0
0
සස නෙතින් පුත නගයි හසකැන්..
තතු නොදැන මුව කිමද වසුනින්..
ලොවම සසලයි විශල පුර මෙන්..
කිසාවක් දුටි "තවම සිහියෙන්.."
#EraNga (එරා)
2021/05/21
__________________________________________________
බුද්ධකාලීන භාරතයේ විශාලා නුවර මෙන් වත්මන් (කොරෝනා ව්‍යවසනයේ උච්චතම කාලයේදී) ඉන්දියාව ඛේදනීය තත්වයකට පත්ව ඇති අවස්ථාවක තම පුංචි පුතු සමඟ ප්‍රවාහන සේවයක් බලාපොරොත්තුවෙන් රැඳී සිටින ඉන්දියානු මවක් කවිකාර ඇසකින් දුටුවයුරු ඉහත සිව් පද පෙලින් ඉදිරිපත් කිරීම මාගේ බලාපොරොත්තුවයි..
___________________________________________________
පද බෙදුම -
සස නෙතින් - සාවෙකුගේ වැනි නෙතින් (හෝ )සසලවූ නෙතින්
පුත නඟයි හසකැන් - දරුවාගේ මදහස නැංවීම..
තතු නොදැන මුව කිමද වසුනින් - තම මව ඇතුලු අවට සැවොම මුව වසාගෙන සිටිනා හේතුවක් ළඳරුවාට අවබෝධයක් නැත..
ලොවම සසලයි විශල පුර මෙන් - ඉන්දියාව පමණක් නොව මුළු මහත් ලෝකයම COVID වසංගතය නිසා එදා විශාලාවේ තුන්බිය ඇතිවූ කලෙක හා සමානව සසලව ඇති බව
කිසාවක් දුටි "තවම සිහියෙන්.." - බුදුන්කල තම දරුවාගේ අකල් වියෝවෙන් පසු කිසාගෝතමිය සිහි විකලෙන් මළ දරුවා සමඟ ඔබ මොබ දිවයන අවස්ථාව සහා බුදුරදුන් ඇයට "නොමල ගෙයකින් අබ මිටක් රැගෙන එන්නැ" යි පැවසීම පුනරාවර්ථනය සහ ඉහත ඡායාරූපයේ ස්වභාවය අනුව ඇයට නොබෝදිනකින් ඇතිවියහැකි යැයි නිගමනය කල හැකි කිසාගෝතමියකගේ මානසික තත්වය පිළිබඳව පූර්ව ඉඟියක් මෙම පද පෙල තුල ගැබ්ව ඇත...
