹ බැන්දා කියලා .... උඹට තව වෙලා තියෙනෝ... ඔය කෙල්ලව අතෑරලා නතාශි ට කැමති වුනොත් දැන් වුනත් මං වැඩේ කරලා දෙනවා....
තව හිතුවක්කාර නොවී අයියා කියන දේට කැමති වෙන්න මල්ලී....
අම්මේ,.... මල්ලී නතාශි ව මැරි කරන්න කැමති වුනොත් මේ දේපල වලින් මට ලැබෙන්න තියෙන කොටසින් වැඩි පුර කොටසක් මල්ලිට ලැබෙන්නෝන... ඒක මං කැමැත්තෙන්ම දෙන්න කැමතී... මං හිතනවා මල්ලි මගේ කැමැත්තට පිටින් යනේකක් නැ කියලා ... මට හිතලා උත්තරයක් ඕන...
අයියා රදීශ් ගෙ පිටට තට්ටුවක් දැම්මා.
නිංමිං
රදීශ් කැමති වෙයිද....? රශ්මි ට මොනා වෙයිද...? ඊළඟ කොටසට 🖤💍
~_ishi tharuu_
