🖤හේල්‍යා🖤 - 18

18.කොටස

"මේඝ්... "
"මම හැමදේම කියන්නම් මැණික.... කොහොමද ආදි කියලා කෙනෙක් හැදුනේ කියලා.... මම චූටි කාලෙ හිටියෙම අම්මා එක්ක.... තාත්තා මාව බලන්න ආවෙම නැති තරන්... නීතියෙන් අම්මව බැඳල හිටියත් තාත්තා හිටියේ හොරගෑනි රේඛා එක්ක... මම ඒ කාලේ ඉඳන් ම තාත්තා එක්ක තරහෙන් හිටියේ.... තාත්තා ගෙදර එන්නැති තරමට මං සතුටින් හිටියේ.. තාත්තා ආපු දවසට අම්මා අඬනවා...
එක දවසක් මං මොන්ඩිසෝරියේ ඉඳන් එද්දී අම්මා ගෙදර ඇවිත් හිටියේ පෙට්ටියක... එදයින් පස්සේ මම ජීවත් වුනේ මගේ පුංචියි බාප්පයි එක්ක.. ඒ දෙන්නට අම්මා, තාත්තා කියාගෙන හිටියට අම්මට වෙච්ච දේවල් මගේ හිතේ තිබ්බා...
මට මේ දේවල් තේරෙන වයසට ආපුහම මම ආපහු අම්මයි මමයි හිටපු ගෙදරට ගියා... එතනදී තමා මට අම්මාගේ ඩයරියක් හම්බුනේ වගේම ඔයා අර කාමරේ බැලුවා කිව්වානේ එතන තිබ්බ ඩොකියුමන්ට්, ඇල්බම් ඔක්කොම මං එහෙන් ගෙනාපු ඒවා...
අම්මාගෙ ඩයරියෙන් තමා මං දැන ගත්තේ සනී කියන්නේ සනත්ට කියලා... ඒ වෙනකොට මට US වල ඉගෙන ගන්න යන්න scholarship එකක් හම්බෙලා තිබ්බේ... මට එහෙදී ආපු අදහසකට තමා මං ටීම් එකක් හදාගත්තෙ වැරදි කරන අයව නීතියට අල්ලල දෙන... අපි ඒක අවුරුදු ගාණක් කරන් ගියා... අවුරුදු ගාණක් යද්දී අපිට ඒක රටවල් දහයක විතර කරන් යන්න පුලුවන් වුනා..
ඒ අතරේ තමා මට ඔයාව හම්බුනේ.. එදා ඔයාව පැහැර ගත්තට පස්සෙ මට ඔයාව හොයා ගන්න උදව් කරෙත් අපේ ටීම් එකම තමා...එදා තමයි මට තේරුනේ underworld එකට කොච්චර power එකක් තියනවද කියලා... අනික ඔයා සතියක් විතර සිහිය නැතුව ඉන්නකොට ඒ සිහිය ඇවිල්ලාත් මාව මතක නැතිවුනාම මට පිස්සු හැදුන්නැති ටික විතරයි.... එදා තමයි මං තීරණයක් ගත්තේ underworld එකට යන්න...
අපේ ටීම් එක එහෙම්මම underworld එකට බැස්සා... ටික කාලයක් ඇතුළත අපිට අපේ නම හදාගන්න පුලුවන් වුනා..මට ඔයා ගැන බය වෙන්න දෙයක් තිබ්බෙත් නෑ ධීර් ඔයා ළඟ හිටපු හින්දා...."
"එතකොට මං හින්දද... ඔයා ආදි වුනේ..."
කෙල්ල ඇහුවේ කොල්ලා මෙච්චර අපරාධ කරන්නේ කෙල්ල හින්දද කියලා ඇතිවෙච්ච පසු තැවීම හින්දා...
"මම underworld එකට එන්න එක හේතුවක් වුනේ ඔයා තමා.... මට ඕන වුනා ඔයාව සනත්ගෙන් ආරක්ෂා කරගන්න.... මං හිතුවේ ඌ ඔයා පස්සෙ එන්නේ මං හින්දා කියලා... ඒත් තව හේතුවක් තියනවා... ඒක තමා... අපි සමහර වැරදි කරන මිනිස්සුන්ව නැවැත්තුවට සමහරුන්ට ළං වෙන්නවත් බැරි වුනා.. ඉතින් ඒ අයව නැති කරලා දාන්න හොඳම ක්‍රමේ තමයි underworld එක..."
"please මේඝ් මේ දේවල් නතර කරලා දාන්න... ඒ මිනිස්සුන්ව මරලා ඔයා පව් පුරෝගන්න එපා... "
ඔංචිල්ලාවෙන් නැගිටලා කෙල්ල ළඟ දණගහගත්ත කොල්ලා කෙල්ලගේ අතක් කොල්ලාගේ අත්වලට මැදි කරගෙන
" අහන්න මැණික... මේ අද මේ වෙනකන් මරපු එක්කෙනෙක්වත් හොඳ අය නෙවෙයි... මේ සමාජෙටම පිලිකාවක් වෙලා හිටපු අය...
වැඩියේ ඕන්නෑ එදා මං මරලා දාපු තුන්දෙනා, උන් තුන්දෙනාගෙන් එකෙක් චූටි චූටි කෙල්ලන්ව උස්සනවා, අනිත් උන් දෙන්නා ස්කෝලෙ යන පොඩි උන්ට කුඩු විකුණනවා... මං කියපු දේවල් විශ්වාස නැත්තං ගවේෂ්ගෙන් අහන්න.. ඌ දන්නවා... ඌ තමා උන් තුන්දෙනාව මං ගැන ඔත්තු බලන්න දාලා හිටියේ... ඒත් ඌවත් දැනන් හිටියේ නෑ මං තමා ආදි කියලා...
දන්නවද මැණික... පහුගිය අවුරුදු හතර ඇතුළත මට පුලුවන් වුනා ලංකාවට එන drugsවලින් 50%ක් විතර නවත්තන්න... තව මිනීමැරුම් මංකොල්ලකෑම් සෑහෙන්න අඩු වුනා... කියන්න මැණික... මං එතකොට වැරැද්දක් කරලද....." කෙල්ලගෙන අත සිපගනිමින් කිව්වා.
"ම්ම්ම් හරි මේඝ්... ඒත් ඔයාට අනතුරක් වුනොත්....."
"ඉස්සරනම් එහෙම වුනත් කමක් නෑ කියලා හිටියේ.... ඒත් දැන් මට බලාගන්න කට්ටිය ඉන්නවනේ... මං පරිස්සම් වෙනවා මැණික..."
කොල්ලාගෙ හිස අතගාපු කෙල්ල,
"එහෙනම් මගෙ මහත්තයා හැමදාම පරිස්සමින් ගෙදර එන්න ඕනා තේරුනාද... තව දෙයක් අද කරා වගේ දේවල් කවදාවත් වෙන්න බෑ..."
"හරි සහී... මං ආයේ කවදාවත් එහෙම කරන්නෙ නෑ..."
"දැන් අම්මට මොනාද කියන්නේ මහත්තයෝ... අම්මට ඔයා ආදි කියලා කිව්වොත් නම් එයා මොන විදිහට react කරයිද දන්නෑ... ඒත් ඔයාගේ කෑගහපු එක මේ තට්ටුවේ හිටපු මටම පැහැදිලිව ඇහිච්ච එකේ අම්මට ඇහුන්නැත්තන් පුදුමයි..."
"ෂික්.... ඇත්තටම මම දැන් මොකද කරන්නේ මැණික.... "
"අම්මට බොරු කියලා හරියන්නෙත් නෑ මහත්තයෝ... අම්මට ඇත්ත කියන්න..."
"මේ help එකක් දෙන්නකෝ... යන් මාත් එක්ක.." 
"හෑ... දැන් හෙණ චණ්ඩියා නේද...."
"අම්මී... තාත්තිත් තන්දියද..." චූටි මේඝ් කිරි බීලා නැගිටින ගමන් ඇහුවා...
"ඔව් නේ මැණික... තාත්තිත් චණ්ඩියා තමා..."
"ඒ වුනාට චූටි පුතු තමා මගේ චණ්ඩියා... එන්න බලන්න තාත්තී ළඟට..."කියමින් කොල්ලා පුතුව වඩා ගත්තා.
"අප්පටසිරි රෑත් වෙලා... මං ඉව්වෙ නෑ..."කියමින් කෙල්ල ඇඳුම හදන ගමන් පහළට දිව්වා.
කොල්ලාද ඒ පසුපස දිව්වේ                        "කෑම ඕඩර් කරලා ගෙන්නගමූ සහී..."කියමින්.
කෙල්ල කිචන් එකට යනකොටත් අම්මා උයනවා.
"අනේ අම්මා ඔයා උයන්නත් පටන් ගත්තද...."
"ඔව් දෝණි ඔයා room එක හද හද හිටපු හින්දා මං ඉව්වා."
"මොනාද අම්මේ තව කරන්න තියෙන්නේ..."
"මුකුත් නෑ දෝණි.... ඔයා ගිහින් වොෂ් දාගෙන එන්න... room එකේ වැඩ ඉවරද..."
"ආ.. නෑ අම්මේ තව තියනවා... මෙයාගෙ සද්දෙට ඒ වැඩෙත් දමලා ගහලා ආවේ... " කියලා කෙල්ල කිව්වෙ කොල්ලව පෙන්නන ගමන්.
"අම්මේ... මේ... මම.. එවෙලේ..."කේශ්.
"හරි පුතා... මම ඔයාගෙන් ඒ ගැන අහන්නෙ නෑ.. ඔයා දූත් එක්ක කතා කරලා ඒ දේවල් විසඳගත්ත නම් මට කිසිම ප්‍රශ්නයක් නෑ... අනික මං දන්නවා ඔයා වැරැද්දක් කරලා නම් දූ මෙහෙම ඉන්නෙත් නෑ කියලා.... "කියලා රසාන්‍යා කිව්වා.
"අනේ අම්මී.... "කියලා කොල්ලා ගිහින් අම්මව බදා ගත්තා.
"මට හම්බෙලා ඉන්නේ මාව හොඳට තේරුන් ගන්න පුලුවන් අම්මෙකුයි වයිෆ් කෙනෙකුයි... මම තරන් වාසනාවන්ත නැතුව ඇති වෙන කවුරුත්..."කියමින් රසාන්‍යාව තරයේ වැළඳ ගත්තා.
"තා..ත්තී... බබාත සිඳෙනා..." හැමදාම මේ අයගේ වැළඳගැනීම් හින්දා තැලෙන්නේ අසරණ චූටි මේඝ්.
"අප්පටසිරි... පුතු අමතක වුනානේ... සොරි හොඳේ..."
"පුතා... එහෙනම් දූත් එක්ක ගිහින් රූම් එකේ වැඩ ටික ඉවර කරලා වොෂ් දාන් එන්න... මං තව ටිකකින් උයලා ඉවරයි..."
"හා අම්මේ...." කියපු දෙන්නා පුතුගේ රූම් එකට ගියා.


"දෙයියනේ සහී.... මේක මාරම ලස්සනයිනේ... කොහොමද මෙච්චර ගොඩක් තනියම ඉවර කරේ... මං එනකන් ඉන්න තිබ්බනේ... "
"අයියෝ මේඝ් මට මේක සිම්පල් වැඩක්... මේ විදිහට පුතුට කාමර තුනක්..... නෑ නෑ හතරක් මම හැදුවා.. ඉතින් එච්චර අමාරු දෙයක් නෙවෙයි...."
" ඒකනේ මං ඔයාව බැන්ඳේ..." කියපු කොල්ලා කෙල්ලගේ කම්මුලක් සිප ගත්තා.
"මතත් ඕනා..." පුතු කෑ ගැහුවා.
"ඊරිසියාකාරයා.. "කියලා කොල්ලා පුතාවත් සිප ගත්තා.
කොහොමහරි ලයිට්ස් ටිකත් සෙට් කරලා තුන්දෙනා ගියේ වොෂ් දාන්න..


"සහී ඔයා වොෂ් දාන් එන්න මං පුතාව බලාගන්නම් එතකන්..."
"හා මේඝ්... මේ එහෙනම් තව පොඩි වැඩක් තියනවා ඒකත් කරන්නකෝ...."
"මොකක්ද..."
"පුතාගේ කෝට් එක අපේ ඇඳ ළඟින් සෙට් කරන්නකෝ...අර box එකේ තියෙනවා.." කියලා කෙල්ල කාමරේ තිබ්බ පෙට්ටියක් පෙන්නුවා. 




කෙල්ල වොෂ් දාලා එනකොට තාත්තයි පුතයි දෙන්නා පේන්නවත් නෑ.
ඇඳ ළඟින් කෝට් එකත් සෙට් කරලා තිබ්බා.


"තාත්තී.... යන්කෝ..."


පුතුගේ කටහඬ බැල්කනියෙන් ඇහුනු නිසා කෙල්ල ඒ පැත්තට යනවා. බලනකොට තාත්තයි පුතයි මුහුද දිහා බලාගෙන ඉන්නවා.


මේ වෙනකොට රෑ 7.30ට විතර හින්දා හොඳට කරුවල වැටිලා තිබ්බේ.පෝයට තව දවස් තුන හතරක් නිසා හඳත් ලස්සනට අහසේ පායලා.මුහුදේ ඈතින් නැවක් යනවා පේනවා.ඉතින් මේ බැල්කනි එකට පේන view එකට ඕන කෙනෙක් වශී වෙනවා.


"කොහෙද පුතු යන් කියන්නේ..."කියලා කෙල්ල පුතාගෙ අතකින් අල්ලගෙන ඇහුවා.
"බීත් යන්කෝ අම්මී.... තාත්තිට බාලු..."
"දැන් රෑ වෙලානේ පුතු... අපි හෙට යන්..." පුතා මූණ බෙරි කරගත්තා.
"එන්න අම්මි ළඟට.... තාත්ති වොෂ් දාන්නත් එපැයි අපි යන් චණ්ඩියාගේ බඩු ටික රූම් එකෙන් තියන්න... "කියලා කෙල්ල පුතාව අරන් කාමරෙන් එළියට ගියා. 

---

කට්ටියම රෑට කාලා කෙල්ල අම්මත් එක්ක කිචන් එකත් අස් කරලා රූම් එකට යද්දී පුතා කේශ් එක්ක සෙල්ලම...


"චූටි මේඝ්..."කියලා කෙල්ල කතා කරපු ගමන් චුටි පුතු දුවගෙන කෙල්ල ළඟට ආවා.
කෙල්ල වඩාගත්තට පස්සේ පුරුදු විදිහටම පපුව අතගාන්න ගත්තා.
"හොර ගෙඩියා අම්මිව මතක් වෙන්නේ කුක්කු ඕන වුනාම නේද... ඒත් ඉස්සෙල්ලම වොෂ් දාලා ඉමු.." කියලා කෙල්ල පුතාව වොෂ් දාන්න එක්ක ගියා.
කෙල්ල එද්දි කොල්ලා ලැප් එකේ වැඩක්. කෙල්ල ඇඳෙන් ඉඳගෙන පුතාට කිරි දෙන්න ගත්තා. ටිකකින් පුතුට නින්ද ගියාට පස්සෙ කෙල්ල පුතුව කෝට් එකෙන් තිබ්බා.




ලැප් එක වහලා දාපු කොල්ලා කෙල්ල ළඟට ඇවිත් කෙල්ලව බදාගෙන ඒ ඇස් දිහා බලන් හිටියා.
ටිකකින් කොල්ලගේ මූණ කෙල්ලගේ මුණට ළං වුනේ ඒ සුසුම් කෙල්ලගේ මූණේ වදිද්දී.


කෙල්ලට කෙළ ගිලුනේ කොල්ලාව ඒකෙන් ඇවිස්සෙද්දී.
ඒත් එක්කම කෙල්ලගේ දෙතොලට බර වුනු කොල්ලාගේ අත් කෙල්ලගේ පිට පුරා ගියා.
විනාඩි ගාණක දීර්ඝ සිප ගැනීමකින් පස්සේ කොල්ලා කෙල්ලගේ බෙල්ල සිප ගත්තේ කෙලව තව තවත් ඇඟට තද කරගන්න ගමන්.


ඒත් එකපාරටම කොල්ලාට තේරුනේ කෙල්ල ගැහෙනවා කියලා.
කොල්ලා කෙල්ලගේ මූණ දිහා බලනකොට තමා දැක්කේ කෙල්ල අඬනවා කියලා වගේම බයට හා පැටියෙක් වගේ වෙව්ලනවා කියලා.


"ඇයි මැණික..."
"මේ..ඝ්... මම මේ..කට.. ලෑස්ති... නෑ... මට.. බෑ ... මේඝ්.... අනේ..."කෙල්ල කිව්වේ කොල්ලගෙන් ටික ටික ඈත් වෙන ගමන්.
වෛද්‍යවරයෙක් විදිහට කොල්ලට අමාරු උනේ නෑ කෙල්ලගේ තත්ත්වේ අඳුරගන්න. කොල්ලට හිතට මහා බරගතියක් දැනුනේ කෙල්ලට මෙහෙම වෙන්න හේතුව තමන් බව දන්න නිසා...
කෙල්ලව අතහැරපු කොල්ලා කාමරෙන් එළියට යන්න ගියත් කෙල්ල අතින් අල්ලගෙන නැවැත්තුවා.


"අනේ යන්න එපා.... මේඝ්... please මට තව ටික දවසක් දෙන්න... " කියමින් කෙල්ල අඬන්න ගත්තා.
කෙල්ලගේ කම්මුලක් ස්පර්ශ කළ කොල්ලා
" ඕනෙ තරන් කාලයක් ගන්න මැණික... මට ඔයා වෙනුවෙන් මැරෙනකන්ම වුනත් බලන් ඉන්න පුලුවන්...."කියලා කිව්වා.
කෙල්ල ඇවිත් කොල්ලාගේ පපුවට තුරුල් වෙලා,
"thanks මේඝ් මාව තේරුන් ගත්තට..." කියපු කෙල්ල කොල්ලගේ පපුවෙන් ඈත් වෙලා,
"නිදාගමු..." කියලා කිව්වා.


දෙන්නම නිදා ගන්න ගියත් කෙල්ලගේ හිතට හරි නැත්තෙ කොල්ලා අනික් පැත්ත හැරිලා නිදාගත්ත නිසා.
ඊටපස්සේ කෙල්ල කොල්ලා ළඟට ගිහින් කොල්ලගේ ඇඟට අතක් දාගත්තම කොල්ලා කෙල්ලගේ පැත්ත හැරිලා කෙල්ලව පපුවට තුරුල් කරගත්තා.

---

මෙහෙම සතියක් විතර ගෙවිලා කොල්ලා ඉස්සර තරන් බිසී නොවී කෙල්ලයි පුතයි එක්ක කාලේ ගත කරද්දි..


කොහොමහරි අන්තිමට කොල්ලගේ 29 th birthday එකත් ආවා.




කෙල්ල එදා ගෙදරට කට්ටියටම invite කරලා පාර්ටියක් ලෑස්ති කරලා තිබ්බෙ කොල්ලව surprise කරන්න.


උපන්දිනේ දවසේ රෑ දොළහට කෙල්ල කොල්ලව ඇහැරෙව්වා.


"මේඝ්... මේඝ්.. නැගිටින්නකෝ පහළින් මොකක්ද සද්දයක් ආවා... මේඝ්... "කොල්ලව කොහොමහරි නැගිට්ගත්ත කෙල්ල කොල්ලා එක්ක පහළට ගියා.


"කරන්ට් නැද්ද.... ජෙනරේටර් එක වැඩත් නෑනේ...." කියපු කොල්ලා අන්තිම පඩියට අත තියද්දී එකපාරටම ලයිට්ස් ඔන් වුනා.
කොල්ලා දැක්කේ පවුලෙ අයයි යාලුවොයි කට්ටියම කේක් එකක් තියාගෙන කොල්ලා දිහා බලන් ඉන්නවා.


"Happy birthday my loving husband.." කෙල්ල පිටිපස්සෙන් ඇවිත් කොල්ලාගේ කනට මිමිණුවා.
කේක් කපලා තෑගි දීලා එහෙම එදා රූහිගේ birthday එක දවසේ කොල්ලා අන්තිමට තෑග්ග දුන්නා වගේ අද කෙල්ල තමා කොල්ලට අන්තිමට තෑග්ග දුන්නේ.
කෙල්ලගේ තෑග්ග ගත්ත කොල්ලා එ වෙලෙම ඒක unwrap කරන්න ගත්තා. ඒකේ තිබ්බේ...…
____________________________

 14 Comments (0) 