පෙරහැර පමණි නොව බල අලි දළ ඇත්තු
මේ හැර සිපියො හට නැත තුති මනු සත්තු
පෙරහැර සිරිය පිටතින් පමණක් දත්තු
අය නොම දනියි වණ අත්වල බැඳි පත්තු
වයනා විටෙදි මිහිරිව ලයැතිව බෙරය
තබනා විටෙදි දැඩි ලෙස පදයට අඩිය
එහි ඇති රිදුම් ගතකට රිදුමන් දැඩිය
එනමුදු සිපියො හට ලද ගරු සරු පොඩිය
දැඩි ලෙස තදව ගැටියට අත පද වැයුනා
පා බැඳි සිලම්බුව පය රිදවා වැදුනා
මේ තතු සිපියො අතරෙහි පමණක් පෙනුනා
සඟවා රිදුම් නැටුවා තම්දෙන තම්දෙනා
හිමි ගුණ ගඟින් ගිලි ගිලි පිහිනා නෑවා
මේ රිදවුමන් සඟවා සිනහව පෑවා
අවසර වේවා ආවඩ ආයුෂ බෝවා
දළදා තෙදින් සොහොයුරු සිපි රැක දේවා
අනුශාන් මලින්හ ❤️