0
0
සඳලතා මඩුල්ලෙන් බැස ආ සුරදෙව්දූ
මුතුලතා පරදන සිනා සිත බැන්දූ
තුරුලතා පිස එන සුවද හද රැන්දූ
කෝමළකතා හැඩ සිත ආලෙන් ඇන්දූ
කිරිකවඩි මුතු පබළු ඉණ හැඩට බැන්දූ
හීනී නිල්මිණි දෑස් සිනා සිත්තම් මැවුනු
සිගිති අතපය නා දළු සරින් නැළවුනු
ඉමිහිරි මතකය දෝතට ආ දෝණී මැණිකලූ
මට දාව විලිරුදා නුඹ නමින් නොවින්දූ
ගැහෙන පපුවේ නුඹ දුවනීය මුලින් වින්දූ
දුවක් ලෙස දෝතටම රස පහස දුන්නූ
පිංකෙතක් නුඹ මසිත පුදසුනක් කෙරුනු
මවකි මමත් නුඹට ලෙයින් නොබැදුනු
දනිමි නුඹේ මව්ගේ පෙම නුඹට ගැලූ
ඇගේ නමට කිරුළයි නුඹ ලොවට බෙදූ
රජ වී හිනැහියන් මව් සිත සනසාලූ
පියනගා කෙළිසිනා මැද ආදරෙන් ඔපළු
දිනදිනා හෙට ලෝකයම ජය නුඹටලු
මිණිපහන නිවසේ එළිය සරුසාර කෙරූ
රැකදෙන් පත්තිනි මව්නි අපේ ලොකු දූ
බිහිසුණු මිනිස් ගති මිනිසුන් මැද දෝණී
යහපත් ගුණෙන් පිරී දිළෙන මගේ දෝණී
රුවට වඩා නුඹේ නාමය රැකගෙන දෝණී
හෙට ලෝකේට සිනාමලක් මල්වර දෝණී
✍️භාෂී..❤️
මගෙන් ආදරණීය දූට....❤️😘
පිංතූරය අන්තර්ජාලයෙන් උපුටා ගැනීමක්
