Parindi Savindya

Content Writer

Feb 11 2025 @ 10:13



•  Share

නුඹ හා හමු වී...❤️ (නුඹ දැක මා season 02) - 28

විසි හත්වෙනි දිගහැරුම...❤️


චූටි ගෑනු ළමයෙක්ව බලු කූඩුවක් වගේ කූඩුවක දාලා ඒ මදිවට අත් කකුල් ගැටගහලා කටට රෙදි ගුලියක් ඔබලා.


කවුරුහරි එන සද්දෙ ඇහිලා ඉස්සිලා බැලුව ඒ චූටි ගෑනු ළමයාගේ ඇස් දෙක ලොකු වුනේ පුදුමෙන්.


ඒ පුංචි ළමයා මොකක් හරි කියන්න දැඟලුවා.
දේශු ඒ කූඩුව අරින්න ළඟපාත යතුරක් බැලුවත් තිබ්බේ නෑ. අඩුම ඉබ්බා කඩන්නවත් මුකුත් හම්බුනේ නෑ.
ඊටපස්සේ කූඩුව අස්සෙන් අතදාලා අමාරුවෙන් කොහොමහරි ඒ පුංචි ළමයාගේ කටේ තිබ්බ රෙදි ගුලිය නම් අයින් කරා.


ඒත් එක්කම ඒ ළමයා මොකක් හරි කියන්න යද්දී දේශු කටට ඇඟිල්ල තියලා පෙන්නුවේ සද්ද කර්‍රන් එපා කියලා. ඒත් එක්කම වටපිට බලලා කවුරුත් නෑ කියලා තහවුරු කරගත්තට පස්සෙ තමා දේශු කතා කෙළේ.


" චූටි පැටියෝ ඔයාගේ නම මොකක්ද..." දේශු මේ වෙලාවේ ඒ ළමයාව කලබල කරන්න බැරි හින්දා නම ඇහුවා.


" සුදු නැන්දී... මට අම්මි ළඟට යන්න ඕනේ... අනේ තාත්තිට එන්න කියන්නකෝ...." ඒ චූටි ළමයා අඬන්න ගත්තා.


" හරි මැණික..  අඬන්න එපා.. කියන්නකෝ බබාගේ නම..."


" සුදු නැන්දී ඔයාට මගේ නම මතක නැද්ද... නැන්දිගේ මට නම තිබ්බේ... අම්මී කිව්වේ නැන්දි තමා මගේ නම දැම්මේ කියලා..."


" අහ්..." ඒ ළමයා කියපු දේ දේශුට හිතාගන්න බැරි වුනා.


" බබා මාව දන්නවද...."


" ඔව් සුදු නැන්දී... තාත්තියි බාප්පියි වැඩිපුරම ආදරේ ඔයාටනේ.. අම්මිත් එහෙමයි... ඔයාගේ ලොකු පොටෝ එකක් අපේ සාලෙත් තියෙන්නේ ... ආච්චි අම්මා කොයි වෙලෙත් ඉන්නේ සුදු නැන්දිගේ පොටෝ එක දිහා බලන්..  ඇයි නේශ් මාමිත් ආවම නැන්දිගේ පොටෝ එක දිහා බලාගෙනනේ ඉන්නේ... "


" මොකක්... නේශ්.... බබා එතකොට මගේ නම මොකක්ද කියලා දන්නවද ඔයා..."


" ඔව්..  නැන්දිගේ නම නුහිනි අහල්‍යා... අම්මී නම් කියන්නේ ආච්චි අම්මා ලස්සනම නම දාලා තියෙන්නේ සුදු නැන්දිට කියලා..."


" නුහිනි අහල්‍යා..." දේශුට මතක් වුනේ කෙල්ල උස්සන් ආව reports ටික..


" බබා නේශ් කියන්නේ ඔයාගේ කවුද...."


" නේශ් මාමි... නේශ් මාමි සුදු නැන්දිට ආදරේ කරාලු.. අපේ අම්මී තමා කිව්වේ... අනේ නැන්දී මට අම්මී ගාවට යන්න ඕනේ... අම්මී කිව්වා මට ඉක්මනටම මල්ලි බබාව ගෙනත් දෙනවා කියලා... එතකොට මටත් මල්ලි බබෙක් ඉන්නවා කියලා... තාත්තිට එන්න කියන්නකෝ...."


එතකොට තමා දේශුට තේරුනේ මේ ඉන්නේ කවුද කියලා...


" බබා ඔයා නිශුල්‍යාද..  "


" ඔව් නැන්දී... ඒකනේ නැන්දිට මාව මතකයි අනේ නැන්දි මාව මෙතනින් එළියට ගන්නකෝ මගේ අතුයි කකුලුයි ගොඩාක් රිදෙනවා..."


මේ දේ ඇහුන දේශුව ඉබේටම පස්සට විසි වුනේ මෙච්චර දවස් නවීලා පණ දාගෙන හොයන කවී ඉල්ලලා අඬන ඒ දරුවා ඉඳලා තියෙන්නේ තමන්ගේ ගෙදරම කියලා දැනගත්ත හින්දා.


" බබා ඔයාට තාත්තාගේ නම්බර් එක මතකද..."


" ඔව්.... 0761234567...."


ඒත එක්කම ඇහුනේ කවුරුහරි එන සද්දයක්..


දේශු ආයෙම කූඩුවට අතදාලා නිශුල්‍යාගේ කටින් රෙදි ගුලිය තියලා,
" අහන්න බබෝ... මම කොහොමහරි ඔයාව බේරගන්නවා තේරුනාද... මම ඔයාගේ තාත්තට දැන්ම කෝල් කරලා කියන්නම්.. ඒ හින්දා හොඳ බබෙක් වගේ ඉන්න.. නැන්දා ඉක්මනට එනවා මැණික..." කියපු දේශු ඉකමනට ගියේ ආයේ එයාගේ රූම් එකට යන්න.


ආපු පාරෙන්ම නැතුව වෙන විදිහකට දේශු එයාගේ කාමරේට ඇතුළු වෙලා ඇඳුම් මාරු කරගත්තා.


දේශූගේ වාසනාවටද මන්දා. දේශු ඇඳුම් මාරු කරලා ගෙනාපු ෆයිල් ටික හංඟලා හැරෙද්දිම දොරට තට්ටු කරන සද්දයක් ඇහුනා.


බයෙන් බයෙන් ගිහින් දොර ඇරපු කෙල්ල දැක්කේ ගෙදර වැඩ කරන ගෑනු කෙනෙක් ඇවිත් ඉන්නේ කියලා. එතකොට තමා කෙල්ලගේ ඇඟට ලේ ටිකක් ඉනුවේ.


" නෝනා අදේශ් මහත්තයා පහළට එන්න කිව්වා..."


" හරි මං එන්නම්.." කියපු දේශු ඒත් එක්කම පහළට ගියා.


ඒ යනකොට කෙල්ලගේ අයියල දෙන්නම් සෝෆා එකේ ඉඳගෙන ඉන්නවා.


" ඉඳගන්නවා..." අදේශ්.


දේශු අයියලා දෙන්න ඉස්සරහෙන් ඉඳගත්තා.


" තමුසෙට එන්න කිව්වේ වැදගත් දෙයක් කියන්න... තමුසෙයි දෙවනියි කියන්නේ biological siblingsලා නෙවෙයි...."


දේශු පුදුමෙන් බැලුවේ උදේ ලැබ් එකේ ඇහුන දේවලුත් මතක් වෙලා.


" තමුසේ දෙවනිව බඳින්න ඕන..."


" මොකක්... ඒත්..."


" ඒත් මේත් නෙවෙයි ලබන බදාදා තමුසෙගේ වෙඩින් එක ලෑස්ති වෙනවා... අද ටේලර් එයි ඩ්‍රෙස් එක රෙඩි කරන්න..."


" අයියේ... ඒත්...."


" මොකෝ දේශු මාව බඳින්න බෑද තමුසෙට..."


" අයියේ ඔයා... "


" තමුසෙගේ කැමැත්ත අකමැත්ත වැඩක් නෑ ලෑස්ති වෙනවා.. දැන් යනවා කාමරේට..."






කාමරේට ආව දේශු කාමරේ දොරත් වහලා අඬන්න ගත්තේ මොකක්ද මේ වෙන්නේ කියලා. කෙල්ලට තේරුනා එතකොට අර ලැබ් එකේ කතා වුනේ වෙන කා ගැනවත් නෙවෙයි තමන් ගැනම තමා කියලා...


" එතකොට නුහිනි... ඒ කවුද..  අර බබා කිව්ව විදිහට මම නුහිනි.. ඒත් ඒක වෙන්නේ කොහොමද...ඕ මයි ගෝඩ් මම නිශුල්‍යාව බේරගන්න ඕනේ අයියලා එයාට මොනාකරන්න ඉන්නවද දන්නෑ..."


දේශු ඉක්මනට ගියේ එයාගේ අල්මාරියේ හංඟලා තියන ෆෝන් එකයි අර ගෙනාව ෆයිල් ටිකයි ගන්න. ඊටපස්සේ දොරක් ලොක් වෙලාද කියලා බලලා කෙල්ල ඇඳේ ඉඳගත්තා.


ඉස්සෙල්ලාම කෙල්ල කරේ නවීෂ්ට කෝල් එකක් ගත්ත එක.


" හෙලෝ... මේ මිස්ටර් නවීෂ් ද..."


" ඔව් මම තමයි..."


" මිස්ටර් ඔයාගේ දුව නිශුල්‍යා..."


" මගේ දුව.. මගේ දුව ගැන මොකක් හරි විස්තරයක් දන්නවද..."


" මිස්ටර් ඔයාගේ දුව ඉන්නේ අදේශ් වීරක්කොඩිගේ මැන්ෂන් එකේ සීක්‍රට් රූම් එකක... එයාව පුලුවන් තරන් ඉක්මනට බේරගන්න..."


" මොකක්... ඔයා කවුද..."


" මම කවුද කියලා වැඩක් නෑ මිස්ටර්... ඔයාගේ දුවව බේරගන්න..."


කියපු දේශු කෝල් එක කට් කළා.


" අම්මෝ ඒ වැඩෙත් ඉවරයි..."






මේ වෙනකොට නවී හිටියේ ගෙදර. එයා නේශ් අවී දෙන්නාත් එක්ක නිශුල්‍යාව හොයන්න ප්ලෑන් කරකර. ඒ අතරේ තමා කෝල් එක ආවේ.


" හෙලෝ හෙලෝ... ෂිට් කට් කළානේ... "


" කවුද බන් ගත්තේ... දෝණි ගැන මොනාහරිද කිව්වේ...." නේශ්.


" කවුද දන්නෑ බන්..  කෙල්ලක් කතා කළේ... දෝණි ඉන්නේ අදේශ් වීරක්කොඩිගේ මැන්ෂන් එකේ සීක්‍රට් රූම් එකක කියලා කිව්වේ..." නවී.


" ආයෙත් අදේශ්...."


" උඹ දන්නවද අදේශ්ව..."


" ඔව්..."


" එහෙනම් මගේ දෝණිව බේරගන්න යමු බන්... ඒත් අදේශ්ට මාත් එක්ක තියන තරහ මොකක්ද...."


" මම අදේශ්ව දන්නවා වුනාට.. මේ අදේශ් මූව හැමවෙලේම සෙට් වෙන්නේ ඇයි..."


" උඹ කොහොමද අදේශ්ව දන්නේ..." අවී.


" මම පැරිස්වල ඉන්නකොට එක දවසක් මම ගත්ත ඩ්‍රින්ක්ස්වලට කවුරු හරි ඩ්‍රග්ස් දාලා පහුවදා නැඟිටිද්දී මම කෙල්ලෙක් එක්ක රෑ ඉඳලා තියෙන්නේ බලනකොට... ඒ කෙල්ල නුහීගේ ring එකත් අරන් ගිහින් තිබ්බා.. ඊටපස්සේ මම ring එකේ location බලන් යනකොට නැවතුනේ අදේශ්ගේ පැරිස්වල මැන්ෂන් එක ළඟ... ඊට පස්සේ විස්තර හොයද්දි තමා දැනගත්තේ අදේශ්ට නංගියෙකුයි මල්ලියෙකුයි ඉන්නවා කියලා... ඒ වගේම ඒ නංගි ඩොක්ටර් කෙනෙක් කියලත්.. ඊට ටික දවසකට පස්සේ අදේශ්ලා ලංකාවට ආවා... උන්ගේ පස්සෙන් තමා මාත් ආයේ ආවේ... මට නුහීගේ ring එක ආයේ ගන්න ඕන වුනේ... ඒ වගේම මම අද දැක්කා නුහීගේ රින්ග් එක... මං ඒ පස්සෙන්ම ගියා ඒක ගන්න..  ඒත් අමට ඒක මිස් වුනා.... තව විශේෂ කෙනෙකුත් මම දැක්කා අද හොස්පිටල් එකේදී...ම්"


" කවුද කියපන් බන්.. එතකොට රින්ග් එක තියෙන්නේ කා ළඟ ද ඒ අදේශ්ගේ නංගිද..."


" මම හිතන්නේ ඒ අදේශ්ගේ නංගි තමා.. මොකද එයාගේ ලොකේෂන් පෙන්නන්නේ හොස්පිටල් එකෙයි අදේශ්ගේ මැන්ෂන් එකෙයි විතරයි.... ඒ වෙන කවුරුත් නෙවෙයි ඩොක්ටර් දේශුල්‍යා... එයා ගාව තමා නුහීගේ රින්ග් එක තිබ්බේ... මම ඒ ගැන අහද්දී ඒකි බය වුනත් එක්ක... අනික අද මං හොස්පිටල් එකෙන් දැක්කේ විෂාන්ව...."


" මොකක් ඒ බල්ලා ආයේ ඇවිත්ද...."


" ඔව් ඌ හිටියේ වෙන කවුරුත් එක්ක නෙවෙයි ඩොක්ටර් දේශුල්‍යා එක්ක..."


" මුන් එකතු වෙලා මේ හැමදේම කරන්නේ... දේශුල්‍යා ඒකි අපිට හොඳ මූණ පෙන්නන් හිටියට ඒකිත් මේවට සම්බන්ධ ඇති..."








මේ අතරේ දේශු හිටියේ අර ෆයිල් ටික චෙක් කර කර. එතකොට තමා කෙල්ලට හම්බුනේ ෆොටො ගොඩක්...
ඒකේ තිබ්බේ මිනියක්....
වෙනකාගෙවත් නෙවෙයි නුහිනිගේ මිනියේ ෆොටෝස්...
ඒත් එක්කම තිබ්බේ ප්ලාස්ටික් සර්ජරි එකක් පොටෝස්....


" මොනාද මේ වගේ තේරුම... ඒ කියන්නේ නුහිනි මැරිලද... එතකොට මේ සර්ජරි එක... ඇත්තටම නුහිනි කියන්නේ කවුද... google..."


දේශු google එකේ search කළා නුහිනි අහල්‍යා කියන්නේ කවුද කියලා.


ඔව්... වැඩේ හරි... ෆෝන් එකේ screen එක පිරුනේ නුහිනේ විස්තරවලින්.ඒත් එක්කම තිබ්බ නුහිනිගේ ෆොටෝස් දැකලා කෙල්ලගේ ඇස් ලොකු උනා.


" එයා මං වගේමයි... නුහිනි අහල්‍යා...  ව්‍යාපාරික නුරාග් ආදිත්‍ය සහ මහාචාර්‍ය යුහිනි ආද්‍යාගේ එකම දුව.... එයාගේ අයියලා දෙන්නා තමා නවීෂ් අවීෂ් කියන්නේ... මේ තියෙන්නේ ෆැමිලි ෆොටෝ එක... එතකොටම නුහිනි කියන්නේ ෆැෂන් ඩිසයිනර් කෙනෙක්.... සර්ජන් කෙනෙක්... වාව්... එයා මරුනේ.... පොඩ්ඩක් ඉන්න මේ මොකක්ද.. එයා මැරිලා... ඒකත් අවුරුදු පහකට කලින්... අයියා කියපු විදිහට මමත් අවුරුදු පහකට කලින් ඇක්සිඩන්ට් වෙලා තියනවා... මේ තියෙනේ...ඔව් ඒ නුහිනිම තමා... එතකොට මට කොහොමද එයාගේ රූපෙම තියෙන්නේ.... නුහිනි මැරිලා නම්... මේ ෆොටෝස්වල තියන මිනිය නුහිනිගේ වෙන්න ඕනේ... එතකොට මටද ප්ලාස්ටික් සර්ජරි එක කරලා තියෙන්නෙ... මේ මොකක්ද... CID එකේ ඇති වූ ගින්නෙන් ප්‍රදාන අපරාධකාරයෙකු පැනයයි... මේ ඉන්නේ... "


දේශු ස්ක්‍රීන් එකේ තිබ්බ ෆොටෝ එක දැක්ක ගමන් අතේ තිබ්බ ෆෝන් එකත් අතහැරුනා.


" චූටි අයියා... එයාගේ ෆොටෝ එකක් ඇයි මේකේ... අනික එයාගේ නම... විෂාන්... මට ඒ නම ඇහිලා තියනවා ලොකු අයියා කියනවා... මොකක්ද මේ වෙන්නේ... විෂාන්ව අත්අඩංගුවට අරන් තියෙන්නේ සිනේශුයි නුහිනියි... මයි ගෝඩ් මොකක්ද මේ... එතකොට මේ.. "


දේශු පරණ වෙච්ච දේවල් එකින් එක දැනගත්තා.


" ඒත් ඇයි මෙච්චර කල් මම මේවා නොදැන හිටියේ... මම කවදාවත් සෝෂල් මීඩීයා පාවිච්චි කළාට මට මේ දේවල් හම්බෙලා නෑනේ..." කියපු කෙල්ල කෙල්ලගේ අනිත් ෆෝන් එක අරන් නුහිනි අහල්‍යා කියලා සර්ච් කරා. ඒත් කිසිම ලිපියක් හම්බුනේ නෑ...


" වට්... ඒක වෙන්නේ කොහොමද... ඒ කියන්නේ මගේ සැකේ හරි... අයියලා මගේ ෆොන් එකට මොනාහරි කරලා තියෙන්නේ... එතකොට චූටි අයියා කියන්නේ අපරාධකාරයෙක්ද... එතකොට නිශුල්‍යාව හිර කරන් ඉන්නේ පලිගන්න්ද... මං නුහිනි වගේ වෙන්නේ.. ඒත් ඒකත් එයාලාගේ වැඩක් වෙන්න ඇති...."


දේශුට ඒත් එක්කම දැනුනේ ක්ලාන්ත ගතියක්...


" ඕ මයි ගෝඩ්... ඒකෙන් මේකෙන් මට මගේ වැඩේ අමතක වුනා.. මම කොහොමද දැන් මෙහෙන් පැනගන්නේ... මට මගේ පැටවු දෙන්නව බේරගන්න ඕනනේ..." දේශු කුසත් අතගමින් කිව්වා.


ඒත් එක්කම අඩි සද්දයක් ඇහුන හින්දා කෙල්ල ඉක්මනට ෆෝන් එකයි ෆයිල් ටිකයි හංඟලා දාලා දොරෙව් ලොක් එකත් ඇරලා මුකුත් නොදන්න ගානට හිටියා.


ආයෙත් සර්වන්ට් කෙනෙක් ඇවිත් කෙල්ලව එක්කන් ගියේ වෙඩින් ඩ්‍රස් එකේ වැඩවලට.
ඊට පස්සේ ඩිනර් එකත් අරගෙනම ආව කෙල්ල ඇඳට වෙලා කල්පනා කරේ මොකද කරන්නේ කියලා..
ඒ වගේම නවීෂ්ලා නිශුල්‍යාව බේරගන්න එයිද දන්නෑ කියන එකත් කෙල්ලගේ ඔලුවේ වැඩ කරා.


කෙල්ලගේ කල්පනා ලෝකේ බිඳුනේ කාමරේට ආපු දෙවනි අයියා හින්දා.
එයා සුපුරුදු විදිහටම බෙහෙත් අරන් ඇවිල්ලා.
කෙල්ලට දැන් අවුරුදු තුනක් තිස්සේ බෙහෙත් දෙන්නේ චූටි අයියා... ඒ හින්දාම කෙල්ලට මේ අවුරුදු තුනටම එක රැයක්වත් මඟ ඇරෙන්නේ නැතුව බෙහෙත් පෙවිලා තියනවා...


ඒත් ඊයේ රෑ නම් නෑ...


මොකද කෙල්ලට ප්‍රෙගනන්ට් දන්නෑ කියලා තිබ්බ සැකේට කෙල්ල බිව්වෙ නෑ අයියා යනකන් ඉඳලා විසි කලා.


අදත් දෙවෙනි අයියා ඇවිත් කෙල්ලට බෙහෙත් ටික දික් කලා.  කෙල්ල එතකොට තමා දැක්කේ වෙනදට තියන රතුපාට පෙත්ත නෑ කියලා. කෙල්ල සද්ද නොකර බෙහෙත් බොනවා වගේ පෙන්නලා බෙහෙත් ටික දිව යට හංගගත්තා.


වෙනදට කෙල්ල බෙහෙත් ටික බිව්වට පස්සේ අයියා ගියත් අද නම් ගියේ නෑ.


ඒ වෙනුවට අමුතු මූණක් හදාගෙන කෙල්ලගේ මූණට වැටිලා තිබ්බ කෙස් රොදක් කන පිටිපස්සෙ රදවලා එහෙම්ම කෙල්ලගේ මූණ ළඟට ළං කරගත්තා. කෙල්ලගේ තොල් ඒ ඇඟිලිවලින් පිරිමැද්දේ කෙල්ල බයෙන් ගැහෙද්දී.


ඒත් එක්කම කෙල්ලගේ තොල්වලට බර වෙන්න ආවත් කෙල්ල පස්සට තල්ලු කරපු හින්දා ඒ දේ බැරිවුනා.


" තමුසේ මොන හයියක් අරන් ද මාව තල්ලු කරේ ආ..." කියපු ඔහු කෙල්ලව ඇඳ්ට තල්ලු කරලා කෙල්ලගේ අඟ උඩට නැග්ගා.


" අනේ අයියේ ප්ලේස් මාව අතාරින්න.. අනේ අයියේ... ප්ලීස් අයියේ.."


කෙල්ල බයෙන් අඬන්න ගත්තේ අයියා කෙල්ලගේ ටී එක ඉරලා දාද්දී.


" අනේ අයියේ මාව අතාරින්න... අනේ එපා... ප්ලීස්ස්....අනේ අයියේ..."


තනපටයෙන් විතරක් ආවරණය වෙච්ච උඩුකය අත්දෙකෙන් වහගනිමින් කෙල්ල කෑගහලා ඇඩුවා.


ඒත් කෙල්ලගේ අයියා නම් ඒවා කනකටවත් ගත්තේ නෑ. කෙල්ලගේ අත් දෙක ඇඳට තියලා තද කරලා කෙල්ලගේ ගෙල සිපගත්තේ උමතුවෙන් වගේ..


දේශු තමන්ට මේ වෙනදේටත් වඩා බය වුනේ දරුවෝ දෙන්නාගේ ජීවිතේට අනතුරක් වෙයි කියලා.


" අනේ අයියේ මාව අතාරින්න..."


ඒත් ඔහු උමතුවෙන් වගේ කෙල්ලගේ පපුව සිප ගනිමින් ඔහුගේ ෂර්ට් එකත් ගැලෙව්වා.


ඒත් එක්කම ඔහුගේ ෆෝන් එකට කෝල් එකක් ආව හින්දා කෙල්ල මොහොතකට මිදුනා.


" හෙලෝ කියපන්..." ඔහු තරහෙන් කිව්වේ වැඩේට බාධා කරපු හින්දා වෙන්නැති.


" මොකක්... එහෙම වෙන්නේ කොහොමද... මං හරි එක දුන්නේ බල්ලෝ... ෂික් උඹ මාරු කරලා ඉන්ජෙක්ට් කරන්න ඇති...." කියන ගමන් ඔහු ඇඳෙන් නැගිට්ටා.


" ඉඳපන් මං එන්නම්..." කියපු ඔහු කෝල් එක කට් කරලා ෂර්ට් එක අරන් අඳින ගමන් එළියට යන්න ගත්තා.


" අදට තමුසේ බේරුනා කියලා හිතාගන්නවා..." කියලා දේශුට warning එකකුත් දීලා.


අයියා ගියාට පස්සේ දේශු දිව්වේ බාතෲම් එකට. බාතෲම් එකේ දොරත් ලොක් කරලා වතුර මල ඇරලා ඇඟේ ඉතිරිවෙලා තිබ්බ ඇඳුම් ටිකත් ගලවලා නාන්න ගත්තේ අඬමින්.


කෙල්ලට දැනුනේ ලොකු පිලිකුලක්. ඒත් එක්කම කෙල්ලට වමනෙත් යන්න ගත්තේ pregnancy එක හින්දා.


පැය දෙකක් විතර අඬලා අඬ්ලා කෙල්ල කාමරේට ආවේ ගැහි ගැහි..


" මම දැන් මොකද කරන්නේ..  මට තවදුරටත් මෙහෙ ඉන්න බෑ..."






පහුවදා උදේම  දේශු හොස්පිටල් ගියේ ආයේ අයියාව මුණ නොගැහෙනේවි කියලා හිතාගෙන. කෙල්ල හොස්පිටල් එකට ගිහින් හොයාගත්තේ හරිනිව.


" අනේ අක්කේ මට උදව්වක් කරන්න..."


" ඇයි නංගි මොකද මේ... ඇයි මේ කලබල වෙලා... ඇයි මැණික... ඉඳගන්න ඉස්ඩර වෙලා.. ආ මේ වතුර එක බොන්න..." කියලා කෙල්ලගේ අතට වතුර එකක් දුන්න..


කෙල්ල එකහුස්මට වතුර එක බීගෙන ගියේ හරිනි පුදුමෙන් බලන් ඉද්දී.


" අක්කේ මට ඉන්න තැනක් හොයලා දෙන්න පුලුවන් ඉක්මනට..."


" නංගී...."


" ඇයි කියලා අහන්නෙපා අක්කේ... මෙහෙන් පුලුවන් තරන් ඈතින් කොහෙහරි ගමක් හරි කමක් නෑ..."


" නංගී ඒත්..."


" ප්ලීස් අක්කේ...."


" හරි හරි මැණික... මට පැය භාගයක් දෙන්න මම පණිවිඩයක් කියන්නම්..."




දේශු කවීගේ රූම් එක පැත්තටත් ඔලුව දාලා  ආවේ එයාගේ රූම් එකට. ඒ එද්දී හිටිය අය දැකලා කෙල්ල පුදුම වුනා.


" මිස්ටර් නවීෂ්... අවීෂ්... ඇන්ඩ් සිනේශ්... ඔයාලා මෙතන...."


" ඔව් ඩොක්ටර් දේශුල්‍යා අපිට එන්න හොඳ නැද්ද..." අවී.


" නෑ මිස්ටර් අවීෂ් එහෙම දෙයක් නෑ... ඔයාලා කවිනි ගැන කතා කරන්න වෙන්නෑති එන්න ඇත්තේ නේද... නිශුල්‍යාව හොයාගත්තද..."


" ම්ම්... නෑ තාම... ඩොක්ටර්ට මොකක් හරි ආරංචියක් ලැබුනද..."


" අහ්.. මට... නැ... මම.. කොහොමද...."


දේශුගේ කටහඬේ තියන වෙව්ලීමෙන් නේශ්ට තේරුනා දේශු නිශුල්‍යා ගැන මොනාගරි දන්නවා කියලා.


" ඇත්තටම දන්නෙ නැද්ද... අහ්..." කියමින් නේශ් දේශු ළඟට එන්න ගත්තේ දේශුව ඊයේ වගේම නේශුයි බිත්තියයි අතර්ට හිරවෙද්දි.


" මම... මම .... කිසි දෙයක් දන්නෙ නෑ... " දේශු බයෙන් ගැහි ගැහී කියද්දී නේශ්ට දැනුනේ දුකක්..  ඒත් නේශ්ට හිතාගන්න බැරිවුනා ඒ ඇයි කියලා.


ඒත් එක්කම දේශුට ඔක්කාරෙට ආවේ දේශු රූම් එකේ තිබ්බ වොෂෲම් එකට නේශ්ගෙන් මිදිලා දුවද්දී.


තුන්දෙනාම පුදුමෙන් බලන් හිටියේ ඒ ඇයි කියලා.


ඒත් එක්කම වොෂෲම් එකෙන් එන ඔක්කර සද්දෙට නේශ්ගේ හිත නම් මොකක්ද වුනා.


දොරට තට්ටු කරන සද්දෙකින් තුන්දෙනාගෙම අවදානේ දේශුගෙන් දොර පැත්තට ආවා.


" දේශුල්‍යා..." කියමින් දොර ඇරගෙන ආවේ හරිනි.


" ඔයාලා තුන්දෙනාම අද මොකද මෙතන කරන්නේ..." කියලා හරිනි අහද්දී දේශු ඔක්කාර කරන සද්දේ ඇහිලා හරිනි වොෂෲම් එක පැත්තට ගියා.


" දේශුල්‍යා... දේශුල්‍යා... ඔයා හොඳින්ද..."


" අහ්..  අක්කේ.. මම...හොඳින්..."


හතරදෙනාම බලන් හිටියේ දේශු වොෂෲම් එකෙන් එළියට එනකන්.


ඔව් දේශු එළියට ආවා. ඒත් එක්කම හතරදෙනාගෙම ඇස් ලොකු වුනේ පුදුමෙන්...


මොකද ඒ හිටියේ....