0
0
හිමි නැති බව දැනත් සිත දැඩිව බැඳෙනුයේ
මනසක තීරණයකින් නොව එය සිදුවනුයේ
සිහිනයකින් තැනූ ලොවකට පෙම් බඳිනුයේ
අවදිව යළිත් ඒ සිහිනයෙම සැතපෙනුයේ
පැය ගණනක් බලා හිඳ දුරකතන තිරය
නොලැබෙන පණිවිඩය සොයමින් විඳින බිය
අන් සතු බව දැනත් දැවෙනා හදේ ගිනි කඳ
පවසනු කෙලෙසදෝ විඳිනා කෙනෙකු මිස
ලෝකෙට රහසක්ව සඟවා තබන සෙනේ
තමන්ට වදයක්ව හදවත පෙළන පැනේ
නොලැබෙන සතුටකට වැඩියෙන් මෙතැන තැනේ
බලාපොරොත්තුවක පිවිතුරු මහත් ගුණේ
මෝඩකමක් යැයි පවසන්නට එපා කිසිවිට
හිමි නොවන බව දැනත් පෙම් කළ හැකි සිතට
කලාතුරකින් ලොවට හමුවන සවියකි එය
පරිත්යාගයේ මහා සලකුණ පවසයි එය
