EraNga Hapugolla

Content Writer

Jul 01 2024 @ 15:53



•  Share

සුවණ්ණ තාරකාවිය 🌟 (ආදරණීය මිරැන්ඩා)

ඔය දඟකාර නිල් නෙත
සතුකරගනිමි..!? නමුදු සදහට..
පෙරුම්දම් පිරූ තරම
දන්නවද සොඳුර.....

සවන් කනින කෝකිල නාදයක
හිමිකාරිය වූ නුඹේ බසට
කොයිතරම් පෙම් කලෙම්දැයි
දන්නවද සොඳුර.....

නාඳුනන නුඹේ හදමත
ලැඟුම් ගන්නට මහිතට
අනාරාධිතව ඉඩදුන්
රහස කිමද සොඳුර.....

චලචිත්‍ර ලොව පරසිඳු නුඹ
වත-අත පැතු සැවොම මම
මුලිනුපුටා දැමුවබව
දන්නවද සොඳුර....

සලරු-වත්වල තුන්කොන
මම "අග"ව නුඹ හා පෙමින
බැඳුනයුරු "තිසරවිල" ඉම
මතකද සොඳුර....

⁣අප්‍රමත පෙම් කවක
"හදසැලෙන ප්‍රතිඵලය"
වෑයමින් වැඩුවයුරු
අපූරුයි සොඳුර.....

දිවියත්ම ගත වැඩුන
"කර්කටක ප්‍රතීඝයා"
දික්විජය කල අයුරු
විශ්මිතයි සොඳුර....

ඉතිං.......

"ආදරණීය මිරැන්ඩා"....
යලිත් වරක්, තවත් වරක්....
ස්වර්ණමය නුඹ වත
විඳගැන්මට නොඉවසිල්ලෙන්
බලාහිදිමි නිහඬවම
"දෙසිතකට" ඉඩදී.....

- #EraNga (එරා)

• 2018 වසරේ
සකුරා මල් නොපිපෙන ඍතුවේදී....
සහ
• 2021 වසරේ
වෙසක් මල් පිපෙන ඍතුවේදී...

____________________________________________________

මීට වසර 40කට පමණ පෙර ලංකාවේ එක්තරා ක්ෂේත්‍රයක සිදුවූ කිසියම් සිදුවීමක්, එම සිදුවීම් දාමයේ ම ප්‍රධාන චරිතයක ඇසකින් දැකීමට ගත් උත්සහයක් ලෙස මෙම පදපේලි හදුන්වමි..

රැල්ලෙන් මිදුන නව යෞවනයෙක් ලෙස නිරතුරුවම ශ්‍රී ලාංකීය කලා නිර්මාණ වල ගුණාත්මක සහ අර්ථාන්විත වෙනසක් බලාපොරොත්තු වන මා හට පසුගිය කාලයකදී "කියැවීමට"ලැබුන "චරිත රක්ෂිත අතලගේ" සහ "හසංක වික්‍රමරත්න" (Manasick) ගේ අනර්ඝ හඬ සංකලනයෙන් වර්ණවත් වුන "සකුරා" සිනමාත්මක සංගීත අත්දැකීම තුල සැඟවුන "යම්කිසි අපූරු දෙයක්" පිළිබඳව දීර්ඝකාලීනව කල අවධිමත් ගවේශනයක ප්‍රථිඵලයක් ලෙස මා දුටු, මා කියැවූ සියලු දේවල් මීට අවුරුදු 3කට ප්‍රථමව ලියූ "මාගේ අසම්පූර්ණ" නිර්මාණයක් සමග මුසුකොට මෙලෙස ඉදිරිපත් කරමි..

#සකුරා සිනමාත්මක සංගීත අත්දැකීම - https://youtu.be/rVEOWPoMg-c

#Sakura #සුවණ්ණතාරකාවිය 🌟
#CharithaAttalage #Manasick #Drillteam #Westnahira