Parindi Savindya

Content Writer

Aug 24 2024 @ 07:02



•  Share

නුඹ දැක මා...❤️ - 17

දාහත්වැනි දිගහැරුම...❤️

කෙල්ල ඩීන්ගේ ඔෆිස් එකට යන්න යද්දිම කෙල්ල ළඟට ආවේ මෙච්චර කල් කෙල්ල හම්බෙන්න බලාගෙන හිටපු කෙනෙක්...

" ඉතින් යුහී කොහොමද..."

" වරදක් නෑ විනූ..." 

ඔව්. ඒ විනුලි.. 

" මං ඔයාව හම්බෙන්න හිටියේ යුහී.. මට සමාවෙන්න.. මම මැරේජ් එකට එකඟ වුනේ කැමැත්තෙන් නෙවෙයි. ඔයා දන්නවනේ ඔයා මගේ හොඳම යාලුවා. මං මේක ඔයාට කියන්නේ කොහොමද කියලා හිත හිත හිටියෙ. අවීෂ් අයියා දැනන් හිටියා එයාට මාව මැරි කරන්න වෙනවා කියලා. අනික එයා මාව කීප සැරයක් ම හම්බුනාත් එක්ක. එයා මාව මැරි කරන්න කැමැත්තෙන් හිටියේ.. එයා අකමැති කිව්ව නම් කිසිම ප්‍රශ්නයක් වෙන්නෙ නෑ.. සොරි යුහී... මම ආදරේ තවීෂ්ටනේ ඔයා දන්නවනේ..."

යුහී මේ හැමදේම සද්ද නොකර අහන් හිටියත් හසූගේ නම් රතුකට්ට පැනලා හිටියේ.

" අනේ මේ තමුසේ දැන් අර මැරිච්ච මනුස්සයා පිට ඔක්කොම පටවන්න එපා.. දැන් එනවා මෙතන බබා වෙන්න... තමුසෙට කොහොමත් සතුටු ඇතිනේ දැන්... මට හොඳටම ශුවර් තමුසෙත් තමුසෙගේ අක්ක කියන එකී වගේ ම තමා.. එනවා මෙතන අපිව තම්බන්න... යන් යූ මේකි කියන ඒවා අහන්න එපා.. මේකි මහා.." කියලා විනූට බැනලා යුහීවත් එක්කන් ඩීන්ගේ ඔෆිස් එකට ගියා.
ඒත් මේ කවුරුත් දැක්කෙ නෑ යුහීගේ මූණේ තිබ්බ සමච්චල් හිනාව.

ඩීන් එක්කත් කතා කරලා ටයිම් ටේබල් අරගෙන යුහීගේ ගියේ එයාගේ පළවෙනි ලෙක්චර් එකට.
හොඳම වැඩේ කියන්නේ යුහීගේ පළවෙනි ලෙක්චර් එක එයාගේ යාලුවොන්ටමයි. යුහී එක්ක එකට ඉගෙන ගත්ත අය කැම්පස් අවුට් වෙන්න තව මාසයක් විතර තිබ්බා. එයාලාට තියන අවසාන ලෙක්චර් එක කරන්න තිබ්බේ යුහීට.
ටිකක චකිතයක් හිතට ආවත් අවීව මතක් කරගෙන යුහී ගිහින් ලෙක්චර් එක කළා. හසූත් කැම්පස් එක වටේ රවුමක් ගහලා හවස් වෙලා යුහී එක්කම ගෙදර ගියා. 

ඊට සතියකට විතර පස්සේ හසූ ආයේ රට ගියේ එයාගේ වැඩ ටික ඉවර කරන්න.



මේ විදිහට තව මාස තුනක් විතර ගෙවිලා ගියා. යුහී හැමදාම කැම්පස් යනවා ගෙදර එනවා. ඕක තමයි දැන් එයාගේ දින චර්‍යාව ඊට අමතරව අනිවාර්යයෙන්ම දවසක් ඇර දවසක් අවීව බලන්නත් යනවා.
ඒත් අනිත් අය නොදන්න තව දෙයක් යුහීගේ ජීවිතේ තිබ්බා.
ඒ තමයි අවීගේ ඇක්සිඩන්ට් එක ගැන හොයන එක.
ඒක ලේසි දෙයක් වුනේ නෑ. මොකද අවී කියන්නේ ඇමති කෙනෙක් ඉතින් ඒ වගේ කෙනෙක්ගේ දෙයක් හොයන එක ලේසි නෑ.
 ඒ වගේ මේ වෙනකොට තව දේවල් ටිකක් වෙලා තිබ්බා.
තවීෂ් ඇමති කෙනෙක් වෙලා හිටියේ අවීෂ්ගේ තැන සම්පූර්ණ කරන්න. ඒ වගේම විනූ තවීෂ් එක්ක එන්ගේජ් වුනා. ඒ වෙඩින් එකත් තව මාස හයකින් තියන්න ප්ලෑන් කරලා තිබ්බේ ආදිගෙයි ටීෂාගෙයි වෙඩින් එකත් එක්කමයි. 



එක දවසක් විනෝද්‍යා එක්ක කිචන් එකේ උය උය හිටපු යුහීට විනෝද්‍යා බීම වීදුරු දෙකකුයි බිස්කට් දීසියකුයි දීලා ආදිටයි රනුක්ටයි දෙන්න කියලා කිව්වා. කෙල්ලත් ආදිටත් හිතින් බැන බැන ඒ ටික අරන් ගියා.

" උබ කිව්වා හරි බන් ඒකි තමා මහ මොළකාරී..." රනුක්.

" මට මුල ඉඳන්ම සැක හිතුනා. ජයවීරගේ දුවනේ බන් තාත්තා වගේ නැතැයි..."ආදි.

" ආයෙත් කියලා.. මොකද කරන්නේ බන් දැන්.. සාක්ෂි නැතුව කිසිම දෙයක් කරන්න බෑනේ... අනික මට හිතෙන්නේ ඒකිට තව කවුරුහරි ඕවට උදව් කරනවා... මං කියන්නේ අන්ඩර්වර්ල්ඩ් පව්ර් එකක් තියනවා ඒකිට..." රනුක්.

" මටත් ඕක හිතුනා... මොකද අරූගේ ඇක්සිටන්ට් එක නිකන්ම ව්ව්ච්ච එකක් නෙවෙයි... ඌ බීලා ගිහින් ගහක වැදිලා කියලානේ රිපෝට්වල තිබ්බේ එහෙම වෙන්න විදිහක් නෑ.. මම මිනිය චෙක් කරා.. එතකොට මට ඔලුවේ පැත්තක් නිල් වෙලා තියනවා පෙනුනා.. ඒක කාර් එකේ කොහෙවත් වැදුන එකක් වෙන්න බෑ..." ආදි.

ආදිගෙයි රනුක්ගෙයි මේ කතාව දොර ළඟට වෙලා යුහී අහගෙන හිටියේ.
කෙල්ලට වැඩි වෙලා ගියේ නෑ මෙයාලා මේ කතා කරන්නේ අවීගේ ඇක්සිඩන්ට් එක ගැන කියලා තේරෙන්න. මොකද යුහීත් මේ වෙනකොට මේ ගැන හොය හොයනේ හිටියේ. 

" අවී ඇක්සිඩන්ට් වෙනකොට ඩ්‍රින්ක්ස් අරන් හිටියේ නෑ..." කියාගෙන කෙල්ල කාමරේට ගියා.

එකපාරටම කාමරේට කෙල්ල එනවා දැකපු ආදි කොච්චර කලබල වුනාද කියනවා නම් ළඟ තිබ්බ ෆොටෝ එකකුත් පෙරලගෙන බිම.

කොච්චර සීරියස් වැඩක හිටියත් රනුක් ඒ වෙලාවේ බඩත් අල්ලගෙන හිනා වුනා.
කෙල්ලත් ට්‍රේ එක පැත්තකින් තියලා හොඳට හිනා වුනා.
ආදි රවාගෙන බලන් හිටියේ මේ දෙන්නා හිනා වෙලා ඉවර වෙනකන්.

" තොපි හිනා වෙලා ඉවර වෙන්නෙ නැද්ද... රනූ මාව නැගිට්ටපන් බල්ලෝ..." කියලා ආදී තරහෙන් කෑගැහුවා.
ඒ පාර තමයි දෙන්නම හිනාව නැවැත්තුවේ..

රනුක් ආදිව නැගිට්ටවනකන් ඉඳලා ආදි,
"කොන්ද නෑ වගේ බන්..."
" අපි කිව්වද උබට වැටෙන්න කියලා.."
" අනේ පලයන් බන්.. මේකි එකපාර හොල්මනක් වගෙ කඩාගෙන බිඳගෙන එද්දී බය වෙන්නැද්ද..."
" අනේ තෝ නම්... ඉන්නෙ නම් මොකද... ඒක නෙවෙයි නංගී ඔයා කොහොමද කියන්නේ අවීෂ් බීලා හිටියේ නෑ කියලා..." රනුක් කිව්වේ බීම වීදුරුවක් ගන්න ගමන්.
" එයා මට කෝල් කළා අයියේ..."
යුහීට මේ වෙද්දී තේරිලා තිබ්බේ අවීගේ ඇක්සිඩන්ට් එකටයි ආදිටයි කිසිම සම්බන්ධයක් නෑ කියලා. 
" මොකක්... ඇයි මෙච්චර කල් ඒක නොකියා හිටියේ... කොයි වෙලේ ද ගත්තේ.."
" මම හිතන්නේ ඇක්සිඩන්ට් එක වුනාට පස්සේ අයියේ... මොකද එයා දැනගෙන හිටියා ඒ වෙලාවේ එයාට මැරෙන්න වෙනවා කියලා..."
" ඔයා ළඟ ඒකේ රෙකෝඩින් මුකුත් නැද්ද..."
" තියනවා අයියේ... මගේ ෆෝන් එකට එන කෝල්ස් රෙකෝඩ් වෙන විදිහට හැදුවේ අවීමයි...."
" ඈ.. ඒ මොකටද..."
" මට රට ඉද්දී එක එක නම්බර්ස්වලින් තර්ජනය කරලා කෝල් ආවා.. අවීගෙන් ඈත් වෙන්න කියලා... ඒ හින්දා කෝකටත් කියලා තමා කෝල්ස් රෙකෝඩ් කරේ..." කියන ගමන් යුහී ඒ රෙකෝඩින් එක හෙව්වා.
" ආ මේ තියෙන්නේ..." කියපු කෙල්ල ඒ රෙකෝඩින් එක ප්ලේ කරා.


" මැණික..."

" අවී... මොකක් හරි ප්‍රශ්නයක්ද...." 

" මැණික... මට සමාවෙන්න... මම... ඔයාට... කලින්... මේ... දේවල් කියපු...නැති එකට... මට... ඔයාගේ... හිත... රිද්දන්න.. ඕන... වුනේ... නැ.. මම ඔයාට... ගොඩාක්... ආදරෙයි... මැණික... ගොඩාක්... ආදරෙයි... මට... සමාවෙන්න... මේ ආත්මේ... බැරි උනාට... ලබන... ආත්මෙවත් මගේ.. වෙන්න...."  

" අවී... ඇයි මෙහෙම කියන්නේ... අනේ.. මං සමාව දෙන්නම්ම්.. ඔහොම කියන්න එපා..." 

" මැණික... මට සමාවෙන්න... මට...යන්න.. වෙලාව... ඇවිත්... තියෙන්නේ... නුරාග් තමා... මට...."


රෙකෝඩින් එක ඉවර වෙනකොට කෙල්ලගේ ඇස්වල ආයෙත් කඳුලු පිරිලා....
 ඉක්මනට රනුයි ආදියි දකින්න කලින් ඒ කඳුලු පිහා ගත්තත් මෙච්චර වෙලා යුහී දිහාම බලන් හිටපු ආදිගෙන් කොහොම හංඟන්නද...

" එච්චර ද නංගී... එතනින් පස්සේ... අනික මොනාද මූ ගැන කියන්න ගියේ..."

" ඔව් අයියේ ඔච්චරයි කියන්න හම්බුනේ කෝල් එක කට් වුනා... අනික ආදි අයියා ගැන මොනා කියන්න ගියාද කියලා දන්නෑ ඒ නිසා තමයි මං හිතුවේ ඒ ඇක්සිඩන්ට් එක අයියා කරන්න ඇති කියලා.. මොකද කලින් දවසේ මං බැල්කනි එකේ ඉද්දී මට ඇහුනා අයියා කාටහරි කාවද මරන්න කියනවා..."

" එතකොට තමුසේ දැන් විශ්වාස කරනවද මං ඒ දේ කරේ නෑ කියලා..." ආදි ඇහුවේ යුහීගේ ඇස් දෙක දිහා බලාගෙන.

ආදි හිතුවේ වෙනදා වගේම යුහී ඒ ඇස් මඟ හරී කියලා වුනත් අද යුහී ඒ ඇස් දිහාම බලාගෙන...

" ඒ ඇක්සිඩන්ට් එකටයි ඔයාටයි සම්බන්ධයක් නෑ කියලා මං දන්නවා... ඒත් මං ඔයාව විශ්වාස කරන්නෑ.. මං ඔයා මේ ඇක්සිඩන්ට් එක කරේ නෑ කියලා විශ්වාස කරන්නෙත් මං හොයාගත්ත දේවල් හින්දා..."

" ඔයා මොනාද හොයා ගත්තේ නංගී..." 
" මේ ඇක්සිඩන්ට් එකක් නෙවෙයි අයියේ... මර්ඩර් එකක්..."
" ආ... ඔයා කොහොමද හරියටම කියන්නේ..."
" අයියේ මේ රෙකෝඩින් එකෙව් අන්තිමටම ඇහෙනවා.. තව මනුස්සයෙක්ගේ කටහඬක් වගේම මොකක් හරි තදට වැදෙන සද්දයක්... ඒ දේවල්වලින් තමා මට එහෙම හිතුනේ..."
" අඩෙහ් එහෙමද එත් මට එහෙම දෙයක් ඇහුනේ නෑනේ..."
" අයියේ ඒ රෙකෝඩින් එක හෙඩ්ෆෝන්ස්වලින් අහන්න ඕනේ එතකොට ඇහෙනවා... මාත් ඒක හොයාගත්තේ දැන් දවස් තුනහතරකට කලින්.. ඒත් මට ප්‍රශ්නයක් තියනවා.. ඇයි ඔයාලා මේක ගැන හොයන්නේ..."
" ඒක අපේ රාජකාරිය නංගී... ඒ ගැන හිතන්න එපා.. මට ඒ රෙකෝඩින් එක දෙන්න පුලුවන්ද..."
" හරි අයියේ මං දෙන්නම්.. හැබැයි මාවත් ඔයාලාගේ වැඩවලට එකතු කරගන්න..."
" නෝප්...නෙවර්... තමුසේ මේකට මැදිහත් වෙන්නෙ නැතුව පැත්තකට වෙලා ඉන්නවා... තමුසේ මේ ගැන හොයනවා කියලා උන් දැනගත්තොත් තමුසෙව මරලා දායි..."
"ම්හ්.. මිස්ටර් නුරාග් මම මැරෙන්න බය නෑ... මොකද මම දැනටමත් මැරිච්ච කෙනෙක් තමයි... අනික් දේ තමා අවීට මේ දේ කරපු උන්ගෙන් පලි ගන්නකන් මට මුකුත් වෙන්නෙ නෑ.."

ආදි එකපාරටම අල්ලගත්තේ යුහීගේ බෙල්ලෙන්,
" තමුසේ.. කියන දේ අහලා පැත්තකට වෙලා ඉන්නවා... "
ආදි බෙල්ල තද කරන හින්දා කෙල්ලට මේ වෙනකොට හුස්ම  ගන්න බැරුව හිටියේ ඒ මූණත් හොඳටම රතු වෙලා..
ආදිව තරහෙන් වෙව්ලනවා..

" ආදි අතහැරපන් නංගිව..." කියන ගමන් රනූ ආදිගේ අත් අයින් කරන්න හදනවා..
 "ඔය කෙල්ලට හුස්ම ගන්න බෑ බල්ලෝ.. මරන්න ද හදන්නේ..."
ආදි කෙල්ලගේ බෙල්ල ඉක්මනට අතහැරියා.
ඒ බෙල්ලේ රතුම රතු පාටට ඇඟිලි සලකුණු හිටලා.

ඒත් බෙල්ලෙන් එන වේදනාවත් අමතක කරපු යුහී කෙලින් ම අල්ලගත්තේ ආදිගේ කොලර් එකෙන්,
" තමුන් හිතන් ඉන්නවා නම් මාව තවත් බය කරන් ඉන්න පුලුවන් කියලා... නෝ...නෙවර්.... තමුන් මට දුන්න වදවලට මං තමුන්ගෙන් පලි ගන්නවා... මං තවත් ඉවසන්නේ අම්මා හින්දා... තමුන් හිතන් ඉන්නව නම් තාමත් ඉන්නේ අර තමුසෙට බයේ හැංගුන අහිංසක යුහී කියලා අමතක කරනවා... ඒකි මැරිලා ගොඩාක් කල්..." කියලා යුහී ආදිගේ බඩටත් සුපිරි පන්ච් එකක් දීලා 
" අයියේ මං ඔයාට රෙකෝඩින් එක වට්සැප් කරන්නම්.." කියලා කාමරෙන් එළියට ගියා.
යුහීගේ පාරේ සැරට ආදි බඩත් අල්ලන් බිම..

 




මෙහෙම තවත් ටික දවසක් ගත වුනේ අවීගේ ඇක්සිඩන්ට් එකේ ෆයිල් රී ඕපන් වෙද්දී.
ඒ ගැන හොයන්න විශේෂ කණ්ඩායමක් CID එකෙන් දාලා තිබ්බා.

මේ වෙද්දී වෙඩින් එකේ එක එක වැඩවලට කියලා ටීෂාත් හැමතිස්සෙම ගේ අස්සට රිංගන්න පුරුදු වෙලා හිටියා. ඒත් යුහී නම් ටීෂා එක්ක කතාවත් කරන්න ගියේ නෑ..

දවසක් කොහොමහරි විනෝද්‍යා නුවර ගියේ එයාගේ නංගිව බලන්න.
යුහීවත් එක්ක යන්න හැදුවත් පහුවදා කැම්පස් යන්න තිබ්බ හින්දා යුහී ගියේ නෑ..

විනෝද්‍යා ගියේ එදාම එන්න වුනත් මරුමෙට හයියෙන් වහින්න ගත්තේ තද හුළඟත් එක්ක... ඒ නිසා එන්න තිබ්බ පාර නාය ගිහින් තිබ්බා. විනෝද්‍යා නුවරම නතර වුනා.

යුහී කොහොමහරි ගෙදරට වෙලා හිටියේ තනියම.
ගාඩ්ලා ගේ වටේම දාල හිටියත් උයන එක්කෙනත් හින්දා කලින්ම ගිහින් තිබ්බා හින්දා කෙල්ල තනියම්.
කෙල්ලත් රෑට එහෙම කාලා සාලෙට වෙලා ඊළඟ දවසේ ලෙක්චර් එකට ඕන නෝට්ස් හද හද හිටියේ.
කම්මැලි කමක් දැනිච්ච හින්දා වගේම මේ වෙනකොට හොඳටම සීතලත් හින්දා කෙල්ල කෝපි එකකුත් හදාගෙන ලැප් එකේ ෆිල්ම් එකක්වත් බලන්න කියලා ලෑස්ති වුනා.

ඒත් කෙල්ලගේ ඇස් එකපාරටම යොමු වුනේ ඩෙක්ස්ටොප් එකේ තිබ්බ ඇප් එකකටම..
ඒ ඇප් එක හැදුවේ අවී.
ඒක diary එකක්...
කැම්පස් එකේ project එකකට හදපු ඒ app එක ඉස්සෙල්ලම use කලේ යුහී.
අවුරුද්දක් දෙකක් ඒ app එක use කරත් යුහී බිසී වෙන්න ගත්තම ඒ app එක පාවිච්චි කරේ නෑ.
මේ වෙනකොට අවුරුදු දෙකකින් විතර ඇප් එක ඕපන් කරලවත් තිබ්බෙ නෑ.

අද නිකමට වගේ යුහී ඒ ඇප් එක ඕපන් කරා. එතකොට තමා කෙල්ල දැක්කේ notification දෙකක් ඇවිත් තියනවා.

මේ ඇප් එකේ තිබ්බ විශේෂ දෙයක් තමා ඇප් එක යූස් කරන අයට මේ ඇප් එකෙන්ම මැසේජ් කරගන්නත් පුලුවන්.

යුහීට ඒ මැසේජ් එවලා තිබ්බේ අවී ඒකත් වීඩීයෝ මැසේජස්.
යුහී පළවෙනියටම තිබ්බ මැසේජ් එක ඕපන් කරා.
ඒක එවලා තිබ්බේ අවුරුදු එකහමාරකට විතර කලින්.

" කොහොමද මැණික... මම ඔයාව දැන් සෑහෙන කාලෙකින් දැකලා නෑ.. මං ඔයාට දැන් ඉසාර වගේ කෝල්ස් ගන්නෙත් නෑනේ.. මාත් එක්ක තරහා වෙලාද ඉන්නේ මැණික.. සොරි යුහී... මං මේ දේවල් කරන්නේ ඔයා වෙනුවෙන්මයි.. තාත්තා මට බල කරනවා අර ජයවීර අන්කල්ගේ දුවව බඳින්න කියලා. ඔයා දන්නවනේ ටීෂා අන්න එයාගේ නංගිව.. ඒත් මං ඒ කෙල්ල කවුද කියලාවත් දන්නෑ.. මට ඕනෙත් නෑ මට ඔයා ඉන්නවනේ.... ඔයා විතරයි මගේ ආදරේ... මං ඉක්මනට මේ වගෙන් අයින් වෙනවා මැණික... දේශපාලනේ කියන්නේ කොහොමටවත් හොඳ තැනක් නෙවෙයි... ඒත් මට ඔයාව ආරක්ෂා කරගන්න මේකේ තව ටික කාලයක් ඉන්න වෙනව.. මං ඉකමනටම ඔයාව මගේ ළඟට ගන්නවා මැණික... ආදරෙයි ගොඩාක්...." 

ඒ වීඩියෝ එක ඉවර වෙද්දී යුහී හොඳටම අඬනවා.
ඒත් එක්කම ඊළඟ වීඩීයෝ එකත් ඕපන් වුනා. හැබැයි කලින් එකේ වගේ සතුටින් ඉන්න අවී කෙනෙක් නෙවෙයි ඒකේ හිටියේ රැවුල් කොණෙඩ වවාගත්ත අවී කෙනෙක්...
" මැණික... මාත් එක්ක කතා කරන්නැද්ද... ප්ලීස් කතා කරන්නකෝ... මම ඔයාට කොච්චර කෝල්ස් ගත්තද... එදා ඔයා මට වෙච්ච දේ පැහැදිලි කරන්නවත් දුන්නෑ.. එදා ඔයා නුරාග්ට තුරුල් වෙද්දී මට හිතුනේ එවෙලෙම ගිහින් මුහුදට පැනලා මැරෙන්න... මං දන්නෑ මැණික... එදා ඔහොම දෙයක් වෙනවා කියලා...එදා ජයවීරලා පාර්ටි එකට එනවා කියලා දැනන් හිටියට අඩුම තරමේ විනුලි කියන්නේ ඒ කෙල්ල කියලාවත් මං දැනන් හිටියේ නෑ මැණික... ප්ලීස් මට සමා වෙන්න මැණික... මං එන්ගේජ්මන්ට් එක නවත්තන්න හැදුවේ ඒත් තාත්තා මට ඔයාව මරනවා කියලා බ්ලැක්මේල් කළා මං අසරමයි මැණික... මට හැමදේටම වඩා ඔයාව වටිනවා... අම්මා කෙනෙක්ගේ ආදරේ පොඩි කාලේ ඉඳන් නොලැබුනු මට අම්මා කෙනෙක් උනේ මගේ මැණික... අනේ ප්ලීස් මැණික.. මාත් එක්ක කතා කරන්න... මතද මං ඔයාට කිව්වා දවස ආපුහම මං ඔයාට හැමදේම කියන්නම් කියලා.. අද මං හැමදේම කියන්නම් මැණික... තව දුරටත් ඔයාගේ මේවා හංඟලා වැඩක් නෑ... ඔයා රට යන්න ලෑස්ති වෙලා ඉද්දී තමා මට තාත්තා මේ ප්‍රපෝසල් එක ගෙනාවේ... මං ඒකට අකමැති වුනාම තාත්තා කිව්වා ඔයාව මරනවා කියලා. එයා ඔයාගෙන් පස්සෙන් කට්ටිය දාලා හිටියේ මැණික... මට දේශපාලනේට එන්න කියපුහමත් මං කැමති වුනේ නෑ.. ඒත් ආයෙම ඔයාව....මට බෑ මැණික.. මං හින්දා ඔයාට මුකුත් වෙන්න දෙන්නබෑ... වාසනාවට වගේ ඔයාට රට යන්න හම්බුනා...ඒ හින්දා තාත්තා හිතුවා අපේ සම්බන්ධය දැන් නැතුව ඇති කියලා... ඒත් මැණික.. අපි හිතුවේවත් නැති කෙනෙක් අපි ළඟම ඉඳන් මේ හැමදේම කරලා තියෙන්නේ මැණික... ඒ තවීෂ්... ඌ තමා එදා මගේ මැණිකව මරන්න හදලත් තියෙන්නේ... ඒ පාර විතරක් නෙවෙයි තව කීප සැරයක්ම මරන්න හැදුවා. ඔයාගේ ඇක්සිඩන්ට් එකෙන් පස්සෙ තමා මං ඒ දේවල් සේරම දැන ගත්තේ.. මට මුල ඉඳන්ම තාත්තාගේ වැඩ ගැන සැකයක් තිබ්බත් මම ඒ දේවල් එච්චර ගණන් ගත්තේ නෑ... ඒත් දැන් බලනකොට එයා මාව දේශපාලනේට ගෙනැත් තියෙන්නෙත් ප්ලෑන් එකකට මැණික... මගේ අම්මව මරා ගත්ත උන්ට ආයේ ඉතින්... අර මගේ කුඩම්මා කියන එකී තමයි ඔක්කොම කරන්නේ මැණික.. ඔයා දන්නවද... තවීෂ්ව අන්ඩර්වර්ල්ඩ් එකට දාලා.. ඌ දැන් කරන්න තියන ජාති ඔක්කොම කරනවා... කුඩු බිස්නස්... අවයව.. මේ හැමදේම... ජයවීර කියන එකා තමයි මේ ඔක්කොටම සපෝට් කරන්නේ.. ඒ හින්දා තමා මාව අරකිට බන්දන්න හදන්නේ... අනික විනුලිව චුට්ටක්වත් විශ්වාස කරන්න එපා.. ඒකි තමා තවීෂ් එක්ක එකතු වෙලා මේ හැමදේම කරන්නේ... ඒකි ටීෂාටත් හපන්.. ආදිවත් ලොකු අමාරුවක වැටෙන්න යන්නේ මැණික... ඔයා දන්නෑනේ ඇයි මායි ආදියි හැමතිස්සෙම වලි දාගන්නේ කියලා නේද... ඒකටත් හේතුව මගේ තාත්තා කියන එකා.. එයා තමයි ආදිගේ තාත්තව මරලා දැම්මේ... ඒක ආදි දැනගත්තේ අපි ඕ ලෙවල් ලියන කාලේ.. නැත්තන් ආදියි මායි කියන්නේ හොඳම යාලුවෝ... ආන්ටිත් ඒ දේවල් ගැන දැනගත්තා ඊටපස්සේ... ඒත් එයා ආයේ ඒ කේස් එක ඕපන් කරන්න යනවා කියලා දැනගත්තම තාත්තා ආන්ටිවත් ඇක්සිඩන්ට් කරා.. ඒකෙන් එයාගේ මෙමරි ලොස්ට් එකක් වුනා.. එයාට මතක තිබ්බේ අන්තිමට මලගෙදර දවසේ ඒවා විතරයි.. එදා ඉදන් ආදිට මාව පෙන්නන්න බැරුව ගියා.. ඒ නිසා තමා ඔයා මට ළං වෙද්දි ඔයාට වද දෙන්න ගත්තේ.. නැත්තන් ආදි කියන්නේ කවදාවත් කෙල්ලෙක්ට අත තියන කෙනෙක් නෙවෙයි... අනික ඌ අවුරුදු පහළොවෙ විතර ඉඳන් එක කෙල්ලක්ට ආදරේ කර කර හිටියේ... ඉතින් මගේ ජීවිතේ විනාශ වෙන්න හේතුව මගේ තාත්තා කියන එකා.. මට බයයි මැණික... එයා ඔයාට මොනාහරි කරයි කියලා මට මොනා වුනත් කමක් නෑ ඒත් ඔයාට මොනාහරි වුනොත් මං මැරෙනවා මැණික... ඔයාට මං කියපු දේවල් විශ්වාස නැත්තන් මගේ account එකට log වෙලා බලන්න.. මං එකතු කරගත්ත සාක්ෂී ඔක්කොම මේකට දාලා තියෙන්නේ... හැබැයි මං මේ දේවල් දන්නවා කියලා තාත්තා දැනගත්ත දවසට මටත් මේ ලෝකෙන් යන්න වෙනවා මැණික... මං ඊට කලින් කොහොමහරි මේ දේවල් සේරම එළි කරනවා.. එතකොට මට මගේ මැණික එක්ක සතුටින් ඉන්න පුලුවන්නේ... ආදරෙයි මැණික... ප්ලීස් මාත් එක්ක එකපාරක් කතා කරන්න..."

වීඩියෝ එක ඉවර වුනාම යුහී ලැප් එකේ ස්ක්‍රීන් එකෙන් පේන අවීගේ රූපේ අතගාමින් හයියෙන් ඇඬුවා.

එළියේත් හයියෙ ගෙරෙව්වේ අකුණු ගැහුවේ කෙල්ලත් එක්කම අහසත් අඬනවා වගේ.. පැය ගාණක් යුහී ඇඬුවේ කලින් අවී එක්ක කතා නොකළ එකට පසු තැවෙමින්...
අඬලා අඬලා අන්තිමට යුහීගේ ඔලුව හොඳටම රිදෙන්න ගත්තා.. 

අඬම අඬම ගිහින් පැනඩෝල් දෙකක් බීපු කෙල්ල ආයේ සෝගා එකෙන් ඉඳගෙන අවී දිහා බලාගෙන ඇඬුවා..

ඒත් යුහී එක දෙයක් දැනන් හිටියේ නෑ... පහුගිය මාස ගාණටම විනෝද්‍යා යුහීට පැනඩෝල් ඒවගේම පේන්කිලාර්ස් ජාති තහනම් කරලා තිබ්බේ.. ඒත් යුහී අද ඒ දේ මතක නැතුව පැනඩෝල් බිව්වා..

ටිකකින් යුහීට ඇහුනේ කවුරුහරි දොරට තට්ටු කරන සද්දයක්..

කෙල්ල සෝෆා එකෙන් නැගිට්ටත් දැනුනේ නිකන් මුළු ගේම කැරකෙනවා වගේ...

යුහී කොහොමහරි අමාරුවෙන් දොර ළඟට ගිහින් දොර ඇරියා...

ඒ ඇවිත් හිටියේ...



අවී....