0
0
පිටසක්වලින් පෘථිවියට ඇවිත් තමන්ගෙ අනන්‍යතාවය ඒ විදිහටම රැකගෙන ව්‍යාප්ත වුනා කියලා පැහැදිලිව කියන්න පුළුවන් පිටසක්වල ජීවී විශේෂ 3ක් දැනට හොයාගෙන තියනවා..
⭕ පළවෙනියා බූවල්ලා -
බූවල්ලො කියන්නෙ රහස් ගොඩක් එක්ක ජීවත්වෙන අපූරු සතෙක්... අනිත් ජීවීන්ට වඩා අසාමාන්‍ය අවයව පිහිටීමක් තියන බූවල්ලාගේ ප්‍රධානම ආයුධය තමයි අවුරුදු මිලියන ගානක් තිස්සෙ වැඩිදියුණු වුන ස්වාධිනව ක්‍රියා කරන මොළ 9ය.. මුහුදේ කොච්චර චන්ඩි හිටියත් මේ අපූරු පිටසක්වල මස් ගොඩ එක්ක හැරෙන්නවත් බැහැ කාටවත්...
⭕ දෙවනියා බූවල්ලා වගේම අස්ථි නැති කරදරකාර මස් දල්ලක් වුන කූඩැල්ලා.
එයාලට ඇස් 10ක් එක්ක මොල 32ක් තියනවා වගේම දත් ඇඳි 6ක දත් 300ක් තියනවා.. එයාලාගෙ කරදරකාරකම් ගැන අමුතුවෙන් කියන්න ඕනි නැහැනෙ.. මේ තනි සෙබළු වගේම ලෝකයේ ප්‍රධාන වැසිවනාන්තර වල වගේම අතීතයේ ලංකාවෙත් කූඩලු බෝල වාර්තාවෙලා කියනවා.. ඒක විෂ සහිත කූඩැල්ලො දහස්ගානකගෙන් හැදුන පාපන්දුවකට වඩා ටිකක් පොඩි බෝලයක්... අපූරුයි, හැබැයි වනාන්තරය ඇවිදිද්දි ඒ වගේ බෝලයක් පෑගුනොත්හරි ගහක් උඩ ඉදලා ඇගට වැටුනොත්හරි විනාඩියක් ඇතුලත ඇඟ වහගන්න කුඩලු හමුදාවක් නිසා විනාඩි 10ක් ඇතුලත මනුස්සයෙක්ගෙ ඉරණම තීන්දුවෙන්නත් පුළුවන්... හැබැයි සමහර මොළ 7ක් තියනවා කියන සමහර සත්තු තරම් කූඩැල්ලා මිනිස්සුන්ට වේදනාවක් දෙන්නෙ නෑ. ඒක වෙනම කතාවක්.. 😉
⭕ අන්තිමට ටිකක් සවිස්තරාත්මකව බලමු දැනටමත් මේ ලෝකෙ බලවත්ම ජීවීන් කියාගන්න මානවයන්ට ගොඩක් සමීප වෙලා මානවයන්ගෙ ජීවිත පවා අනියම් විදිහට පාලනය කරන්න සමත්වෙලා තියන බළල්ගෙඩියො ගැන...මෙයාලා තමන්ගෙ ආධිපත්‍යය මානව ශිෂ්ඨාචාරයන්වල කොයිතරම් තදින් ව්‍යාප්ත කරලා තියනවද කියන එකට හොදම උදාහරණය පුරාණ ඊජිප්තුව ගැන තොරතුරු හොයන කෙනෙක්නම් හොදටම දන්නවා.. 🤗
මෙයාලගෙත් උඩ කිව්ව දෙන්නාගෙත් තියන එකම සමානකම තමයි මේ තුන්දෙනාටම තමන්ගෙ ශරීරයට වඩා ඉතාමත් කුඩා ස්ථානවලින් පහසුවෙන්ම රිංගලා යන්න පුළුවන් වීම..
නිතරම කකා බිබී නිදාගෙන ඉන්න කම්මැලි සත්තු වර්ගයක් විදිහට පෙනුනත් ඇත්තටම පූසො කියන්නෙ ඊට එහා ගිය අමුතුම හැසිරීමක් තියන සත්තු වර්ගයක්...
දැනට පෘතුවියේ ජීවත්වෙන කුතුහලය වැඩිම ජීවීන් විදිහට හඳුන්වන බළල්ලු අලුත් දෙයක් ඉගෙනගැනීම වෙනුවෙන් තමන්ගෙ ජීවිතය පවා පරදුවට තියනවා..
ඒ වගේම තනි සතෙක් විදිහට පරිසර පද්ධතියකට ලොකු විනාශකාරී බලපෑමක් කරන්න පුළුවන් ජීවීන් අතර බළල්ලු ඉන්නෙ උඩින්ම... ප්‍රදීපාගාර දූපතේ බළල්ගෙඩියාගේ කතාව (නවසීලන්තයේ දකුණු වෙරළබඩ ස්ටීවන්ස් දූපතේ ප්‍රදීපාගාර පාලක ඩේවිඩ් ලයල්ගේ ටිබල්ස් -Tibbles නම් බළල්ගෙඩියා) වගේ සත්‍ය සිදුවීම් වලින් ඒක සනාථ වෙනවා..
ඒවගේම මෙයාලා මිනිස්සුන්ගෙ අනිත් සුරතල් සත්තුන්ගෙන් වෙනස්වෙන්නෙ අනිත් සියළුම සත්තු මූලිකවම තමන්ගේ පැවැත්ම, පෝෂණය වෙනුවෙන් මිනිස්සුන්ට යටත්බවක් දැක්වුවත් මේ බළල්ගෙඩි හිතන්නෙ මිනිස්සු කියන්නෙ තමන්ට අයිති තමන්ගෙ සේවකයො පිරිසක් කියලා.. කොටින්ම එයාලා අපට මොන විදිහෙ චරිතයක් මවාපෑවත් "ඇත්තටම එයාලාට මිනිස්සු හිටියත් එකයි නැතත් එකයි.." එයාලට තනිවම ජීවත්වෙන එක ඉතා පහසුයි..
හැබැයි පූසන්ගෙ මොළයේ හැඟිම් දැනීම පාලනය වන කොටස (සින්ග්‍යුලේට් ගයිරස් , ලිම්බික් පද්ධති
- Cingulate Gyrus system & Limbic system) මිනිස්සුන්ගෙ මොළයයේත් ඒ කොටසට 90%< සමාන නිසා එයාලට මිනිස්සුන්ව තේරුම් අරන් මිනිස්සුන්ගෙ හැඟීම් එක්ක සෙල්ලම් කරන එක ඉතා පහසුදෙයක් වගේම බල්ලන්ට වඩා බළල්ලු මිනිස්සුන්ට සමීප වෙන්න ප්‍රධානතම හේතුවත් ඒක.. කාලයක් බළල්ලු එක්ක ජීවත්වුන ගෙවල්වල අයට මේ ගැන අනිවාර්යෙන්ම ගොඩක් අත්දැකීම් තියනවා.. 😇
සමහරවිට මේක බළලුන්ට අවාසිසහගත තත්වයක්.. මොකද මේ නිසාම තමයි සාමාන්‍ය මානසිකව නිරෝගී මිනිසෙකුගෙ මානසිකත්වයට වඩා ගොඩක් පහල මානසික මට්ටමක් තියන හෝ හැඟිම් දැනිම් වල දෝශ සහිත මිනිසුන්ට මේ බළල්ගෙඩියන්ව දැක්කම ඊර්ෂ්‍යාසහගත හැගීමක් එනවා.. ඒ නිසා බොහෝ වෙලාවට ඒ ඊර්ෂ්‍යාව එක්ක එයාලා බළලුන්ට අහේතුකව පහරදෙන්න පවා පෙළඹෙනවා සහ බළල්ලුන්ව තම නිවසේ ඇතිකිරීම ප්‍රතික්ෂේප කරනවා.. මේ නිසා බළලෙක් දැක්කාම අප්‍රසන්නසහගත හැඟිමක් එනවනම් හෝ ඌට හිංසාකාරි දෙයක් කරන්න හිතෙනවනම් තමන්ගෙ මානසික මට්ටම ගැන දෙපාරක් හිතන්න වෙනවා..😇
මේ අපූරු පිටසක්වලයන්ට මිනිස්සුන්ගෙ හැඟීම් එක්ක ගණුදෙනු කරන්න පුළුවන් වගේම මිනිස්සුන්ගෙ තියන ඍණාත්මක ශක්තිය අවශෝෂණය කරගැනීමේ ආධ්‍යාත්මික හැකියාවකුත් තියනවා..මෙතනදි තමයි බළලුන් මිනිස්සුන්ගෙ නිහඬ ආරක්ශකයෙක් විදිහට කටයුතු කරන්නෙ..මෙතනදි නිවැසියන් දකින්නෙ රාත්‍රියට බළලා තමන්ගෙ ඇඳට ඇවිත් සනීපෙට නිදාගන්නවා විතරක් වුනාට ඇත්තටම එයාලා ආකර්ශනය වෙන්නෙ මිනිස්සුන්ගෙ ඍණාත්මක ශක්තියට..
Crysis ගේම් සීරීස් එකේ Cephalopods ලා (සෙප් ලා ) අවට පරිසරයේ තාප ශකතිය උරාගෙන ශක්තිමත්වෙනවා වගේ තමයි බළල්ලුත් අවට පරිසරයේ ඍණාත්මක ශක්තිය අවශෝෂණය කරගත්තම තමයි එයාලා වචනයේ පරිසමාප්තියෙන්ම බෝලගෙඩි වගේ මහත්වෙන්නෙ.. ගෙදර පූසා කොච්චර කෑවත් මහත්වෙන්නෙ නැත්තෙ ඇත්තමට එයාට අවශෝකරගන්න ඍණාත්මක ශක්තිය ඒ ගෙදර නැති නිසයි...
ඒ වගේම විදේශ රටවල ගුප්ත විද්‍යාවෙදි (ලංකාවෙ තියන "සිදූ පන්නයෙ" විහිළුසහගත එකක් නෙවෙයි හැබැයි) බළලුන් අමනුශ්‍ය බලවේග විකර්ශනය ඇතිකරවන ජීවියෙක් විදිහටත් සැලකෙනවා.. ඊට හේතුව මිනිස්සුන්ගෙ පෙනීම,ඇසීම, දැනීම වගේ සංවේදන පරාසයට වඩා ලොකු පරාසයක් බළලුන්ට තියනවා වගේම එයාල ඒකට ක්ෂණික ප්‍රතිචාර දක්වනවා.. ඉතිං මිනිසුන්ගෙ මානයෙන් පිට තියන "දෙයක්" අවට සැරිසරනකොට කවදාවත් බළලෙක් නිකන් ඉන්නෙ නැහැ...😐
ඉතිං මේ වගේ පිටසක්වලයෙක් ගෙදර තියාගෙන එයාලගෙ ලොකු සීන් බලබල ජීවත්වෙන අයනම් දැනටමත් මේ දේවල් ගැන අත්දැකීම් ඇති...
හැබැයි මම වගකීමෙන් කියනවා...
ඇත්තටම ඒක මනුස්සයෙක් විදිහට දිර්ඝකාලීනව විඳින්නම ඕනි අත්දැකීමක්..😼💜️
- #EraNga (එරා)
28.11.2021
(මූලාශ්‍ර සහ පින්තුර - අවුරුදු 23ක අවිධිමත් පර්යේෂණ / අතදැකීම් සහ අන්තර්ජාලය ඇසුරෙනි)
