0
0
දැනුනු පුද්ගලයාගේ ආදරය සෙවීම....
සරල රේඛීයව ගමන් කරන මාර්ගයේ එක් එක් ලක්ෂයන් වූ බොහෝ ගෑනු ළමයින් මට හමුවී ඇත.ඔවුන් සැම විටම මා නතර කිරීමට උත්සහ දැරුවත් මා සොයනු ලැබුවේ ඔබේ දිගාංශය පමණි.
එකත් දිනයක හමු වූ ඔබ සෑමවිටම ගමන් කරනු ලැබුවේ මට සමාන්තරවය.ඔබගේ හා මගේ රේඛාවන් ඡේදනය කරමින් අඳිනු ලැබූ තීර්යක් රේඛාවන්හි දී අනුරූපව හෝ ඒකාන්තර කෝනයකින් මා ඔබට සමානවන්නට තැත්කලෙමි.
නමුත් ඔබ ගමන් කළේ අනන්තයකට යන මාර්ගයේය.විවිධාකාර වූ ප්‍රමේයන් යටතේ ඔබට අංගසම වී එක්වෙන්නට සිතුවද එය සදා නිෂ්ඵල විය.
ඔබගේ මාර්ගයේ ගමන් කිරීමට පයිතගරස් හා එක්වූ මා දැන් sin සමඟ ද ගනුදෙනු කරමි.ඒ ගනුදෙනු වලදී සැමවිටම දර්ශක නීතිය මට හරස් බැන්ඳේ මට ලම්බකවය.කර්ණි පාදයේ දිග සොයා යා යුතු උපරිම ප්‍රවේගයකින් ගමන්ගත් මා අවසානයේ ඔබේ ආදරයට ළං වූයේ ස්පර්ශකයක් ලෙසය.එක වරක් පමණක් ළං වූ ඒ විගස ඔබ මට ලියා දුන්නේ "(0,4),(-4,6.5),(-8,2),(-7,-2),(0,-11),(7,-2),(8,2),(4,6.5)''
මෙවන් වූ ඛන්ඩාංක කිහිපයකි.
ප්‍රස්තාර කොලයක ඛන්ඩාංක ලකුණු කළ මට නිගමනය වූයේ ඔබද මා හට ප්‍රේම කරන බවය.
නමුත් දුක් වීමට කරුණ නම් අපි දෙදෙනා ගමන් ගන්නෙ එකිනෙකට සමාන්තර වූ එක් නොවන මාර්ගයක වීමයි.
අනන්තයේ දී හෝ ඔබ මා හා එක්වන අදහසින් එය වීමේ සම්භාවිතාව සොයමින් සදාකල් ගමන් ගමි........
~tharuza
