0
0
ඒ වාරෙට
ගස් යටින් යන්න බැරි
හැම තැනම ගඳගහන
කටු කටු ගෙඩි...
මලජරාව...🤮
සිරාවටම ඔව්..
දූරියන් ගැන නොදන්න
සම හරක්ගෙ introducing එහෙමලු..
ඒත්...
දන්නෝ දනිති..
දූරියන්වල රස අදුරන එකා..
ගෙඩි තුන-හතරකට වග කියලා දූරියන් වලින් මත් වෙන එකා..
හම්බුනාම බෙදාගෙනෙ නෙවෙයි බදාගෙන කන එකා...
දූරියන් හොයාගෙන ගිහින් කන එකා...
ඔව්..
දන්නෝ දනිති...
කියලා වැඩක් නැහැ..
වචනයේ පරිසමාප්තියෙන්ම "රත්තරං"...
නිකමට කියන්නෙ..
දූරියන් වාරෙට අලියෙක්වත්
ගස් යටින් යන්නෙ නෑ...
ඒත් පුදුමය තමයි
අලි ගිලපු දිවුල්ගෙඩිත් 💩
දූරියන්වලට
අර මුලින් කිව්ව introduction එක
ලැජ්ජානැතුව
දාන එක...
මේ දූරියන් වාරයයි....
එන්න අපි දූරියන් ගැන කතාකරමු....😉
#EraNga (එරා)
2019/06/23
________________________________________________________
දූරියන් ගැන කිව්වට ඇත්තටම දූරියන් ගැන නෙවෙයි...
අතීතයේ මෙන්ම වර්ථමාන සමාජය තුලද අධ්‍යාපනය, ගතිගුණ, රැකියාව, වත්කම, හැකියාව, සමාජ ආශ්‍රය, සමාජයට ඉටු කරන මෙහෙවර වැනි විවිධ සාධක පදනම් කරගෙන මිනිසුන් විසින්ම වර්ගීකරණය සහ ශ්‍රේණිගතකරණයවීමක් දක්නට ලැබේ..
එලෙසින්ම සමාජය තුලදී සෑම පුද්ගලයෙක්ම යම් පිරිසකට ප්‍රියමනාප සහ අත්‍යවශ්‍ය පුද්ගලයෙක් වනවාක් මෙන්ම, සමාජයේ තවත් පිරිසකට අත්‍යවශ්‍ය නොවන සහ ප්‍රියජනක පුද්ගලයෙක් නොවිය හැක..
සැබවින්ම මෙය අප සමාජය තුල සාමාන්‍ය තත්වයක් වන අතර ඒම තත්වය හේතුවක් කරගෙන කිසිවෙක් තවත් කෙනෙක් අවමානයට ලක් කිරීම, පහත් කිරිම හෝ ගැරහීමට ලක් කිරීම ලෝකයේ වටිනාම සම්පත ලෙස සලකන මානව සම්පත තුලම පවතින නින්දිත ක්‍රියාවකි..
එමෙන්ම එලෙස නින්දිත ක්‍රියා වල යෙදෙන්නන් බහුතරය මා මුලින් දැක්වු ආකාරයෙන් ශ්‍රේණිගතවූ සමාජයේ දුර්වලම / ඍණාත්මක පැතිකඩ නියෝජනය කරන සමාජයටත් තමන්ටත් කිසිදු පුයෝජනයක් නැති හිස් ජීවිත ගතකරන "නිකමුන්" ලෙස හදුන්වන පුද්ගලයින් වේ...
මීට වසර කිහිපයකට පෙර මා පෞද්ගලිකව මුහුණදුන් එක්තරා සිද්දි දාමයකදී සාධාරණ හේතුවලින් තොරව මාහට එල්ල වූ චෝදනා රැසකට උපේක්ෂාසහගත පිලිතුරක් වශයෙන් ලියූ මේ ලියමන "සිතුවිලි" පරිශිලක රසවින්දනය උදෙසා මෙලෙස සටහන් කර තබමි...
