0
0
බොහෝ ඉඩ ඇති අහස් ගඟ මැද ප්‍රියය
අහෝ...සඳ පිපෙන්නේ හැමදාම එක තැනය
එහෙත් ඔබ ඉන්නා තැනක්වේනම්
සඳඑලිය ගලන්නේ එතනය
දහස් ගී තනු මිහිරි හඩවල් බෝය
රහස් රචනා පබැදි මනරම් ගීය
එහෙත් ඔබ ගයන දවසක් වේනම්..
හොඳම තනුවක් මැවෙන්නේ එතනය
අකුණු සරයක වැසි පොදක් ඇමිණේය
තෙමුණු කොපුලක සලකුණක් මතුවේය
එහෙත් ඔබ හෙලු එකම බැල්මක් වේනම්
සඳානන්දය මට මැවෙන්නේ එතනය
මතක දහසක් හදවතක සිරවේය
පොතක නොලියූ අකුරු මුමුණනවාය
ඔබ මතක්වෙන හැමවිටම කවි ලියවුනානම්..
මේ ලියන්නේ දහස්වන කවියයි ප්‍රියය....
තාරා.
