Sachith Pramod

Member

Nov 20 2024 @ 12:03



•  Share

මායාවක් ඈ - 1

❤️⃟⃟◍̸̸̸̸̣̣̣❀༺═─⃝─⃟─⃟─⃟─⃟─⃟─⃟─⃟─⃟─⃟─⃟─⃟─⃝─═༻

🪷 *මායාවක් ඈ* 🪷

*ඔහු,*
- දෙව්දුවක් යැයි සිතා මායාකාරියකට රැවටුණු රැවටිලි කාරයෙක්. -

*ඇය,*
- ,බොරු ආදරයක් පෙන්නා එක අහිංසක හිතක් නන්නත්තාර කර දැමූ මහා රැවටිලිකාරියක්. -

⭕ *කරුණාකර කතු අයිතිය සුරකින්න.*⭕

༺═─⃝─⃝─⃝─⃝─⃝─⃝─⃝─⃝─⃝─⃝─⃝⃝─⃝─⃝─═༻❤️⃟✦⃝̮̮̮̯̯̯😌

Wrritern by - 𝗦𝗮𝗰𝗵𝗶𝘁𝗵 𝗣𝗿𝗮𝗺𝗼𝗱 ✍️

🪺🪺🪺🪺🪺🪺🪺🪺🪺

🌼 *තියෙන්නේ එක හිතක් වුනාට කවදාවත් එක හිතකින් කෙල්ලෙක්ට ආදරේ කරන්න හොඳ නෑ. ඒ එක හිත දෙකට පළලා එක පාර කෙල්ලො දෙන්නෙක්ට ආදරේ කරන්න ඕනේ. ආදර විරහාවේ දුක අඩුවෙන් ම දැනෙන හොඳ ම සූත්‍රය ඒක.*✍️🌼

🪺🪺🪺🪺🪺🪺🪺🪺🪺

*" අනේ අයියේ, ඔයාට කරදරයක් නැත්නම් මට අර පේර ගෙඩිය කඩලා දෙන්න පුලුවන්ද...?"*

.
ඒ ලස්සන ඇස් දෙක මගේ මූණ දිහාම බලාගෙන ඒක අහපු විදියට මගේ හිත හිරි වැටිලා ගියා. ඒ මූණ ලස්සනයි ඒත් හරිම අහිංසකයි.

*" එක පේර ගෙඩියක් ඇද්ද නංගී...?"*

*" අනේ ඇති අයියේ...?"*

මම ඒ නංගිට පේර ගහට නැගලා පේර ගෙඩියක් කඩලා දුන්නා. ඒත් එදා ඒ නංගි පේර ගෙඩිය අතට ගත්ත ගමන් යන්න ගියේ අඩුම ගානේ මට thank you වත් කියන්නෙ නැතුව.

*" ඒයි නංගී....කෝ මට දැන් පේර කෑල්ලක් නැද්ද ඕකෙන්....."*

මම කඩලා දීපු පේර ගෙඩියත් අරගෙන ආඩම්බර තාලෙට යන කෙල්ලගෙන් මම ඇහුවේ හයියෙන් කෑගහලා.

*" බෑ බෑ මේක මට විතරයි...ඔය තව තියෙන්නේ පේර ගහේ පේර....ඔයාට ඕන්නම් ගහට නැගලා කඩාගන්න...."*

එදා එහෙම කියලා ගිය කෙල්ල මාස තුනක් විතර යනකම්ම මම ආයි කවදාවත් ම දැක්කේ නෑ. ගමේ හිටියාට මොකද මම ඒ ගෑණු ළමයා දැක්කේ එදාමයි. එදා ඉඳන් මම ඒ කෙල්ලව මුළු ගමම පීරලා හොයන්න ගත්තේ එතකොටත් මගේ හිතට ඒ කෙල්ල ගැන ආදරයක් දැනිලා තිබුන නිසා. ඒත් කොච්චර හෙව්වත් ඒ ලස්සන මල මට හොයාගන්න බැරිවුනා.

අපේ ගමේ පන්සලේ හැම සිංහල අවුරුදු කාළෙට ම සල්පිලක් තියෙනවා. අපේ ගමේ අයගෙ අත්කම් නිර්මාණ ඒ සල්පිලේදි වෙන්දේසි කරනවා. ඒ සල්පිලේදි තමයි මට ධරණිව දෙවෙනි පාරට මුණගැහුනේ.

🪻🪻🪻🪻🪻🪻🪻🪻🪻

එදා මට කියලා පේර ගෙඩියක්  කඩාගත්ත කෙල්ලගෙ නම ධරණි. මං එයාට ආදරේට කිව්වේ "ධාරා" කියලා.

🪻🪻🪻🪻🪻🪻🪻🪻🪻

*" ආහ් සදෙව් කොහොමද ඉතින්....ගොඩ කාළෙකින් දැක්කේ...."*

එදා සල්පිලේදි ධරණි මගේ නම කියලා කතාකරාම මට ගොඩක් ම පුදුම හිතුනා.

*" ඈහ්..ඔයා කොහොමද නංගි මගේ නම දන්නේ...?"*

*" මම කොහොම හරි දන්නවනෙ අයියේ..."*

*" ඒ වුනාට මට නම් හරි ම පුදුමයි නංගි...මම හීනෙකින්වත් හිතුවේ නෑ ඔයාව මට මෙතනදි මුණගැහේවි කියලා...."*

*" ඒ වුනාට මම නම් දැනගෙන හිටියා...අයියා මට සිල්පිලේදි අනිවාර්යයෙන් ම මුණගැහෙන බව....."*

*" හෑ...ඒ කොහොමද ඒ හරියට ම හිතුවේ මම මෙතනදි ම මුණ ගැහේවි කියලා..."*

*" නෑ ඉතිම් ගමේ ඉන්න කොල්ලො කොහොමත් මේ වගේ තැන්වලට එනවනේ...."*

💎⃝♡꧂ᘝᘞ *සචී*❤️ 𝘀𝘁𝗼𝗿𝘆✍️ 💎⃝♡꧂ᘝᘞ

එදා ධරණි නංගි සල්පිලේ වෙන්දේසියට තියන්න අලුතින් ම ඉපදුන බබාලගෙ කොට්ටවලට දාන අලුත් කොට්ට උරයක් මහගෙන ඇවිත් තිබුනා. මං හිතාගත්තා ඒ කොට්ට උරය මං කාටවත් ගන්න දෙන්නෙ නෑ මං ම සල්ලි දීලා ගන්නවා කියලා. ඒත් මං හිතුවෙවත් නැති විදියට ඒ කොට්ට උරයේ මිළ ඉහළ ගියා. කොට්ට උරයේ මිළ ඉහළ ගියේ තුශේන් නිසා.

*" තුශේන්, බ/ලු වැඩ කරන්න එපා ය.කෝ...මට ගන්න දි/ය/න් ඒ කොට්ට උරය..."*

ඉවසලා ඉවසලා බැරිම තැන මම තුශේන්ට එහෙම කිව්වේ.

*" බෑ,එහෙම ගන්න දෙන්නෙ නෑ මම තො/ට ඒ කොට්ට උරය...ඒ කොට්ට උරය අයිතිවෙන්න ඕනෙ මට..."*

තුශේන් රවලා කිව්වම මට තුශේන්ගේ මූණ බිත්තර ඔමලට් එකක් වගේ වෙන්න දෙකක් අනින්න හිතුනා. මුළු ගමේම මිනිස්සු එතන පිරිලා හිටපු නිසා මගේ හිතට ආපු ඒ අදහස බොහොම අමාරුවෙන් කන්ට්‍රෝල් කරගෙන හිටියේ.

මට හිතෙන විදිය හරි නම් තුශේන්ටත් ධරණිට හිත ගිහින් ඉන්න ඇත්තේ.ඒකයි ඌ මගෙනුත් ගේම ඉල්ලලා ඒ කොට්ට උරයේ මිළ එච්චරට ම වැඩි කරේ.

කෝම හරි ධරණි මහපු කොට්ට උරේ මිළ තුශේන් රුපියල් දෙදාස් පන්සීයක් වෙනකම්ම මිළ වැඩිකරා. ඌ එහෙම ගාන වැඩිකරන කොට මට හීන් දාඩිය දාලා තිබ්බේ. ඒ මොකද එතකොටත් මගේ අතේ තිබුනේ රුපියල් දෙදහාක් විතරයි.

මගේ හිත හිතාගෙන හිටියේ ධරණි අයිති මට විතරමයි කියලා. ධරණිට විතරක් නෙමෙයි ධරණිගෙ මොන ම දේකටවත් කවුරුත් ම අයිතිවාසිකම් කියන්න එනවට මම කැමති වුනේ නෑ. ඒත් ඒ වෙන කොටත් මගේ අතේ තිබුනේ රුපියල් දෙදාහක් විතරයි. ඒ රුපියල් දෙදාහත් මට අවුරුද්දට එකතුවුනු සල්ලි.

දෙවියන්ගෙ පිහිටෙන් මම ධරණිගෙ කොට්ට උරය රුපියල් තුන්දාහට ඉල්ලුවට පස්සේ තුශේන් ඉල්ලන්න ආවේ නෑ. තුශේන්ට හිතුනද දන්නෙ නෑ ඒ කොට්ට උරයට ඊට වඩා සල්ලි නාස්ති කරන එක අපරාදයක් කියලා.

ඉතින් ධරණිගෙ කොට්ට උරයේ සැබෑ උරුමක්කාරයා වුනේ මම. ඒත් පොඩි කොස්සකට තිබුනේ මට ධරණිගෙ කොට්ට උරය ගන්න තව රුපියල් දාහක් මදි  එක.

*" මට රුපියල් දාහක් දීපන්කෝ කුඩ්ඩා....."*

මගේ පිහිටට මේ වෙලාවේ හිටියේ කුඩ්ඩා විතරයි. ඒක නිසයි මම උ/ගෙ/න් රුපියල් දාහක් ණයට ඉල්ලුවේ.

කුඩ්ඩාගේ ඇත්ත නම නිර්මාල් ඒත් අපි නිර්මාල්ට කිව්වේ කුඩ්ඩා කියලා. නිර්මාල්ගේ තාත්තාට තිබුනේ  බෙහෙත් ෆැක්ටරි එකක්.  නිර්මාල්ලාගෙ තාත්තා ඒ ෆැක්ටරි එකට අවශ්‍ය බෙහෙත් කුඩු වර්ග පිටරටින් ගෙන්නපු නිසා තමයි අපේ වයසේ කොල්ලො හැම එ කා වගේ ම නිර්මාල්ට කුඩ්ඩා කිව්වේ.

*" ඇයි දැන් මගෙන් සල්ලි ඉල්ලන්නේ...උ/බ මහ ලොකුවට ඒ කෙල්ලගෙ කොට්ට උරය ඉල්ලුවේ අතේ පිච්චිය නැතුවද....?"*

කුඩ්ඩා නක්කලේට වගේ හිනාවෙලා මගෙන් එහෙම අහද්දී මට මං ගැන ම දැනුනේ විස්තරකරන්න බැරි ආත්මානුකම්පාවක්.

*මතු සම්බන්ධයි.*

❤️⃟⃟◍̸̸̸̸̣̣̣❀S͓̽  A͓̽ C͓̽  H͓̽  I͓̽  T͓̽  H͓̽  P͓̽  R͓̽  A͓̽  M͓̽  O͓̽  D͓̽ ❤️⃟⃟◍̸̸̸̸̣̣̣❀

ධරණිගෙ කොට්ට උරය ගන්න සදෙව්ට කුඩ්ඩා සල්ලි දේවිද..?
දැනගන්න කතාවේ ඊළඟ කොටස කියවන්න්න.