0
0
රෑට පිපෙනා නේක මල්වල පෙති මත
පාට දහසක් නැතත් එක පැහැයක් ඇත
කාට හිමි උයනක්ද නම් ගම් හිමි නැත
ඊට වැඩියෙන් සුවඳ මල් වේද හිතවත
සඳට විතරක්ම පිපෙනා මල් මත
සඳෙන් ලද හාදු පිණිවල තෙත ඇත
ඔබට විතරක්ම ලියනා කවි මත
ඔබට නොපෙනුනු වැරදි ඇලපිලි තව ඇත
ලගට නේනා බොහෝ හිමිකම් දුර ඇත
දුරින් ඉන්නා තරමටම එය ලග ඇත
අදට සමුගමු කියා නැවතුන තැන් මත
තදට ලියවුනු වේදනා කවියක් ඇත...
ඇතැම් රෑකල පවන රළුවෙයි හිතවත
එවන් කවි සුළග මත ඇමිණෙනු ඇත.
තාරා.
