විරාග හෝරාව - 3

එතැන් සිට...

"සිරි අඹ සාර කිව්වලු ඉස්සො. අඩෝ මේකෙ රිපෝට් එකක් අඩුයිනෙ. මැනේජ්මන්ට් එකට ගිහිල්ල බලහං."
පහුවදා ඔෆිස් එකට ආපු ගමන් ශෙහානය මට ඇහැකුත් ගහල කිව්ව.

"පිස්සු කෙලින්න එපා බං"

"පිස්සු නෙවේ බං. සිරාවටම කිව්වෙ මේ බලහං",
කියල ශෙහානය මට ෆයිල් එක දික් කරන ගමන් කනට කෙඳිරුව.

'ගිහිල්ල පොඩ්ඩක් බලපිය බේසො. ලව් කරන්නත් උගන්නන්න වෙලා තොට'

මම ශෙහානය දිහා බලල හිනා වෙලා ඌ දීපු හිස් ෆයිල් එකත් අරන් මැනේජ්මන්ට් එක පැත්තට ගියා.

උදේ සෙනූවත් එක්කන් මං ඔෆිස් එකට ආවෙ. කතාබහ කරන්න හම්බුන්නෑ පරක්කු උන නිසා. සෙනූ වෙනදට වඩා ස්ටයිල් දාන්න ගිහිල්ල උදේ. දැන් ප්‍රේමවන්තියක් නෙ.

මැනේජ්මන්ට් එකට ගිහිල්ල පොඩ්ඩක් ඇහැ කරකවල බැලුවත් සෙනුදිව දැක්කෙ නැති නිසා ආපහු එන්න හදනකොටම අපේ බොසා කතා කලා මට.

"ආ ඉශාර මේ. පොඩි වැඩක් තියෙනව. ඉක්මනට ගබඩාවට ගිහිල්ල එතන ස්ටොක් රෙකෝඩ් ටික චෙක් කරන්න. විමර්ශන අංශෙ වැඩක් හොඳේ. පෙරේරව අයින් කලාමයි තාම එතෙන්ට දාන්න එකෙක් හම්බුනේ නෑ"

"මම බලන්නං සර්."

"හරි ඉශාර. ලොකු උදව්වක්. වැඩේ භාරදෙන්න මනුස්සයෙක් නැතුව හිටියෙ. මම මැනේජ්මන්ට් එකේ සෙනුදිව යැව්ව එතෙන්ට. එයාත් උදව් කරයි."

සෙනූවත් ගබඩාවට යැව්ව කිව්වම මං

[img]https://telegra.ph/file/7a087e2771b0622aa6347.jpg[/img]

"ok සර්"

පෙරේර කියන්නෙ අපේ විමර්ශන අංශෙ හිටපු අධ්‍යක්ෂක. මිනිහ සල්ලි මාටිය ගහල අහු වෙලා ඌවයි විමර්ශන අංශෙ තව හය දෙනෙකුයි අයින් කලා. දැන් විමර්ශන අංශෙ බල්ලට ගිහිල්ල තියෙන්නෙ. සුදුසුකම් තියෙන උන් නැති නිසා ඔහේ වෙන වෙන ඩිපාට්මන්ට් වලට ඒ වැඩේ කරන්න දීල බලන් ඉන්නව ලොක්කත්.

ශෙහානය කාලයක් විමර්ශන එකේ වැඩ කලා. ඌට කොහොමත් තව දවස් දෙක තුනකින් එතනට ස්ථාන මාරුවක් හම්බෙයන සීන් එකක් තිබ්බෙ.

ගබඩාවට ඇවිදන් යනකොට වෙලාව යන නිසා මම දුවන් ගියා. ගබඩාව කිව්වට ඒක නිකං පිට්ටනියක් වගේ. මහා පතරංග හොල් එකක්. බඩු ගොඩ ගහල නිසා දන්නැති එකෙක් නං අතරමං වෙනව.

ගබඩාව ඇතුලට එනකොටම මම සෙනුදිව දැක්කම එයා ගාවට ගියා. ගබඩාව තාවකාලිකව වහල නිසා වෙන මොකාවත් නෑ.

"සෙනූ.... ලොක්ක කිව්ව මොකක්ද චෙක් කරන්න කියල. මොකක්ද කේස් එක"

"අහ්... ස... සර් මෙහෙ?. මේ....ඊයෙ යවපු ස්ටොක් එකක්. ඒක වරායට යවනකොට පෙට්ටිය ඇතුලෙ තිබිල තියෙන්නෙ වෙන product එකක්. මොකක් හරි එක්ක මාරු වෙලා. ඒක සර්."

"හරි එහෙනං. ඊයෙ ලේබල් කරපුවගෙන් පටන් ගමු. ලිස්ට් එක ගෙනාව නේද"

"ඔව් සර්"

"එහෙනං පටාන් ගමු"

සෙනුදිත් එක්ක චෙක් චෙක් කර කර ගබඩාව මැදටම වගේ ආව. සෙනූ ඒ වෙලාවෙම මාත් එක්ක ගෑවි නොගෑවි වගේ හිටියෙ.

මැදටම ආවට පස්සෙ මම සෙනුදිගෙ අතින් අල්ලල නැවැත්තුව.

"ස... සර්.. මොකක් හරි අවුලක්ද"

"ම්ම්ම්ම්ම්ම්. නෑ... නිකං" කියල මම සෙනූව ඇඟට තද කරගත්ත.

"කවුරුහරි හරි එයි සර්..."

"සර්.. සර්... කියන්න එපා දැන්. කවුරුත් එන්නෑ ගබඩාව චෙක් කරල ඉවර වෙනකං. එතකං ඒක ඕෆ් ලිමිට්. ඒ නිසා බය වෙන්න එපා."

සෙනූ ටිකක් වෙලා අයින් වෙන්න හදල ඊට පස්සෙ මට තව තුරුල් උනා. මම සෙනූගෙ ඔලුව අතගාල නලලට කිස් එකක් දීල සෙනූගෙ ඉනෙන් ඇල්ලුව.

"සෙනූ..."

"කියන්න ස... සර්... නෑ.... අයියෙ"

සෙනූ බිම බලාගෙනම ඉන්නව. සෙනූ ඇඳන් ඉන්න කලු පාට ටයිඩ් ස්කර්ට් එකයි සුදු බ්ලවුස් එකයි නිසා සෙනූව තවත් ලස්සන වෙලා පේන්න ගත්ත.

මම සෙනූගෙ නහය උඩට කිස් එකක් දීල තොල් දෙක උඩට මගෙ තොල් දෙක ගෙනාව. සෙනූ මගෙ පිටෙන් අල්ලන් මාව හූරන්න ගත්ත.

"හා හා. ඔය මදෑ. ලිස්ට් එක දීපං. මම හොයන්නං. උඹල ලව් කරගනින්"
එක පාටම පිටිපස්සෙන් ආපු කටහඬ නිසා අපි දෙන්නම ගැස්සිලා ඒ පැත්ත බැලුව.

ශෙහානය එතන පෙට්ටියක් උඩ ඉඳගෙන ඉන්නව.

"ශෙහානය. උඹ කොයි වෙලාවෙද ආවෙ"

"අර උඹ සර් සර් කියන්න එපා කියපු තැනදි තමා මම මෙතනින් වාඩි උනේ. යකෝ මෙලෝ සිහියක් නෑනෙ උඹලට"

මල කෙලියයි.

[img]https://telegra.ph/file/bf970636e88a51624d286.jpg[/img]

සෙනුදි තාම මගෙ පපුවෙ මූණ ඔබන් හිනාවෙනව ලැජ්ජාවටද කොහෙද.

"ලිස්ට් එක දීපං. උඹල මෙතනින්නෙ නැවැත්තුවෙ. මම ඉතුරු ටික බලන්න. ලොක්ක කිව්ව උඹලට උදව් කරහන් කියල. වැඩේ ඉවර වෙලා තුන් දෙනාටම එන්න කිව්ව බොසාගෙ රූම් එකට"

"නෑ නෑ තුන් දෙනාම හොයමු. සෙනූ... ඉඳන් ඉන්න. මමයි ශෙහානයයි බලන්නං දැන්"

"මමත් බලන්නං සර්....කමක් නෑ"

ශෙහානයට බකස් ගාල හිනා ගියා.

"සර් සර් කියන්න එපා සෙනූ.... නේද බං ඉස්සො"

ලොක්කා මූව මොන මගුලට එව්වද මංද.

[img]https://telegra.ph/file/d2e783e7288608e786436.jpg[/img]

පැය එකහමාරක් තිස්සෙ පීරල පීරල අන්තිමට ස්ටොක් මාරු වෙච්ච කේස් එක හොයාගත්ත. අපේ ස්ටොක් භාරව ඉන්නෙ සුමුදු මාම. මම කලින් කිව්වෙ එලොවටත් නෑ මෙලොවටත් නෑ කියල. මිනිහ රිපෝට් එකේ ලියල තියෙන්නෙ bjh2-13 කියල. ඒ උනාට යවන්න ඕනෙ වෙලා තියෙන්නෙ djh2-13 කියන තොගේ. මේ කාලකන්නිය බී අකුරයි ඩී අකුරයි මාරු කරල.

කේස් එකත් හොයාගෙන රිපෝට් එක හරියට හදල ට්‍රාන්න්ස්පෝට් එකට යැව්ව. ඒ වැඩ ටිකත් ඉවර කරල තුන් දෙනාම ගියා බොසාව හම්බෙන්න.

"සර් අපිව හම්බෙන්න ඕනෙ කිව්වද"

"ඔව් ඉශාර. වාඩි වෙන්නකො. සෙනුදි ඔයත් වාඩි වෙන්න පොඩ්ඩක්"

අපි තුන් දෙනාම වාඩි උනාම ලොක්ක කතා කලා.

"ඉශාර. දැන් අපේ විමර්ශන එක කරන් යන්න කෙනෙක් නැති නිසා පේනවනෙ කම්පැනි එකම කන කට්ට. චෙක් කරගන්න කෙනෙක් නෑ පරීක්ශනයක් කරන්න කෙනෙක් නෑ. ඔක්කොටම වඩා වැඩේට බැහැල ගැම්මෙන් ජොබ් එක කරන්න පුලුවන් එකෙක් නෑනෙ. ඉතින් මම හෙඩ් ඔෆිස් එකත් එක්ක කතා කරල මේ තීරණේට ආවෙ"

මොන මල පරාලයක් ද කඩාවැටෙන්න යන්නෙ.

"ඉශාර. මම ඔයාව විමර්ශන අංශයේ අධ්‍යක්ෂ තනතුර දක්වා උසස් කරනව"

මගෙ මූණ අටපට්ටම් වෙනව දැකල බොසාට හිනා ගියා.

"ඉඳහංකො කියනකං. ඉශාරව මම අධ්‍යක්ෂ කරන්නෙ හේතුවක් ඇතුව. ඉශාරට අධ්‍යාපනික සුදුසුකම් නැතත් ඉශාර හොඳ මීටරයක්. ගිය අවුරුද්දෙ ඉශාර best employee උනා. ඒක නිකං දෙන්නෑ. එච්චරයි වැදගත් වෙන්නෙ. ඒ නිසා මම මේ තීරණේ ගත්තෙ"

"හරි සර්"

"ඊට පස්සෙ ශෙහාන්. ශෙහාන්වත් මම ඒකටම දානව. දෙන්නම යාලුවො නිසා වැඩ ටික තවත් ලේසි වෙයි. ශෙහාන් විමර්ශන අංශෙ ලේකම් තනතුර දක්වා උසස් කරනව"

ශෙහානය කාලයක් එතන වැඩ කරපු නිසා උට නං ගේමක් නෑ.

"ඊළඟට සෙනුදි. ක්ලාක් කෙනෙක් හැටියට මැනේජ්මන්ට් එකේ හැමෝම ඔයාව රෙකමන්ඩ් කලා. ඒ නිසා අපේ සාමාන්‍ය protocol එකෙන් පිටට ගිහිල්ල උනත් මම සෙනුදිව විමර්ශන අංශෙම එකවුන්ටන් තනතුර දක්වා උසස් කරනව. ශෙහාන් කලින් විශේෂයෙන්ම ඉල්ලුව ඉශාරව ගන්නව නං සෙනුදිවත් අනිවාර්යයෙන්ම ගන්න කියල. මම දන්නෑ ඇයි කියල. කොහොමත් සෙනුදිව රෙකමන්ඩ් කරපු නිසා මම එයාවම දැම්ම. තව ශෙහාන්ගෙ අයියයි මෙතුනියි දෙන්නත් එතනට මාරු වෙයි"

මෙතුනි එනව කියපු ගමන් සෙනූගෙ මූණ දෙල් උනා.

"පස් දෙනාම ලබන සතියෙ ඉඳන් අලුත් තැන් වල වැඩ කරන්නෙ. ඔය තුන් දෙනා කලින් හිටපු තැන් වලට වඩා ගොඩක් උඩ ස්ථාන තුනක්. ඒ වගේම මේ තිරණේ ගත්තෙ වෙන දාන්න කෙනෙක් නැති නිසා. ප්‍රශ්න මොනා හරි තියෙනවද"

ශෙහානය හෙන ගහන්න වගේ අත ඉස්සුව.

"සර් අපිට අපේ බ්‍රාන්ච් එකට වෙනම ෆ්‍රිජ් එකක් තියාගන්න පුලුවන් නං ඒක අපේ රැකියා වැඩ වලට ගොඩක් පහසු වෙයි"

"ඕනෙ ලබ්බක් ගෙන්නගනින් බං. වැඩේ කරහන් හරියට. වෙන මොනා හරි වැදගත් ප්‍රශ්න තියෙනවද ගොන් ප්‍රශ්න නැතුව"

කවුරුත් මුකුත් අහපු නැති නිසා අපි තුන් දෙනා එලියට ආව. සෙනුදි තමා අපි තුන් දෙනාගෙන්ම වැඩියෙන්ම සතුටු උනේ. අපි දෙන්න එකම තැනට වැටෙන එකයි උසස්වීමයි දෙකම එකටනෙ හම්බුනේ. මම නං අමරෙටම බය වෙලා ඉන්නෙ. ශෙහානයත් ඉන්න නිසා ගේමක් නෑ.

අපේ ඩිපාට්මන්ට් එකේම කසුකුසුව ගියා අපේ උසස්වීම ගැන. හතුරො කවුරුත් නැති නිසා කවුරුත් විරුද්ධ වෙන්න ආවෙ නෑ.

ආපහු ඔෆිස් එකට ඇවිල්ල වැඩ කරන අතරෙ මෙතුනි මගෙ ළඟට ඇවිල්ල කතා කලා.

"දැන් ඔයා නේ අලුත් ලොක්ක එතකොට අපේ. ලොක්ක කිව්ව මට"

"ඒ වගේ නේ"

"හොඳයි හොඳයි. ආ මේ ඉශාර"

"කියන්න මෙතුනි"

"අද අපේ යූනියන් එකේ පාටියක් තියෙනව. එනවද. මට යන්න කෙනෙක් නැතුව ඉන්නෙ."

"තනියම යන්න බැරිද ඉතින්. නැත්තං ශෙහානයව එක්කන් යන්න"

"අපෝ ඌව එක්කන් තැනකට යන්න පුලුවන්ද. අදට යමුකො. පැය භාගයයි"

වෙන කරන්න දෙයක් නැතිම නිසා 4 වෙනකොට අනිවාර්යයෙන් එනව කියල පොරොන්දු වෙලා මම මෙතුනිත් එක්ක අල්ලපු ඩිපාට්මන්ට් එකේ මේන් හෝල් එකට ගියා.

එතන උන් එක්ක කතා කර කර සැපේ කකා බිබී ඉන්නකොට මෙතුනි මාවත් ඇදන් fire exit එක ගාවට ගාව. පාටිය තියන තැනට මෙතන පේන්නෑ.

"මේ මොකද මේ"

"බඩුවක් දෙන්න තියෙනව අලුත් බොස්ට"

"ඒ මොකක්ද"

"ඇස් දෙක වහගන්නකො"

මම ඇස් දෙක වහන් ඉන්නකොට මගෙ තොල් දෙකට තෙත ගතියක් එක්ක අමුතු සුවඳක් දැනිල මම ගැස්සිල ඇස් දෙක ඇරිය.

මෙතුනි මාව කිස් කරන්න හදනව!

"මෙතුනි මේ මොකක්ද මේ කරන්නෙ?"

මතු සම්බන්ධයි...

 18 Comments (0) 