0
0
මලක් මෙන් පිබිදුනු ඈ
ලෝකයම එළිය කලා
ඇගේ සිනාහඬ
නිවසෙ මිණි හැඩවුවා
ගේ පුරා දුව දුවා
සිනා හඩ පතුරලා
ගෙයක් එලිය කල
මිණි පහන ඈ තමා
යොවුන් විය පැමිණිලා
ඈ තවත් හැඩවුනා
පිලිවෙලට හැඩදමා
නිවස දෙව් ලොව කලා
මනාලිය ලෙස හැඩවෙලා
මිණි පහන පිටවී ගියා
තවත් නිවසක අඳුර
එයින් එලියදී සැරසුවා
හිමිට පතිනිය වෙලා
දරුවො බිහිකලා ඇය
දෙව් ලොවින් මෙහි ආව
දෙව් දුවක් විලසටම
නේක දුක් ගැහැට විද
හැඩකලත් සිරී නිවස
වෙහෙස කර සිත ඇයගෙ
නිදහසක් සොයමින්ම
දුටුවෙ නෑ කිසිවෙකුත්
ඇගේ හදවත මියෙන
කලකිරුණු හදවතින්
ගෙවයි ඈ මුලු දවස
පැතු ලස්සන දවස්
ඈ කෙරෙන් නික්ම ගිය
සිරකලා ඈ සිතම
යදම් දා නොසැලෙන්න
ලස්සන ම හිතක් අද
පණ අදී මියැදෙන්න
ලොව නොදුටු සොදුරු සිත
වැලලුනා දිනෙන් දින
ගැහැණු සිත් උපන්නෙම වේදනා විදින්නද…………..
