0
0
දෙව් ලොව මල්ලිට 🤍🥺
බාල කාලේ අම්මා මට උඹ දුන්නේ මේ මගෙ පණ කියා
ප්‍රවේශම් කෙරුවෙමි මමත් ඔබ සියුම් මල් යහනක තියා
එකල දෙඅතට අරන් නොම දත් නැළවුමට ගීයක් කියා
කිරි සුවඳ මුව යන්න පෙර ඔබ මා දමා දෙව් ලොව ගියා
තරහ නෑ මම හැර දමා ගිය මුත් මගේ පොඩි මල්ලියේ
දෙන්න කීවා යළිත් මා ඔබ වැඳන් පංසල් පල්ලියේ
එකල ටොපි ගෙන එන්න ඔබට මං එකතු කළ පොඩි සල්ලියේ
නිවන් දැකපන් පතා එය පිං කැටෙන් දැම්මා මල්ලියේ
ගියේ උබ මේ ලොවේ ඇති උඹේ වියේ ඇති ලස්සනම කාලේ
උබේ මිතුරන් දුටුවා මං අද පාසලේ උඩ ඉහළ මහලේ
වැටී දිනයක් හඬා ඔබ මා සොයා ළඟටම ආව වේලේ
මගේ ටීචට මමම කීවා මල්ලි මගෙ මේ නිහඬ තාලේ
යන්න අවසර දුකට කම් නැත නිවන දැක ඔබ සැනසිලා
ඊයේ රෑ අපෙ අම්මා උඹ ගැන හඬ හඬා බොහො සිහි කළා
අද හවස උබ හැදූ මල් ගස්වලින් මල් ටිකකුත් නෙළා
හිමිට පුද දී ඔබට පිං දෙමි යන්න දෙව් ලොව මග බලා
අනුශාන් මලින්ත ❤️😊
