0
0
✨ කර්කශ සෘතුවකට පණ පොවන්න වස්සානයට හැකිනම්, ඉමාගේ ජීවිතේට කල්ප පෑයුවා නම් ඇගේ ජීවිතය සොඳුරු වෙන්නට පුළුවන්..
.....
ප්‍රේමයේ ගිනි පෙල්ලකින් බැටකෑ ඇය ප්‍රේම ය ඉදිරිපස දී අවසඟව පසුපසට ඇදී යයි.
ඒ පිළිබඳව අබමල් රේණුවක තරම් තැකීමක්වත් නොකරයි..
......
එය දීප්තිමත් මෙන්ම උණුසුම් අරුණෝදයක් විය. මනහර ගී ගයමින් තුරු අග පැණි කුරුල්ලො රැඳී සිටියහ.අසල තිබු දිය සහිත පොකුනෙහි මසුන් දිය කෙලිති..ඇගේ නිවස්නයම සොදුරු උද්‍යානය ක් බදු විය..ඇය අතින්ම ලස්සන වූ ඇගෙ නිවහන නේක විධ නානා ප්‍රකාර මල් වර්ග වලින් පූර්ණ විය......
පැන්සිමල් පොකුරක නැවුම් සුවඳක් ඈත සිටම නහය පුරා විහිදී ගියේය . උදෑසන උණුහුමට ද මන්දා අර්ධ නි ද්‍රාවක ඉමා පසුවුනාය.
පැන්සිමල් පුසුඹටම නැවත වරින්වර ඇය නෙත් විවර කලාය.
...
රතු රෝස මල්වල සුවඳ හා සිහිලස ඇයට වරින් වර නැගුනි.
ඇගේ සිසිල් වූ ගත මත ඒ සුළං පොද දැවිටී ගියාය.
.."මොකද ඔයා අද ලස්සනට පිබිදිලා, ඔයාට ආදරවන්තයෙක්වත් හමුවුණාද? ඔයාගේ මුහුණේ දිලිසුමක් තියෙනවා. ඔයා ඉතින් සියුම් පරමාර්ථයක රාජදූතියක්නේ. හැමෝගෙම හැඟීම් ඔයා දන්නවා. කවුරු හරි ඔයාට ප්‍රේම පණිවිඩයක් දීලා.කවුද ඒ?..... "ඉමා මොකද ළමයෝ තනියම කතා කරන්නේ.?"
"නෑ අම්මි මට චුට්ටක් නින්ද ගියා. නැගිට්ටේ මෙයාගේ සුවඳට"
" ඔයා ඉතින් ඕව කර කර ඉන්න"
" අම්මා පැන්සිට ආදර පණිවුඩය ක් ඇවිත් "
" ඒ කිව්වේ"
" ආයේ ලස්සන මල් පිපිලා.කවුරු හරි කඩන් යන්න උත්සාහ කරලා,ඒකයි සුවද හැමුවේ "
" අනේ පිස්සු කෙල්ල.."
" නෑ,අම්මෙ ඇත්ත,අනික මෙයා ආදරෙ පණිවුඩ කාරී "
"ස්ත්‍රී ලිංග කතා කරන්නෙ,ඔයා දන්නවද එයා ගෑනුද කියලා"" ඔව් ගෑනු ගහක් හන්දා තමා, කවුරුහරි අරන් යන්න උත්සාහ කරද්දී, පණිවුඩයක් දෙන්නෙ"
" අනේ පිස්සු.."
" නෑ අම්මි ඇත්ත"
" මම නම් අහලා තියෙන්නෙ,පැන්සි මල් රාජදුතයෙක් කියලා විතරයි"
" එතකොට මේ ලෝකෙ ඉන්නෙ පිරිමි විතරයි ද?"
" හරි හරි මට ඔයා එක්ක වාද කරන්න බෑ..නිකන්නෙ ඉන්නෙ අර ඊයෙ ආපු ඕඩර් එක බලන්න"
" හරි අම්මෙ".. ....
අයියේ,රිසල්ට් ඇවිත්.....
" ඉන්න මම බලන්නම්"
........
" මගේ දුවට රත්නත්තරේ පිහිටයි interview එකට හොඳින් යන්න. එයාලා රිසාල්ට් එකට වඩා බාහිර දේ පරීක්ෂා කරාවි ඔයාගේ සහතික ටික ගත්තද?"
"ඔව් තාත්තේ"
"අයියයි අම්මයි එක්ක පරිස්සමෙන් යන්න"
තමාගේ ජීවිතයේ කඩඉමක් වුන සාමාන්‍ය පෙළ විභාගයෙන් ඇය ඉහළින් සමත් වී ඇති බව දැනගන්නට ලැබුණි. කල්පනීගේ වෑයම නුවරඑළිය දිස්ත්‍රික්කයම කලා අංශයෙන් ප්‍රථම ස්ථානය ලබා ගැනීමයි. කල්පට වඩා කල්පනීට ඉමා ළං වෙන්නේ මිතුරියක
විලසිනි. " ඔන්න රෝස මල්වලයි පැංසි මල්වලයි සුවඳ බැලුවා ඇති. එහෙනම් මයේ අම්මා අපේ නම්බුව රැක්කා. දැන් තියෙන්නේ ඉගෙන ගන්න'
" මං ආයේ ඉස්කෝලෙ ගියා කියලා පැංසි මල් පිපෙන්නේ නැතුව තියෙන්නේත් නෑ. රෝස මල් නොපිපී තියෙන්නෙත් නැහැ. හරිද?"
" අනේ මන්දා මේ කෙල්ල"
" ආ තව දෙයක් පැන්සි මල්වල සුවඳ වැඩි වුණොත් මට කියන්න.. ඒක මට ගොඩක් උවමනා වේවි"
..,.මතු සම්බන්ධයි..
