0
0
අවසාන කොටස...❤️
පහුවදා උදේ යුහී තේ එකත් අරන් කාමරේට එනකොට ආදි බ්ලැක් කල්‍ර ට්‍රවුසර් එකට වයිට් ෂර්ට් එක ඇඳලා පුරුදු විදිහටම කොණ්ඩේ හද හද ඉන්නවා.
යුහී ආදි අතට තේ එක දීලා,
" අයියේ අද කට්ටියම උසාවියට අරන් යනවද..."
" ඔව් මැණික... අදින්ම නඩුව ඉවර වෙයි... මොකද තවීෂ්ම පාපොච්චාරණය කරපු වීඩීයෝ එක ඔයා ගත්තනේ..."
" අම්මෝ ඒක ගන්න මං කාපු කට්ටක්... මගේ ඇස් දෙක රිදෙන්න ගත්තා... මට බයයි ඇහිපිල්ලම් ගහද්දී රෙකෝඩ් වුනේ නැත්තන් කියලා..."
යුහී ළඟට ආපු ආදි කෙල්ලගේ ඔලුව අතගාලා,
" ඔයා හිටියේ නැත්තන් ඔච්චර දෙයක් කරගන්න හම්බෙන්නෙත් නෑ මැණික..." කියලා කිව්වා.
එදා යුහී කැම්පස් ගියේ ලෙන්ස් දාගෙන. ඒවගෙන් පුලුවන් ඇස් ඉස්සරහා වෙන දේවල් රෙකෝඩ් කරගන්න. බ්ලැක් මාර්කට් එකෙන් ආදිට හම්බෙලා තිබ්බ වටිනම දෙයක් තමයි ඒක.
" අයියේ ලංකාවේ මරණ දඬුවම දෙන්නෑ නේද දැන්...."
" දන්නවද අයියේ තවීෂ් අතින් ගොඩාක් අයගේ ජීවිත විනාශ වෙලා. විශේෂයෙන්ම ගෑනු ළමයිගේ..."
" මං දන්නවා මැණික... බය වෙන්න එපා වෙන්න ඕන දේවල් වෙලාවට වෙයි... බඩගිනි අනේ..."
" බඩජාරියා... කිරි එක බීලා ඉන්න ඉස්සරවෙලා... ඕක බීලා ලෑස්ති වෙලාම එන්න පහළට... මං යනවා..." කියලා යුහී කාමරෙන් එළියට යන්න ගියා.
" මේ ඔයා කවනවා නේද..." යනගමන් ඉන්න යුහීගෙන් ආදි කෑගහලා ඇහුවා.
" මේක මාර වැඩක්නේ යකෝ... මේ පුත්තු දෙන්නත් ආවට පස්සෙ මට ඉන්න වෙන්නෑ..." කියලා බොටුවට ආදිට බනින ගමන් යුහී ගියා.
හවස් වෙලා ආදි ගෙදර එද්දී යුහී ගාඩ්න් එකේ බෙන්ච් එකකට වෙලා පොතක් කියවනවා.
" මගේ මැණිකා... මක්කැයි කොරන්නේ..."
" ම්ම්ම්... පොල් ගානවා...."
" අනේ මටත් පොල් කෑල්ලක් දෙන්නකෝ..."
යුහී ගස්සලා අහක බලා ගත්තා.
ඒපාර නම් යුහී හිටපු තැනින් නැගිටලා ආදි ළඟට ආවා.
" මේ මොනාද ගෙනාවේ...." යුහී ඇහුවේ ආදිගේ ෂර්ට් එකේ බොත්තමක් කරකවන ගමන්.
" ආ..." කියලා කොල්ලා මිල්ක්ශේක් එකක් දික් කරා. කෙල්ල ඒක අරන් බිබී ඉද්දි ආදි ඇහුවා.
" නිව්ස් බැලුවද...."
" නෑ... ඔයා ගියාට පස්සේ මාත් මෙහාට වෙලාම තමා හිටියේ... අම්මිත් ටිකක් වෙලා ඉඳලා නිදියන්න ගියා.."
" එහෙනම් එන්නකෝ බඩ්ඩක් පෙන්නන්න.." කියලා ආදි යුහී එක්කන් බෙන්ච් එකේ වාඩි වුනා.
ආදිගේ ෆොන් එකේ ගියපු නිව්ස් එකක් තමා පෙන්නුවේ.
" අද දින මිනීමැරුම්, පැහැර ගැනීම්, මත්ද්‍රව්‍ය ජාවාරම්, අවයව ජාවාරම් හා බාල වයස්කාර ගැහැනු දරුවන් ගණිකා වෘත්තියේ යෙදවීම වැනි චෝදනා යටතේ හා මියගිය අමාත්‍ය අවීෂ් වරංගල ඝාතනය කිරීමේ චෝදනාව යටතේ අමාත්‍ය තවීෂ් වරංගල, හිටපු අමාත්‍ය වරංගල, ව්‍යාපාරික ජයවීර හා ඔහුගේ දියණියන් වන ටීෂා ජයවීර හා විනුලි ජයවීර ජීවීතාන්තය දක්වා සිරගත කරන ලදී. නමුත් ඔවුන් බන්ධනාගාරයට රැගෙන යන මොහොතේ ඇති වූ ත්‍රස්ථවාදි ප්‍රහාරයකින් වෙඩි වැදී අමාත්‍ය තවීෂ් වරංගල, හිටපු අමාත්‍ය වරංගල හා ව්‍යාපාරික ජයවීර ජීවීතක්ෂයට පත්ව ඇත. මීට අමතරව පොලිස් නිලධාරීන් හය දෙනෙක් තුවාල ලබා රෝහල් ගතකර තිබේ."
යුහී නිව්ස් එක බලලා හිනාවෙන ආදිට කිව්වා
" මම නම් දන්නවා ඔය ත්‍රස්ථවාදින් කවුද කියලා..."
" ඒකනේ මගෙ මැණිකේ හෙණ බුද්ධිමත්නේ..." කියලා ආදි යුහීව තුරුලු කරගත්තා.
තවත් මාස පහක් ගත වුනේ හීයක වේගෙන්. යුහීගේ දරු ප්‍රසූතියට තව සතියක් විතර තමා තිබ්බෙත්.
යුහී එදා ටීවි එකේ යන කාටුන් එකකුත් බල බල විනෝද්‍යා කපලා දුන්න කොමඩු බෑවකට හැන්දත් ගහගෙන කකා හිටියා.
" බුදු අම්මෝ මෙන්න අදත් හොල්මනක්...." කියන සද්දෙට යුහීත් ගැස්සිලා පිටිපස්ස බලද්දි තමා දැක්කේ නිතේෂ්, හසූ, රනුක්, අයුශු, ශනුක, තේජාන් වගේම ආදි කට්ටියම ගෙදර ඇවිත්.
" උබ මගෙන් කන්න තමා හදන්නේ ශනුවෝ ඈ... බලපන් ගැස්සුනත් එක්ක..." කියමින් ආදි යුහී ළඟට ඇවිත් නළල සිප ගත්තා.
" මේ අයියේ අයින් වෙනවා හලෝ... පැය විසි හතරම මෙයා එක්කනේ ඉන්නේ මටත් මගේ නෑනා පොඩ්ඩ එක්ක ඉන්න දීලා ලෙෆ්ට් වෙන්න මෙතනින් ඉක්මනට..." කියපු හසූ ආදිවත් තල්ලු කරලා යුහීළඟින් ඉඳගත්තා.
" මේ ශාන් අයියේ උබේ ගෑනි හදාගනින් ඈ... බලපන්කෝ මට මගේ ගෑනි එක්ක ඉන්න දෙන්නෙත් නෑ..." කිය කිය ආදි උඩට ගියා.
අනිත් සෙට් එකත් ඇවිත් සෝෆා එකෙන් ඉඳගත්තා.
මේ වෙනකොට හසූ තේෂ් දෙන්නා මැරි කරලා මාස හතරක්. හසූත් තව මාස හතකින් අම්මා කෙනෙක්.
රනුක් අයිශුව කොහොමහරි කරලා මැරි කරන්න කැමති කරගෙන ඒ දෙන්නත් ගිය මාසේ බැන්දා.
ශනුක මැරි කරන්නේ තව මාස තුනකින්. තේජාන් නම් තනිකඩ ජීවිතේ සැපයි කියලා ඉන්නවා.
" අඩොහ් රතුචූටි දාපන්කෝ..." හසූ කිව්වේ යුහීගේ කොමඩු බෑවටත් වැඩේ දෙනගමන්.
" තව වෙලාව තියනවකෝ යකෝ..." කියමින් යුහී හසූගේ අතේ තිබ්බ හැන්ද උදුරලා ගත්තා.
" මේ රනුවෝ උබට මතකද දැන් අවුරුදු ගාණකට කලිනුත් අපි මෙහෙ එද්දි නංගි මේ වගේම කොමඩු කකා හිටියා. එදා නම් මං සිරාවටම බය වුනා හොල්මනක් කියලා..."
" අනේ අයියේ මේ මං කියන්නෑ කවුද හොල්මන කියලා..." කියපු යුහී ශනුකට විරිත්තුවා.
" මේ බන්... දැන්නම් යනවා දාපන්කෝ..." ආයෙ හසූ.
" මොනාද යකෝ ඔච්චර දාන්න කියන්නේ..." තේෂ් ඇහුවා.
" රතුචූටි අනේ..."
" ඒ මොන මඟුලක්ද..." රනුක්.
" මේ තමුසේ කාටුන් බලලා මගේ කෙල්ලො දෙන්නව නරක් කරනවකෝ..." කියමින් එතකොට ආපු ආදි යුහීගේ කනෙන් ඇල්ලුවා.
" හරි කට්ටිය දැන් කන් වහගන්න.." හසූ කලින් කියලා අත් දෙකෙන් කන් දෙක වහගත්තා.
" කෙල්ලෝ නෙවෙයි කොල්ලෝ.."
" නෑ කෙල්ලෝ..."
" කොල්ලෝ..."
" කෙල්ලෝ...."
" කොල්ලෝ...."
"කෙල්ලෝ..."
" දැන් තොපි දෙන්නා ඕක නවත්තනවද නැද්ද..." බැරිම තැන තේජාන් කෑගැහුවා.
" කියලා වැඩක් නෑ ගිහින් ස්කෑන් කරලා බලපන්කෝ..." රනුක්.
" බෑ..." යුහීයි ආදියි දෙන්නම එකටම කිව්වා.
" කට්ටියම කටවල් වහගන්න... අනේ මගේ පූස් කොල්ලා අයි ලව් යූ..." කියමින් හසූ ටීවි එකට ෆ්ලයින් කිස් එකක් යැව්වා.
" ඒයි ඒඩ්‍රියන් මගේ..." යුහී.
" ඉතින් තියාගනින් පූස් කොල්ලා මගේ..." හසූ.
" බෑ දෙන්නම මගේ..." යුහී.
" මේ මුන්ට ඕන දෙයක් කරගන්න දීලා අපි යන් බන්.." කියලා කොල්ලො සෙට් එක ගියා.
කොහොමහරි කට්ටිය රෑ වෙලා තමයි ගෙවල්වලට ගියේ.
ආදි යුහීට වොෂ් එකක් දම්මලා ඇඳෙන් තියලා එයත් වොෂ් එකක් දාගත්තා. ඇඳේ හිටපු යුහීට ලාවට නින්ද ගිහින් තියෙද්දෙ ඇහැරුනේ කකුලට දැනිච්ච ස්පර්ශය හින්දා.
ආදි යුහීගෙ කකුල් තවනවා. මේක ආදි හැමදාම රෑට කරන දෙයක්. මුලදී යුහී ඒකට විරුද්ධ වුනත් පස්සේ නතර කරලා දැම්මේ ඒක කෙල්ලට ලොකු සහනයක් හින්දා.
තවලා ඉවර වෙලා යුහී ළඟට ආපු ආදි යුහී ඇඳන් හිටපු ටී එක උස්සලා කුස කතා කරන ගමන් කුස අතගෑවා..
දරුවෝ දෙන්නත් තමන්ගේ තාත්තගේ කටහඩ වගේම ස්පර්ශයත් හොදට අඳුරනවා. එයාලා පයින් ගගහා ප්‍රතිචාර දෙද්දී යුහීටයි ආදිටයි වෙන සතුටක් නෑ. යුහීට ඒ පහරවල් නිසා වේදනාවක් ආවත් එයා ඒ දේ ඉවසුවේ ඊට වඩා සතුට වැඩි නිසා.
රෑ නිදාගෙන හිටපු ආදිට යුහී එහාට මෙහාට හැරෙනවා දැනිලා ඇහැරුනා.
" මැණික.. ඇයි මේ..."
" මහත්තයෝ.. මට ටිකක් අමාරුයි වගේ... ආව්..."
" ඉවසන් ඉන්න මැණික ඉක්මනට හොස්පිටල් යමු කියලා..."
ආදි විනෝද්‍යාවත් ඇහැරවලා යුහීට ඇඳුමක් අන්ඳලා ලෑස්ති කරපු බෑග් කාර් එකට දැම්මා. යුහී මේ හැමදේම දිහා බලන් වේදනාව අතරින් වුනත් සතුටු වුනා.
පැය කාලකට විතර පස්සේ යුහීව හොස්පිටල් එකට ඇඩ්මිට් කරපු ආදි ඒ රූම් එක ඉස්සරහින් එහාට මෙහාට ගියේ නොඉවසිල්ලෙන්.
ඇතුලෙන් කෙල්ල කෑ ගහනවා ඇහෙද්දි ආදිගේ ඇස්වලිනුත් කඳුලු වැටුනා.
පැය තුනකට විතර පස්සේ ආදිටයි විනෝද්‍යාටයි කාමරේ ඇතුළට යන්න ලැබුනා.
යුහී පුංචි පැටවු දෙන්නත් එක්ක ඇඳට වෙලා ඉන්නවා දකිද්දී ආදි එතනට ඉඳන් ගල් වෙලා බලන් හිටියේ ඇස්වල කඳුලු පුරවන්.
" අයියේ... මං තමා ඔට්ටුවේ දිනුවේ..." තවමත් කම්මුල්වල නොවේලුනු කඳුලු තියන වේදනාබර මූණින් යුහී කියද්දි ආදිට හිනාවකුත් ගියා.
ඊටපස්සේ යුහී ළඟට ගියපු ආදි යුහීගේ නළල සිප ගෙන,
" මැණික... ඇයි මට ඔයා ළඟට එන්න දුන්නෙ නැත්තේ..."
" අයියේ ඔයා මට චූටි සීරීමක් වුනත් කලබල වෙනවා. ඉතින් මම ඔයාට කොහොමද මෙතනට කතා කරන්නේ..." යුහී කිව්වේ ආදිගේ කම්මුලක් අතගාමින්.
ආදි නුහුරින් වගේ එක චූටි බබෙක්ව අතට ගද්දී විනෝද්‍යා ඇවිත් කොල්ලට උදව් කළා.
ආදි තමන්ගේ ඒ පුංචි පුතාලා දිහා බලන් හිටියේ මාර සතුටකින්. සතුට වැඩි කමට ආදි ඇස්වලින් කඳුලු වැටෙද්දි මේ ආදරණීය මොහොතක බලන් පැත්තකට වෙලා හිටපු නාර්ස්ලගෙත් ඇස්වලට කඳුලු ආවා.
උදේ හැමෝම ආවේ ආදිගෙයි යුහීගෙයි පුංචි පුතාලා දෙන්නා බලන්න.
" අනේ යූ මට මෙයාව දෙන්නකෝ... ඔයා එක්කෙනෙක්ව තියාගෙන මට එක්කෙනෙක් දෙන්න..." කියලා හසූ චූටි පුතාව වඩාගෙන කිව්වා.
" එතකොට මෙයාට මොකද කරන්නේ මැට්ටියේ... " කියලා තේෂ් කිව්වේ හසූගේ කුසට අත තියන ගමන්.
" ඉතින් අනේ එයාවත් බලාගෙන මෙයාවත් බලාගමු... මට ආසාවේ බෑ..." කියමින් හසූ තමන්ගේ අතේ හිටපු පුංචි පුතාව සිප ගත්තා.
ඒත් එක්කම හසූ ළඟට ආපු ආදි චූටි පුතාව අරන්,
" මේ ෂාන් අයියේ... මම ඔයාගේ වයිෆ්ට විරුද්ධව පැමිණිල්ලක් දානවා ඈ මේක කරන්න බෑනේ... මගෙ කොල්ලත් උස්සන්න එනවා..." කියමින් චූටි පුතාවත් යුහී ළඟින් තිබ්බා.
" ඊරිසියාකාරයා... " කියමින් යුහී ආදිගේ කොපුලක් සිප ගත්තා..
" ආදරේටනේ..." කියපු ආදි යුහීගේ නළල සිප ගත්තා.
කට්ටියම ප්‍රශ්න ඉවර වෙලා හරිම සතුටින් ඉද්දී තව පැත්තක තව දෙයක්.
Breaking news.
ජීවීතාන්තය දක්වා සිරගත කර තිබූ ටීෂා ජයවීර හා විනුලි ජයවීර යන සහෝදරියන් දෙදෙනා අදදින සිරභාරයෙන් පැන ගොස් තිබේ. ඔවුන් දෙදෙනා සොයා ගැනීමට මේ වනවිටත් පොලිසිය පරීක්ෂණ කටයුතු සිදුකරමින් පවතී.
සමහරවිට අද හෙට නොවෙන්න පුලුවන්... ඒත් තව අවුරුදු ගාණකින් ඒ අය නැවත් මුණ ගැසේවි... තුන්වෙනි පරම්පරාවටත් ඒ වෛරය ගමන් කරාවි...
to be continue.....
