0
0
පපුව මැද තෙතමනය බරට තිබුණාට
නහර තුඩු සෙනේහෙන් පිරී රැඳුනාට
ඉඳහිටක රළු කමක් මවා පෑවාට
නෙලුම් පෙති මුදු නොවෙයි පිරිමි හිත් ගාව
ඉඳහිටක මුණගැහෙන කඩතොලු මකන්න
පිරිමි අත් රළු නොවූ තැන් ද ඇත එමට
නමුත් ඒ තැන් හිතුවටත් වඩා මුදු ව
ලියකමක නිමැවුවෙම පිරිමි අත් නේද ?
රෑ මැදදි රහසේ ම සුසුමන් ලියන්න
කාටවත් නෑහෙන්න කඳුලැලි පිසින්න
පිච්චෙනව දැනි දැනි ත් ගින්දර ම ගන්න
පිරිමි හිත් හැදුවේම අහසක් නිවන්න!
මැවුම්කරුනි! ලෝකයේ ඉඩක් ලද තැනෙක
මුදු මොලොක් ලපටි තැන පිරිමිත් නිවන්න
මග බලමි ඒ ඇසක කඳුලක් වැටෙන්න
ලොවක අවසර ඇත්තෙ කොතන ද ලියන්න...!''
_ ලොව ඇති වේදනාත්මක ම කඳුලු පිරිමි ඇස් සතු ය _
__අහස්...✍__
