🖤හේල්‍යා🖤 - 17
17.කොටස
පහුවදා උදේ කේශ් නැගිටිද්දී ඇඳෙ හිටියේ එයා විතරයි.
කොල්ලට හිතුනේ ඊයේ වෙච්ච දේවල් හැමදෙයක් ම හීනයක් කියලා.
හිතේ වේදනාවත් එක්කම කාමරෙන් එළියට ගියේ සහීට අඬගහන ගමන්...
"සහී.... ඔයා කොහෙද.... පුතූ...." කියනගමන් පඩිපෙළ බැහැගෙන ගියා.
කිචන් එකේ හිටපු කෙල්ල ඉක්මනට දුවන් ආවේ කොල්ලා කෑගහන්නේ ඇයි කියලා බලන්න.
"ගුඩ් මෝනින් මේඝ්.... මං ඔයාව ඇහැරෙව්වේ නෑ... ඊයේ හොඳට..."
කෙල්ලට කියලා ඉවර කරන්න ලැබුනේ නැත්තේ කොල්ලා ඇවිත් කෙල්ලව බදා ගත්ත හින්දා.
"මේඝ් මහත්තයෝ.... මොකද මේ... " කියල කෙල්ල ඇහුවේ කොල්ලගේ පිට අතගාන ගමන්.
"මං හිතුවේ ඒක හීනයක් කියලා සහී.... මට බය හිතුනා ආයේ ඔයාලාව නැති වෙයි කියලා... "
"ආයේ මං ඔයාව දාලා කොහෙවත් යන්නෙ නෑ.... එලෙව්වත් යන්නෑ..... හා දැන් යන් තේ බොන්න...." කියලා කොල්ලවත් එක්කන් කෙල්ල කිචන් එකට ගියා.
දෙන්නා එද්දි චූටි මේඝ් බිස්කට් බෝතලේට වග කියනවා.
"චූටි මේඝ්.... බිස්කට් බෝතලේම කෑවද..... අනේ අම්මපා දැන් කොහාටද බත් කන්නේ දෙන්න ඕනා දෙකක්..."කියලා කෙල්ල පුතුට තරවටු කළා.
"මේ මගේ පුතාට මුකුත් කියන්න එපා හරිදා.... ඔයා ඔක්කොම කන්න මේඝ්... තව ඕනද..."කියලා කේශ් ඇහුවේ කොල්ලව වඩාගන්න ගමන්.
චුටි මේඝුත් කොල්ලාගේ බෙල්ල වටේ අත් යවලා බදා ගත්තේ කෙල්ල දිහාට හොර බැල්මක් දාන ගමන්.
"හහ්... තාත්තලා පුතාලා ඕන මඟුලක් කරගන්නකෝ.... බතුත් කවන්නැතෑ... " කියලා කෙල්ල කොල්ලට තේ හදලා දුන්නා.
"මැණික.... උයන්න බඩු තිබ්බද.... ඔයා ගියත් හරි මේ කිචන් එකේ උයලා නෑ..."
"තිබ්බෙ නෑ මේඝ්... මම ගාඩ් කෙනෙක් යවලා බඩු ටිකක් ගෙන්න ගත්තා... අද ඔහොම්මම market එකටත් ගිහින් එමු... ඔයා වොෂ් එකක් දාගෙන එන්න මම කෑමත් ලෑස්ති කරලා තියෙන්නේ.... "
"ඔයා කීයටද නැගිට්ටේ..... තාම නවයටත් නෑ නේද..."
"මම නැගිටිද්දී හයට විතර... පුතා ඇහැරෙනවා නේ ඒ ටයිම්.... ආ මම අම්මට කතා කළා... එයත් කැමති මෙහෙ එන්න..."
"හරි එහෙනම් මම වොෂ් එකක් දාගෙන එන්නම් ඔයාලත් ලෑස්ති වෙන්න. කාලා ඔහොම්මම යන්..."
කේශ් වොෂ් දාගෙන එද්දි රූහි පුතාව ලෑස්ති කරලා ඇඳ උඩින් තියලා එයාත් ලෑස්ති වෙලා කොණ්ඩේ පීරනවා.
කෙල්ලව දැක්ක කොල්ලට පුදුම හිතුනේ ගවුමක් ඇඳන් හිටපු නිසා.
කෙල්ලව පිටිපස්සෙන් බඳාගෙන උරහිසින් නිකට තියාගෙන කණ්ණාඩියෙන් පේන ප්‍රතිබිම්බේ දිහා බලාගෙන කොල්ලා ඇහුවා
"කවදා ඉඳන් ද මැඩම් ගවුම් අඳින්න ගත්තේ...."
"ම්ම්ම් පුතාව හම්බෙන්න ඉද්දී.... ඒක පහසු හින්දා ඇන්දා... මගේ බඩ ගොඩාක් ලොකු වෙලානේ තිබ්බේ... ගවේෂ් අයියලා කිය කිය හිටියේ twinsලද දන්නෙත් නැ කියලා....ඉතින් ගවුම් අඳින එක තමා ලේසි උනේ.. නැත්තං බඩ හිරවෙනවනේ... අනික මෙයා බඩේ ඉන්න කාලේ ඉඳන්ම චණ්ඩියා... දන්නවද මේඝ් පයින් ගහනවා ආයේ මුකුත් නෑ..... බඩේ ඉද්දී ඉදන්ම නපුරුයි... මං නිකන් ඇයි කියන්නේ තාත්තගෙම පුතා කියලා..."
කෙල්ල කතාව ආසාවෙන් අහන් හිටපු කොල්ලාගේ ඇස් දෙකට කඳුලු පිරුනේ කෙල්ලට තමන්ව ඕනම කාලේ බලාගන්න බැරි වුනානේ කියලා පසු තැවීමක් ඇති වුන නිසා.
කොල්ලාගේ කඳුලු දැක්ක කෙල්ල හිමීට අනික් පැත්තේ හැරිලා කොල්ලාගේ මූනින් අල්ල ගත්තා.
" මේඝ්... කෝ බලන්න මං දිහා... කෝ ඉතින්... දැන් ඕවා අමතක කරන්න. ඊයේ ඔයාම නේද මට කිව්වේ... මගේ හොඳ මහත්තයානේ.... කෝ හිනා වෙන්න... " කියලා කෙල්ල කොල්ලාගේ කට අතින් හදන්න ගත්තා.
කෙල්ලගේ ඒ විකාර වැඩේටම කොල්ලට හිනා ගියා.
" ආන් ඔහොම ඉන්න ඕනා හරි ද... "
කෙල්ලට හිතන්නවත් වෙලාවක් නොතබා කොල්ල කෙල්ලගේ දෙතොලට බර වුනා.
පුරුදු විදිහටම කෙල්ලත් කොල්ලට අවනත වුනේ දෙන්නට හැමදේම අමතක වෙලා යද්දී.
"අම්මී..."
චුටි මේඝ්ගේ කටහඬට තම දෙන්නා පියවි සිහියට ආවේ.
සහී ගිහින් පුතාව වඩාගෙන කොල්ලා දිහා බලන්නෙත් නැතුව
" කන්න එන්න..." කියාගෙන පහළට ගියා.
කොල්ලා දන්නවා කෙල්ල මූණ බැලුවේ නැත්තේ ලැජ්ජාවට රතු වෙලා හින්දා කියලා.
කෙල්ල පහළට යන්කොට ධීර් ඇවිත් හිටියා. ධීර් ගෙනැත් තිබ්බ බෑග් එක රූහි අතට දීලා,
"මැඩම් මාත් එක්ක තරහා නෑ නේද...." කියලා ඇහුවා. බෑග් එකේ තිබ්බේ මොනාද කියලා දැක්ක කෙල්ල,
"දැන්නම් තරහා නෑ..."කිව්වා.
"මෙයාව යාලු කරගන්න ලේසිම වැඩේ chocolate milkshake අරන් දෙන එක තමයි..."කියපු කොල්ලා කෙල්ලගේ අතේ හිටපු පුතාව අතට ගත්තා.
"යන් ධීර් අයියේ බත් ටිකක් කමු..."
"මං කාලා ආවෙ මැඩම්... මං යන්නම් වැඩ වගයක් තියනවා මැඩම් ආවා කියලා දැන ගත්තා හින්දා ඉක්මනට ආවේ" කියලා ධීර් ගියා.
රූහියි මේඝ්ලා දෙන්නයි ගිහින් ගන්න හිටපු බඩු ටිකයි චූටි මේඝ්ට ඇඳුම් ටිකකුයි අරන් රසාන්‍යාවත් එක්කන් හවස් වෙද්දි ගෙදර ආවා.
මඟදී ආපු කෝල් එකකට කලබල වෙලා හිටපු කොල්ලා කට්ටියව ගෙදරින් දාලා ආපහු ගියේ කෙල්ලට ඉක්මනට එන්නම් කියලා.
අම්මටත් කාමරයක් ලෑස්ති කරලා දීලා පුතාව වොෂ් දාලා නිදි කරලා අම්මට භාර දීපු කෙල්ල ගියේ පුතාගේ කාමරේ ලෑස්ති කරන්න.
ඒ දෙන්නගේ කාමරේ ළඟින්ම තිබ්බ කාමරයක් පැය ගාණක් ඔට්ටු වෙලා කෙල්ල decorate කළා.
මේඝ් ලොකු උනාමත් ඒ කාමරේ පාවිච්චි කරන්න පුලුවන් විදිහට ඔක්කොම හැදුවා.
අන්තිමට කාමරේ ලයිට් ටිකක් විතරක් සෙට් කරන්න තියෙද්දි කෙල්ල ඒක නතර කරේ පහළින් ආපු කටහඩට වගේම වෙඩිහඬට ගැස්සිලා.
" ඒ බල්ලා කොහොමද යකෝ මේ ආදීගේ එකෙක්ට අත තිබ්බේ... ඉවරයක් කරලා.දාපන් ඉන් ඔක්කොම... ඉතුරු කරන්න එපා..."
මේඝ් අමතක වෙලා තිබ්බේ මේ වෙනකොට කෙල්ල වගේම අම්මත් ගෙදර ඉන්නේ කියලා.
වෙනදා පුරුද්දට හයියෙන් කෑ ගැහුවත් එකපාර ඇහිච්ච පුතු අඬන සද්දේ කොල්ලට අමතක වුන දේ මතක් කරලා දෙන්න සමත් වුනා.
තුන් වෙනි තට්ටුවේ හිටපු කෙල්ලටත් මේ දේවල් කනේ තිබ්බා වගේ ඇහිච්ච හින්දා කර කර හිටපු වැඩෙත් පැත්තකට දාලා දිව්වා.
කෙල්ල පහළට එනකොට කොල්ලා සෝෆා එකේ ඉඳගෙන කොල්ලව නලවගන්න ඔට්ටු වෙන අම්මා දිහා බලන් ඉන්නවා.
කෙල්ල ඉක්මනට ඇවිත් පුතාව අතට ගත්තට කෙල්ල කොල්ලා දිහා රවලා බලලා කාමරෙව්ට ගියා.
ගන් එකත් අතේ තියන් කල්පනා කර කර හිටපු කොල්ලා කෙල්ල පස්සෙන්ම ගියේ කෙල්ලව කොහොමද සමාදාන කරගන්නේ කියලා හිතන ගමන්.
කොල්ලා කාමරේට ගිහින් හිමින් සැරෙ එබිලා බැලුවත් කෙල්ල පේන්න හිටියේ නෑ ඒත් පුතා ඉකි ගහන සද්දෙ බැල්කනි එක පැත්තෙන් ඇහිච්ච නිසා කොල්ලා ඒ පැත්තට ගියා.
ඒ යනකොට කෙල්ල පුතාව නලවන ගමන් හිටියේ.
පුතා කෙල්ලගේ පපුව අතගාමින් කිරි හොයන්න පටන් ගත්ත නිසා කෙල්ල එතනම තිබ්බ ඔංචිල්ලාවේ ඉඳගෙන පුතාට කිරි දෙන්න ගත්තා.
චූටි මේඝ් කොයි තරන් බය වෙලාද කිව්වොත් හොඳටම දාඩිය දාලා හිටියේ. පුතාගේ හිසට සෙමින් පිඹින ගමන් අතගාපු කෙල්ල ළඟින් කොල්ලා ඇවිත් ඉඳගත්තා.
"සහී... මට සමාවෙන්න... මට අමතක වුනා.."
" ඒක හරි කතාවක්නේ මේඝ්... ඔයා පුතා ඉස්සරහා කාවහරි මරලාත් මට ඇවිත් කියයි සමාවෙන්න කියලා... බලන්න මෙයා කොච්චර බය වෙලා ද කියලා..."කෙල්ල කිව්වෙ තවමත් ගැහෙමින් ඉන්න පුතුව පෙන්නලා.
පුතාගේ චූටි අතකින් අල්ලගත්ත මේඝ් ඒ අත සිප ගත්තේ කියා ගන්න බැරි තරන් දුකකින්.
"සහී.... ඔයා අහන්නේ නැද්ද ඇයි මම එහෙම කරේ කියලා..."
"එදා මට ඒ ගැන කියපු නැති එක අද කියයිද මේඝ්...."
කෙල්ල කියද්දි කොල්ලට මතක් වුනේ එදා කෙල්ල ඉස්සරහම තුන්දෙනෙක් මරලා දාපු විදිහ...
"එදා කියන්න බැරි උනාට අද කියනවා සහී.... තවදුරටත් ඔයාගෙන් මම කිසිම දෙයක් හංඟන්නෙ නෑ... සහී මට තමයි underworld එකේ ආදී කියන්නේ..."
කෙල්ල බය වෙලා කොල්ලා දිහා බැලුවේ මේ ආදි ගැන ගවේෂ් කියලා තිබ්බ හින්දා...
මේ අතරේ
"බොස් බොස්ගේ බිල්ල ආපහු ඇවිල්ලා...."
"කියන මඟුලක් තේරෙන්න කියපන්... "සනත්.
"බොස් අර ගවේෂ් බොස් එක්ක පැනලා ගියපු කෙල්ල ආයේ ඇවිත්...."
"මොකක් ඇත්තටම ඇවිත් ද... කොහෙද දැන් ඉන්නේ...."
"ඔව් බොස් ආරංචි විදිහට දැන් දවස් දෙකකට කලින් ඇවිත් තියෙන්නේ... හැබැයි දැන් ඉන්නේ නම් කේශ්කාරයගේ ගෙදර... රසාන්‍යා මැඩමුත් ඇවිත් තියනවා...."
"ෂාහ්... ඒකි මරු කට හොයාගෙනම එනවනේ.. මරු තව මාස හතරෙනේ තියෙන්නේ කොහොමත් මං බයේ හිටියේ මේ පාරත් බැරි වෙයි කියලා.. පොඩ්ඩක් හිටපන් ඇයි ඒකි කේශ්ගේ ගෙදර ඉන්නේ...."
" බොස් ගවේෂ් බොස් යාලු වෙලා ඉදලා තියෙන්නේ ඒකි එක්ක නෙවෙයි.. ඒකිගේ සෙකට්‍රි කෙනෙක් එක්ක... ගවේෂ් බොසත් ලංකාවට ඇවිත් ඉන්නේ...."
"ඒ බල්ලව මතක් කරන්න එපා... ඌ තමා ගිය පාර සේරම අවුල් කරේ....අරකිව වෙලාවක් බලලා උස්සපන්...."
"බොස් මේ පාර නම් ලේසි වෙන එකක් නෑ .... එකිගේ ගාඩ් එක වැඩී.... ආ තව එකක් බොස් ඒකිට ළමයෙකුත් ඉන්නවා...."
"ආ... එහෙමද .... මට මොනාහරි කරලා ඒකිව මේ මාස හතර ඇතුළත උස්සලා දීපන්....."
"ok boss... ගුඩ් නිවුස් එකක් තියනවා..."
"කියපන්... "
"ආදි කියන එකාගේ ගෝලයෝ තුන්දෙනෙක් මැරිලා... පහකට බරපතලයි... ආරංචිය යන්නේ කුඩු විජේ ඇටෑක් කරලා කියලා..."
"ෂාහ් අද නම් බොන්න ඕන දවසක්.... අරන් වරෙන් කට්ටියටම බොන්න අද මං ගානේ...."සනත්.
0
