Sachith Pramod

Member

Nov 27 2024 @ 06:52



•  Share

The break-up - 10

*The break-up*

- "ලස්සන ම , පිංවන්ත ආදරයක් ලැබිලත් එය රැකගැනීමට අපොහොසත් වූ අසාර්ථක ප්‍රේමවන්තයෙකු ගේ පාපොච්වාරණය " -

1️⃣0️⃣ 𝘌𝘗𝘐𝘚𝘖𝘋𝘌

◈◈ *කතු අයිතිය බුද්ධිමය දේපළක් බැවින් කරුණාකර කතු අයිතිය සුරකින්න.*

◈◈ *සත්‍ය කතාවක් ඇසුරෙන් ලියවෙන මෙම කතාවේ නම් ගම් පමණක් මනංකල්පිත බව කරුණාවෙන් සළකන්න.*

▬▬▬▬▬▬▬▬▬▬▬▬▬▬▬▬▬▬▬▬▬▬▬▬

Wrriten by - 𝗦𝗮𝗰𝗵𝗶𝘁𝗵 𝗽𝗿𝗮𝗺𝗼𝗱 ✍️




*" ඔන්ලයින් ඉඳලත් මං දාන මැසේජ් බලන්න බැරිවෙන තරමට ඔයා බිසීවෙන්නෙ කොහොමද අයියේ... මට ඇත්තම කියන්න ඔයාගෙ ආදරේ මම නෙමෙයිද...වෙන කෙනෙක්ද...?"*🥹

ආදරයට කවදාවත් සැකය කියන පිළිකාව හැදෙන්න හොඳ නෑ. එතකොට ඒ ආදරය ඉබේම මියයනවා.

*" ඇයි සුදු බෝලේ ඔයා මට ඔහොම කතාකරන්නේ....ඔයා හොඳට ම දන්නවා මම writer කෙනෙක්. මගේ කතා කියවන අයගෙන් ගොඩක් කමෙන්ට්ස් එනවා මට....මං මේ ඒවට රිප්ලයි කර කර හිටියේ...."*

හෝටලේ වැඩත් එක්ක නවල් ලියන වැඩවලට මට තිබුනේ බොහොම පුංචි කාළයක්. ඒක නිසාමයි මම මට තිබුනු ඒ පුංචි කාළයෙන් උපරිම ප්‍රයෝජන ගන්න හිතුවේ.  ඒත් ඒක ප්‍රශංසා නංගි තේරුම් ගත්තෙ නෑ. තේරුම් ගත්තා නම් දාහක් පොරොන්දු අරගෙන , ලබන ආත්මෙත් මගේ ම වෙන්න පතලා මේ අත්මෙම හරිම අසාධාරණ විදියට මගේ අත අතෑරලා වෙන කෙනෙකුගෙ අතක් කවදාවත් අල්ලගන්නෙ නෑ.

*" ඒ කියන්නෙ අයියේ, ඔයාට මට වඩා වටින්නෙ ඔයාට කමෙන්ට් කරන අයද...?"*

ජීවිතයට හුස්ම වගේ රචකයෙක්ට අනාගතයට ගොඩක් ම වටින්නෙ එයාගෙ නිර්මාණවලට ලැබෙන පාඨක ප්‍රතිචාර. ඒත් ප්‍රශංසා නංගිට ඒ බවක් තේරුම් ගන්න පුලුවන් කමක් තිබුනෙ නෑ.

*" නෑ සුදු බෝලේ මට වටින්නෙ ඔයාව....ඒත් මට කොහොම හරි මගේ වට්සැප් චැනල් එකේ followers ලා 500ක් කරගන්න ඕනි..ඒකයි මම මේ මෙච්චරම මහන්සිවෙන්නේ...."*

*" මට මේක ඇති වෙලා තියෙන්නෙ අයියේ....ඔයාටත් දවසක තේරෙයි ඔයාවත් කෙනෙක් මෙහෙම මගඅරිද්දී ඒකෙ වේදනාව....අනේ දෙයියනේ මාව මැරිලවත් යන්නෙ නෑනේ....මට මෙහෙම දුක්විඳින්න බෑ දෙයියනේ....ඔයා මාව බ්ලොක් කරලා දාන්න අයියේ...ඒක මිට වඩා සැපයි මට මෙහෙම දුක්විඳිනවට වඩා...."*

ප්‍රශංසා නංගි මට එහෙම කිව්වත් මම ප්‍රශංසා නංගිව බ්ලොක් කරන්න ගියේ නෑ.තමන් පණ වගේ ආදරය කරන කෙනාව මොන හිතකින්ද එහෙම බ්ලොක් කරන්නේ.

ඒත් මට එහෙම කියපු ප්‍රශංසා නංගිම මාව බ්ලොක් කරලා තිබ්බා. ඒ වෙලාවේ මට දැනුනු වේදනාව දන්නෙ මායි මගේ හිතයි විතරයි.

අපි දෙන්නා ළඟින් ම ආශ්‍රය කරපු අපි දෙන්නාගේ හොඳ ම යාළුවෙක් හිටියා. එයාගේ නම නෙතූ. නෙතූ නංගි අපි දෙන්නගෙ afair එක නෙතූ නංගි ගොඩක් දේවල් දැනගෙන හිටියා.

*" මට මේ වෙලාවේ ඔයාගෙන් ලොකු ම ලොකු උදව්වක් ඕනි නෙතූ නංගි...."*

දෙවරක් නො සිතාම මම නෙතූ නංගිට මැසේජ් එකක් දැම්මා.

*" මොකද දෙන්නත් එක්ක ආපහු රණ්ඩුවක්වත් වුනාද...?"*

අපි දෙන්නා අතර මොකක් හරි ප්‍රශ්නයක් වුනොත් මම නිතරම වගේ උදව් ඉල්ලන්නේ නෙතූ නංගිගෙන්. නෙතු එක පාරට ම එහෙම කියන්න ඇත්තෙ ඒකයි.

*" ඔව් නංගි, මේක ටිකක් විතර සීරියස් රණ්ඩුවක්...."*

*" ඔයාගෙ සමහර වැඩ නිසා නංගිගෙ හිත හොඳටම රිදිලා අයියේ තියෙන්නේ....."*

*" අනේමන්දා නංගි, එයා මාව තේරුම්ගන්නේ නෑ....ඒකයි මේ ඔක්කොම ප්‍රශ්නවලට මුල...."*

*" හරි අයියේ, දැන් කියන්නකො...මොකක්ද ඔයාට මගෙන් වෙන්න ඕනි උදව්ව....ඔයාගෙයි නංගිගෙයි ආදරේ හරි ලස්සනයි...ඒක නිසා මං ඔය දෙන්නා වෙනුවෙන් ඕනම උදව්වක් කරනවා..."*

අපි දෙන්නා වටේ හිටපු ගොඩක් අය අපි දෙන්නට ඉරිසියා කරද්දි නෙතු නංගි තමයි හැමදාමත් අපි දෙන්නගෙ ආදරේට ආශිර්වාදයක් වුනේ.

*" ප්‍රශංසා මාව බ්ලොක් කරලා නංගි.....පුළුවන්නම් ඔයා ප්‍රශංසා නංගිට කියන්නකෝ මාව අන්බ්ලොක් කරන්න කියලා..."*

මම නෙතූ නංගිට කිව්වේ මගේ මුළු හදවතම කාටත් රහසේ ඉකිගසා හඬද්දි.

S͜͡    A͜͡    C͜͡  H͜͡    I͜͡  H͜͡    P͜͡  R͜͡  A͜͡    M͜͡    O͜͡  D͜͡