0
0
අතිශය වේදනාත්මක සිපගැනීමන් ප්‍රහර්ෂයන් ඉකිබිඳුම් මැද
අවසන් ම වතාවට ත්
ඇය මගේ දෑස් අතැර දමා හැරී යන්නට වී....
ගිම්හානයේ මීදුම සමනොල සීනු නද දෙමින් ප්‍රාතිහාර්‍ය පාන්නට පටන් ගැනුණි.
ශාප ලත් හදවත මට ම බර වී, කඳුලු වගුරවමින් යලිත් අල්තාරය පෙනෙන තෙක් මානයට වී නෝක්කාඩු කියන්නට විය.
එහිදී පිරිමි හදවතක් අමු අමුවේ කීතු කොට රුහිරෙන් දැල්වූ පහනක් නග්න රත් පැහැයෙන් අහස සිපගන්නට විය
සුසුම් සිසාරා උණුහුමෙහි කාන්සිය දොවාගත් සීත සුළං රැළි
විලාප හඬින් නිහැඬියාව බිඳින්නට වී........
ජීවිතයේ අවසන් ම සහ එකම වතාවට
වියෝ කල්පණා කල්පයක් නැතිනම් අනන්තයක් යැයි සම්මත ප්‍රමාණයක් රුධිරයෙහි ඒ මේ අත පැතිරිණි......
'' උඹට සාප වෙනව රත්තරන්.....''
'' හෙණ ඉතින් මගෙ ඔලුවට බරක් නෙවේ නෙ
කාටත් ඕනි මට සාප වෙනව බලන්න ''
.............
'' මං අඩුපාඩුවක්වත් කලා ද?
හිතේ දෙන්නෙක්ට දෙන්න ඉඩ තිබ්බ ද ?
මං හිතුවෙ මට පැලෙන්න ආදරේ ඇති කියල ''
'' අඩුපාඩු කා අතිනුත් වෙනව.......මං නෑයි කියනව නෙවේ
ඒත් මං ආදරේ කලේ ඔයාට දෙයියනේ ''
'' මට සමාවෙන්න......ඒ අඩුපාඩුවලට....
ආයෙ මාව හම්බෙන්න එන්න එපා......
අපි.... මේක නවත්තමු
මේ සම්බන්දෙ අදින් ඉවරයි!.....
ඉවසීම් මිනිස්සුන් ව දරදඬු කරනවා
මේක මට ඔයාගෙන් මේදේ අහන්න ඕනි උන පලවෙනි වතාව නෙවෙයි.....
පරිස්සමින් ඉන්න ''
__අහස්...✍️__
