0
0
සිතක් තුන්යම හඬන ඇල්මන්
ප්‍රේමයෙහි කඩතොලු වසා
නුඹේ පෙම් පත් නොලී අරුණලු
තබා ඇත එහි පොදිගසා
සඳක් පෙරයම නොකී රහසක්
හදවතෙහි තෙත තැන් අයා
රුහිරු සිත්තම් කරනු අරුමෙකි
මහා කුළු පව් දෙස බලා
එබැමි ඈතින් පෙනෙන නිම්නෙක
සෙනෙහෙ මල් පියලක් වෙලා
රිදුම හසරැළ්ලකත් සතුටකි
පෙනෙන මානෙක ගිලිහිලා
අර්ථය:
අනාගන්තුක වින්දිත රැයෙක
පෙරයම ද මැදියම ද පසුයම ද නිශාචර දෙනෙත් මත ප්‍රේමයෙහි ලගන්නා තත් හි සුසර නොවූ කඩතොලු අරබයා පෑරී රැඳුනු තෙත නම්..... තියුණු බැඳීමකි!''
.........
සඳ එහි නුඹේ නිහඬ අරුණල්ල හැර කුමක් නම් මා පොදිගසන්නට ද?
හදවතෙහි මනස්කාන්ත සුන්දරම තැන් යටපත් කරමින්....සඳ නුඹ කියන්නට අපොහොසත් වූ රහස....නුඹ නොයෙන මානයෙක වළා පර්වත දෙස බලාහිඳ වු'ව රුධිරය මත සිත්තම්වන්නට පටන්ගෙන තිබීම අරුමයෙකි
එහෙව් බැමි මහා හුඟක් ආයාසයෙන් පෙනෙන මනෝලෝකය නම් නිම්නයෙහි,,,
සෙනෙහසෙහි අති උත්තරීතර මලෙක එක් පියල්ලක් බඳුව....
සඳ නුඹ පෙනෙනතෙක් මානයෙහි හිඳ මලෙහි රොන් වේදිකාවෙන් ගිලිහෙතොත් ඒ ලද සියුම් රිදුම පවා ප්‍රහර්ෂය නම් ම 'ය
_අහස්...✍️_
