0
0
නෙතට නෙත වතට වත බැඳන් හදවත..
කප සංඛ සංසාර මතක හිත මත..
ඇති කරන් දිවි ගියත් හැර නොයමි අත..
තෙපලත් නොයයිද දිවුරුම් තබා නළලත..
"වසත් සම සේම මල් පිපෙයි; පරවෙයි ගිම්හාන කල..
අප්‍රමත පෙම් කතා යසට දළු ලෑවෙම අහිමි හිත්වල..."
මනු මනස් කොයි යයිද ගෙවාගෙන පණනල..
දැන දැනත් රඟ,
රැඳි රැඳි විඳීමයි "වැඩියෙන්ම රස" කටු කාගෙන ඵල..
- EraNga (එරා)
2021 / 08 / 17
__________________________________________
අතීතයේ මෙන්ම වර්ථමානයේදීත් ප්‍රේම සම්බන්ධතා සහ විවාහ ජීවිතවල දක්නට ලැබෙන සුලභ ස්වභාවයක් ලෙස 'සම්බන්ධතාවය ආරම්භ කර කාලයක් ගෙවෙත්ම නානාවිධ හේතු නිසා දෙපාර්ශවය අතර නොගැලපීම් ඇතිවීම' දැක්විය හැක.. මගේ දැක්මට අනුව මීට මූලිකවම බලපාන සාධක අතර
• එකිනෙකා අතර අවබෝධය
• විශ්වාසය
•ගෞරවය
හීන වීම ප්‍රධාන කොට දැක්විය හැකි අතර ඉහත කී ස්වභාවයේ ප්‍රතිඵල ලෙස අමූලික ගැටුම්කාරී තත්ව , තෙවන පාර්ශව වල අනවශ්‍ය මැදිහත්වීම්, අනියම් සම්බන්ධතා , ප්‍රේමසබඳතා ඇණහිටීම, දික්කසාදවීම් වැනි නීතිමය කරුණු වල සිට දිවිනසාගැනීමේ අවස්ථා දක්වා තත්වය දරුණු විය හැක..
මෙම තත්වය මෙසේ පවතිද්දී වත්මන් බහුතරය මෙම තත්වයට විසඳුම් ලෙස විවිධ අර්ථකතන සහ උපුටාගැනීම් යොදාගනිමින් තමාගෙ ගැටළුවට පිලියමක් ලෙස ගැටළුවෙන් පලායාම සහ එය සාධාරණීයකරණය දැකිය හැක..
මෙම සියල්ල දකින මම මේ පුංචි පැදිපෙලින් උත්සහා කරන්නේ ප්‍රේමයක අහඹු ආරම්භයත්, විකාශයත්, පසුකාලීනව ඇතිවිය හැකි ඉහත "ගැටළුවෙන් පලායාමේ අර්ථකථන" සාමාන්‍යකරණය කරමින් ඒ සඳහා ධනාත්මක අදහසක් ඇතිව ගැටළුවට මුහුණ දීමට කියවන්නා පෙළඹවීමටයි..
