0
0
මම කාලෙක ඉදලා ගොඩක් විශ්වාස කරන දෙයක් තමයි පෘථිවියේ මානවයෙක් සමාජයට බහින කාලෙදි (අවුරුදු 21ට කලින්) ස්වභාවධර්මය / දෛවය හෝ මොකක්මහරි බලවේගයක් විසින් ඒ මානවයාව "අපුරු පරික්ෂණයකට" ලක්කරනවා...😁
ගොඩක් වෙලාවට අපොස සා/පෙ, අපොස උ/පෙ ලියන කාලෙම මූණ දෙන්න වෙන මේ විභාගෙ ඉලක්කගතවීම ගොඩක් වෙලාවට ඒ ඒ පුද්ගලයන්ගෙ ජීවිතෙ දුර්වලම දේට අනුව සාපේක්ෂව වෙනස්වෙනවා..
"සරලවම" ඒ පරීක්ෂණයෙදි ඒ ඒ පුද්ගලයන්ගෙ ජීවිතේ තියන දුර්වලම දේ මූලික කරගෙන ඒ පුද්ගලයාට මානසිකව දෙන්න පුළුවන් උපරිම පීඩනය දීලා ජීවිතය එපාවෙන තරමට 0 ටම වට්ටනවා...
ඒකට තියන උදාහරණ ගොන්නෙන් හොදම උදාහරණයක් තමයි "ආදරය" කියන්නෙ...😐
මතකද....?
ජීවිතේ වැඩිපුරම හිතට දැනුන ආදරේ තමන්ට නැතිවුන දවස් කිහිපය ගෙව්වෙ කොහොමද කියලා..
පරණ මතක මතක්කර කර ඉකි ගහන්නවත් බැරිව උගුර හිරවෙද්දි, කොට්ට කඳුළුවලින් තෙත් කර කර නොකා නොබී හිටිය හැටි..
බොළඳ සිතුවිලි ගොඩකින් ඔලුව පුරවගත්ත හැටි...
මේ ලෝකෙට තමන්ගෙන් වැඩක් නෑ කියලා හිතලා මැරෙන්න හිතුන හැටි.........
අවසානයේදි කොහොමහරි හිත හදාගෙන ආපහු නැගිටපු හැටි.....
හරි....
ඇති....
බැලූ බැල්මට වචන වලින් මේ විභාගේ හරිම සරලයි.. හැබැයි ඒකෙ ප්‍රතිඵල නම් ගොඩක් තීරණාත්මකයි.... මොකද ඒ අවස්ථාව විසින් සමාජය එක්ක ගැටෙන්න පුළුවන් තරම් ශක්තිමත් මනසක් තියන, සමාජයේ තවදුරටත් සිටිය යුතු ශක්තිමත් හිතක් තියන පුද්ගලයන්ව ඉතිරි කරවලා සමාජය එක්ක ගැටෙන්න බැරි දුර්වලයින්ව සමාජයෙන් සම්පූර්ණයෙන්ම අයින් කරනවා...
මරලා දානවා...
කොයි විදිහෙන් හිතුවත් , කිව්වත් අපි හැමෝටම ජීවිතේ මෙහෙම අඥාන බොළඳ වැඩ කරන්න හිතෙන්න පුළුවන්.. ඒත් ඒකෙ කිසිම සාධාරණයක් නැහැ.. මනුස්සයෙක් ජීවිතේදී මේතරම් අසමත් වෙන්න ඕනි නැහැ.. මේ තරම් බොළඳ විදිහට තමන්ගෙ පව්ලෙ අයට තමන්ව නැතිකරවන්න අවශ්‍යම නැහැ..
මම යෝජනා කරන්නෙ හීන ලෝක වලින් බිමට බැහැලා යථාර්ථවාදීව හිතන්න කියලා විතරමයි... මොකද ඒ වගේ මානසිකත්වයකට ළංවෙන්න කලින් සිහියෙන් පොළවේ පය තිබ්බනම් හැමදෙයක්ම තේරෙන නිසා..
"හති වැටෙනකන් ඒත් පලයන්...
පාගපන් සයිකලේ වැටෙයි ඒත් බලයක්...
ක්ෂණික තීරණ බ්ලේඩ් තලයක්...
ඉවසීම කරගනින් යාලු බ්රේක් තලයක්...."
- #EraNga (එරා)
03.11.2021
මේක හැමෝම pass වෙන්නම ඕනි exam එකක් ❤️
