0
0
ඉතින් කවුලුවෙන් එපිටට
මටත් යා හැකි දවසක
සුසුම් ඇසෙනා දුරකින්
නුඹට ලං වී ඉන්නට
නුඹේ සුරුවම් දෑතින්
මුල් පිරූ පෙම් කවියක
නිමැවුමෙහි හැකි උපරිම
ප්‍රේමයෙන් පුරවන්නට
රිදී හිනැහුනු සිහිනෙක
කඳුලු උනනා සතුටක
නිමක් නැති සෙනෙහෙක වු'ව
නුඹ නිසා නැවතෙන්නට
අවසර ද මන්දා හිතවත
අහස් ගානක් ඈතට
නිමක් ඇතිමුත් ඉම් නැති
ප්‍රේමයක ගොලු වෙන්නට ?
_ ඇතැමෙක් විසින් ඔබ වෙනුවෙන් පවරාදුන් ප්‍රේමයක් වරක් හෝ පවරාගන්නා ලදුව......
ඔබ විසින් එය රැකිය යුතුම ය _
__අහස්...✍__
