0
0
#ඔසවමු_සිහ_දද_ලකළ 🇱🇰🤍
මතු වී තොසින් අප හා වෙසෙමින් රිවිඳු
සතු වී පුවළ නිමැවුම් කළ නෙක නිරිඳු
මතු කර සිරිය තෙපළමි මම වී කිවිඳු
මතු මතුවටත් රකිනුව සිරිලක උවිඳු
නුබතුර වසා ඵල මෙන් තරු කැට දුලින
ගඟතුර පුරා සිහිලැල් දිය කඳ ගැලින
මිහිතුර දිගතු මන්මත් ලොලයෙන් බැලින
සුමිතුර බලා සැනසීයං මන ලොලින
දිසි මහ වෙහෙර දාගැබ් ධවලින් උදුල
රිසි වත ගොතින් තෙපළයි සිරි හෙළ පුවළ
දිසි පියුමුපුල පත් ගෙන සරසා අතුළ
නිසි පුවතරින් ඔසවමු සිහ දද ලකළ
මත් වී තදින් දැවටී සිහිලැල් පවන
සෙත් වී වැව් පොකුණු දිය කෙත් වතු දුලින
දත් සුර පුරය මෙන් ලෙස මේ පුර පෙනින
නෙත් ඇර බලව ලොවඟම මේ සුනිලමිණ
අනුශාන් මලින්ත 🫶🏻❤🩹
Anushan Malintha
