0
0
නුඹව වටින මිනිසුන් කිසිදාක නුඹව සැඟෙව්වේ නැත.. මෙන්ම නුඹට සැඟෙව්වේද නැත...
විශ්වාසයේ මළගමටත් කලින්ම මල්වඩම් ගෙනාවේද නැත...
ගෞරවයේ සදකාලික නික්මයාමට කල්තියාම සුභපැතුවේද නැත...
අනෝන්‍ය අවබෝධය නම් දෑසට කඩතුරු කැපුම් තුඩින් ඇන්නේද නැත...
උන් ප්රේමයේදී අහිංසකය... බොළඳය...උන් ප්‍රේමයට ලෝභය...
හෙයින් එවැන්නෙක් තේරුම් ගැනීම නුඹ සතුවූ පරම වූ වගකීමකි...යුතුකමකි...
වචනයේ පරිසමාප්තියෙන්ම උන් හදවතින්ම නුඹගේ ආත්මයටම ප්‍රේම කරනවා ඇත...
පෙරකී මළගමේදීත්, වෙන්වීමේදිත් උන් ලෝකාවසානයේදී මෙන් හැසිරෙන්නේ එබැවිනි..
එවන් මළගම් නොවීමට උන් නොගන්නා උත්සහයක් නැත... නොකරනා කැප කිරීමක් නැත...
********************
විශ්වාසය බිඳුන තැන හිඳ පලක් නැති හෙයින් ගඟෙන් එපිටට පනින්න පෙර සිතා බලන්න...
සමහරවිට නිහඬ ගඟ හිතනවාට වඩා භයානක බව නුඹට වඩා උන් හොඳින්ම දන්නවා විය හැක..
කෙලියටවත් උන් සුළුවෙන් නොතකන්න...
තමන් මහවැලිය යැයි සිතන් සිටියද උන් තමන්ට පෙර කලකදී ඇමසෝනියානු ජල මූලාශ්‍ර සමගද වාසය කල වුන් විය හැක...
බොර දියෙන් බීජාංකුර මුල් ඇද්දවූවන් විය හැක..
ගඟේ බොර දිය දකින විටම අනාවැකි පලකරන්නට තරම් උන් ගංගාව නම් විෂයෙහි බහුශ්‍රුතය..
********************
එබැවින්
කලකිරීම්, සිත් තැවුල් කොතෙක් තිබුනද උන්ට අවැසිවන්නේ "ගැටළු විසඳීමට සහයවන කශේරුකාවක් ඇති පිලිතුරු සහිත ගමන්සගයෙකු" මිසක "ලෝකෝත්තර පල් හෑලි හිස තබාගෙන නිරුත්තරව කල් මරන්නන්" නොවේ...
ඉතිං.....
ගමන් සගයෙක් වන්න...
"සමාවෙන්න ගැලු ගඟ බොර වුනා දිය මම ආවා ගොඩ..
දිනෙක දකින්න ඕනිනෑ දෑසට සිඳෙන හැටි නුඹෙ රළ පෙල....."
- EraNga (එරා) කවිකාර හිත
24.03.2022
