0
0
මල් වියන් , පවුරු උඩ ලතාවන් එතෙන
තාරුකා මල් පිරුණු හැඟුම් දඟ කරන
සෘතුවේ හුඟක් තැන් ලස්සනට පෙනෙන
වසන්තය පැමිණේවි යලිත් යම් දිනෙක
සඳ සේ ම යෞවනේ වියපත් ව නොයන
දෑස් නුඹෙ තරු සමයි ලස්සනට පියෙන
තිත් පෙළක නැවතුමෙහි සිතකි නිදිවරන
නොහිමි' හිමි; නුඹ ය කවි පොතක රජ කරන
අනන්තෙන් ඇවිත් සිසිලෙන් ම සිත නිවන
අරුත්බර සුළං රැළි හදවතට ඔබන
සුරත නෙත් අරබයා හදවතට ලියන
කවියක නුඹත් වේවි 'අමාවක අහස'
_ නැවතීමකින් කෙලවර වූ වගට
ඔබ සතු ගෞරවණීය ප්‍රේමය වෛරයක් උදෙසා හිලව් නොකරන්න......
එය උකස් තියූ පසු නැවත මිලදීගත නොහැක
ප්‍රේමය යනු මිලක් නියමකල නොහැකි ජීවිතයේ වරක් පමණක් මුණගැහෙන හැඟීමකි _
__අහස්...✍__
