0
0
මේ ලෝකේ තේරූම් ගන්නම බැරි තැන්වල,
මට තදින් තරහා යනවා.,දුක හිතෙනවා..
මම දන්නෑ ඒවා සාමාන්‍ය හේතූ කාරණාද කියලා,
මට මාවම නැතිවෙනකොට, සුවපත් කරන උරහිස් වැළඳගන්න නැතිකොට,
ආසම සින්දුවක තේරූම නොදැනිලා යනකොට,
ඉරිසියාවෙන් පිරෙනකොට, වෙනද වගේ මල් ලස්සනට පේන්නැතිකොට !
හුළඟ මගෙත් එක්ක කතාකරන එක අත ඇරපු දවසට,
ලස්සනම කවියක් අහන් ඉන්න ඔයා ලඟ නැතිකොට,මගේ ආසම චිත්‍රපටියට ඔයා කැමති නැතිකොට,
කැක්ටස් පැල අඳුරු පාට වෙද්දී, මේ ලෝකේ හැමදේම කලුපාට වෙලායනකොට!
පාට පාට හැමදේම මගේ ලඟින් ඈතට යනකොට මට දුකයි ! ඒ හැමදේම අස්සේ, හීනීයට පිණිබිංදු වගේ කඩන්වැටෙන ඔයාගේ මල්ගුඩියේ දෙබස් වගේ කටහඬ එක්ක,
පළඟැටි ඇස් වල දාංගලේ දැක්කම, ඩේසී මල් දකින
මීමැස්සෙක් තරමට මට සතුටුයි .
