0
0
Spring of a tear drop......''
#The End
''දොලොස් මාසෙකට සැරයක්
ඉඳල හිටල හරි නංගිගෙ මූණ දැක්කහම
හිත අස්සෙ පිරෙන ලෙංගතුකම
නංගි කොහොම දැනගන්නද.....''
''මට අදත් කියන්න තියෙන්නෙ ඒ වචන ටික ම යි......
මම අයියා දිහා බලන්නෙ මගේ ම අයිය කෙනෙක් දිහා බලනව වගේ......
එතනින් එහාට ගිය කිසිම හැඟීමක්
අයිය ගැන...... මගෙ හිතේ නෑ.........''
''නංගි දන්නවද මම හොඳ නම්බුකාර පවුල් වල ගෑනු ලමයි කී දෙනෙක් ව මගඇරිය ද කියල......
මම එකම වචනෙ කී පාරක් අහන්නද.....
මං වෙනුවෙන් එක පාරක් ඔය හිත උණුවෙන්නෙ නැති හැටි......
ඔය කොහේවත් ඉන්න හයිපයි කාරයන්ට විතර ද නංගි ගෙ ගල් හිත උණුවෙන්නෙ......
සමහර විට හිතෙනවා
මම නංගිට බුරුල දුන්න වැඩියි කියල
මට ත් කොච්චර හරි පින්සෙන්ඩු වෙන්නෙ නැතුව.......
ආයෙ වෙන එකෙක්ගෙ මූණ දිහාවත් බලන්ඩ බැරිවෙන්ඩ වැඩක් කරල දාන්ඩ තිබ්බෙ.....
අනිත් එක මං ගාව නැති....
ඌ ගාව ඔය හැටි තියන එක මොකක් ද දන්නෙ නෑ.......
ඔච්චර රහ වැටෙන්ඩ තරම්......''
කූඹියෙකුට වත් හිංසාවක් කරන්න හීනෙන් වත් නොහිතපු මට කුමක් වූවා දැ'යි නොදනිමි......
රෙද්දක් ගලක අපුල්ලන හඬට.....ඔහුගේ මස් ගොබ පිරුණු කම්මුල හරහා වැදුනු පහර ගහන්නට එදා මගේ සුරතට ගාය තිබුණි
නුඹ එතැනට ඒ හදිස්සියට ආ වගක් මට දැනුනේවත් නැති තරමින් ය........
තනි කරලකට ගොතා තිබූ කොණ්ඩය මුලින් බෙල්ල හරහා නුඹේ ඇඟිලි යවා හිස නුඹේ මුහුණ දෙසට හරවා ගනිද්දී ඇස් පියුනේ.......
තවත් එවැනිම කම්මුල් පහරක් වැදේවි ද යන බියට ම පමණි......
මොහොතකින් නුඹේ තොල් ............ජීවිතයේ පලමුවරට මගේ තොල් පෙති උරා බොද්දී දෑතින් ම නුඹේ පපුව මගෙන් ඉවතට තල්ලු කරන්නට මා යෙදූ ආයාසය පවා එදා නිෂ්ඵල විය.............
ලැජ්ජාව...බිය...කුතුහලය....කේන්තිය...හා සතුට යන සිතිවිලි ගොන්නක් මැද හදවත අතරමං වෙන්නට සැරසෙද්දීම.....
නුඹේ ග්‍රහනයෙන් මගේ දෙතොල් මිදුනි.......
ඉණ වටා අතක් යැවූ නුඹ ම මාව නුඹ දෙසට ලං කර ගත්තේ.....ඊටත් වඩා දැඩි ග්‍රහණයකිනි...
''මේකි දැන් මගේ.......
මේකි මගෙ ගෑණි වෙන්ඩ ඉන්නෙ........
කොරන්ඩ ඕනි හරිය මට කරගත්තැහැකි.....
උඹ කලබල වෙන්ඩ ඕනි නෑ.......
ආයෙ අවලං කතා කියන්ඩ ඇවිල්ල අහුවෙන්ඩ එහෙම එපා
වෙන්ඩ මස්සිනා හන්ද මොකුත් නොකිය යන්නං
ඒත් මං කිව්ව කියල හිතා ගනිං වනචරයා....''
සියල්ල අවසානයේ දී නුඹ තත්පරයකින්.......යක්ෂාවේශයෙන් මිදුනි
නුඹ මටත්.....මම නුඹටත්.... මොකුත් නොකියාම ගිය එදා.....නුඹත් හිත යටින් මම මෙන්ම.....
දහස් වරක් ඒ මොහොත සිහිපත් කරමින් ලැජ්ජා වන්නට ඇත.....
අවසන් වශයෙන්......
කඳුලක ආයාසය......
ප්‍රේමයට ප්‍රේමයම හිමිකම් කී මොහොතක
ප්‍රේමය යන්න නුඹේ නමින් ම.....හැමදාමත් වගේ
මගේ හදවතෙහි කැටපත් විය......
හුදෙක්.......
හදවත ඒකාන්තයෙන් ම නුඹ කෙරෙහි විය......
ඉතින් එදා පටන්.....
ප්‍රේමය මට දුන් විශ්වාසය නම්.....
ඇරඹුමක අවුල් හෝ නිරවුල් සහගත බව......අවසානයක නිහැඬියාව පිරි මිහිරි හසරැල්ලකට......
කිසිසේත් ම වග නොකියන බව ය......
සිනහවකට සිනහවක් දායාදවනවා සේ ම
ප්‍රේමයට ද ප්‍රේමය ම දායාදය විය යුතුය.....
ස්තූතියි♥️
සමාප්තයි.........!!
පිදුම.....!!
නන් අයුරින් අප්‍රකාශිත ආදර වෘතාන්ත හිමි සියලු හදවත් වල හිමිකරුවන් ට
________________________!
__අහස්...✍️__
