0
0
විසිහයවෙනි දිගහැරුම...❤️
දේශුගේ පස්සෙන්ම දේශුගේ රූම් එකට ආව නේශ් රූම් එකේ දොර වැහුවේ දේශුවත් බය කරලා.
"ඔයා..."
" ඔහ්... මැඩම්ට මාව මතකයි නේ.... perfect....මට ඩ්‍රග්ස් දීලා මාව මත් කරලා තමුන්ට ඕන වැඩේ කරගත්තානේ නේද... ආ... කතා කරනවා..."
නේශ් කෑගහමින් දේශු ළඟට එන්න ගත්තේ දේශු පස්සට පස්සට ගිහින් අන්තිමට බිත්තියේ වදිද්දී...
" මම... නැ..."
" තමුසේ තව බොරුත් කියන්න එනවද ආ... කියපන් තමුසෙට මොනාද ඕනේ...ආ... අනික මගේ ring එකත් අරගෙන..."
" ආ... එ..පා... ම..ගෙ... බෙ..ල්ල..."
දේශුගේ බෙල්ලෙන් නේශ් අල්ලගත්තේ දේශුට හුස්ම ගන්න එකත් අපහසු වෙද්දී.
නේශ් දේශු දාගෙන ඉන්න මාස්ක් එක ගලවන්න හැදුවේ දේශූගේ මූණ බලන්න.
ඒත් එක්කම රූම් එක දොර ඇරගෙන ආවේ ඩොක්ටර් හරිනි.
" දේශුල්‍යා..." කියාගෙන ඇතුළට ආවත් හරිනි නේශ් දේශුට කරන දෙයින් බය වුනා.
" මිස්ටර් සිනේශ් මොකද ඔය කරන්නේ..." කියමින් හරිනි එද්දී නේශ් දේශුව අතහැරියා.
" අහ්... කැහ්.. කැහ්..." දේශු උගුර අතගාමින් ආයේ මාස්ක් එක හදාගත්තා.
නේශ්ට දේශුගේ මූණ නම් බලාගන්න බැරි වුනා.
" දේශුල්‍යා ඔයාගේ අයියා හොස්පිටල් එකට ඇවිල්ලා... එයාලා තර්ඩ් ෆ්ලෝර් එකට....."
දේශු ඉතින් ඒකට මොකද කියලා වගේ තමා හරිනි දිහා බැලුවේ.
" අයියෝ දේශුල්‍යා තර්ඩ් ෆ්ලෝර් එකේ තියෙන්නේ ලැබ්... මම හිතන්නේ ඔයා උදේ ලැබ් එකට ගියා එහෙම නේද..."
" ඔහ් මයි ගෝඩ්... මොන අයියද ඇවිත් ඉන්නේ... " දේශු එළියට දුවන්න ගත්තා.
" දෙවනි අයියා... emergency lift එකෙන් යන්න shortcut දාලා ඔයාට එයාලට කලින් යන්න පුලුවන්...."
දේශුට කොහොමහරි එයාගේ අයියා එන්න කලින් යාගන්න පුලුවන් වුනා.
කෙල්ල ඉක්මනට ලැබ් එකට ගියේ කෙල්ලට චෙක් අප් එක කරගන්න උදව් කරපු විරාත්ව හොයාගෙන.
ඒත් හොඳවෙලාවට විරාත් හිටියේ නෑ.
කෙල්ල ආයේ එළියට එන්න යද්දී තමා දැක්කේ අයියා ළඟටම ඇවිත් ඉන්නවා. ඒ හින්දා කෙල්ල ලැබ් එක අස්සෙම හැංඟුනේ කාටවත් පේන්නෙ නැතිවෙන්න...
ලැබ් එකට ආපු කෙල්ලගේ අයියා ගියේ ලැබ් එකේ ප්‍රදානියා ගාවට.
" ඉතින් කොහොමද මනස් සෑහෙන කාලෙකට පස්සෙ..."
" ආයෙත් අහලා යකෝ... අවුරුදු තුනකට පස්සෙනේ... ඉතින් මොනාද විස්තර ඇයි හදිසියේම ලංකාවට ආවේ..."
" පලිගැනීම සම්පූර්ණ කරන්න..." කියපු දේශුගේ අයියා වියරුවෙන් හිනාවුනා.
දේශු ඒ හිනාවට බයවෙලා මේ දෙන්නා කතාවෙන දේවල් අහගෙන හිටියා.
" හහ්.. අරුන් දැනටමත් බයවෙලා ඉන්නේ බන්... උන්ට හිතාගන්න බැරුව ඉන්නේ මොකද උනේ කියලා.. පොඩි එකී හොයාගන්නත් නෑ... අරූගේ දැන් ගෑනි ඒකිට ළමයා හම්බෙන්න ගිහින් හොඳටම අමාරු වුනා... දේශු ඇවිත් බේරගත්තේ නැත්තන් උන් දෙන්නම මෙලහකටත් අඩි හයක් යට.... මං අහන්නමයි හිටියේ උබලට බයක් නැද්ද බන් ඒකිව උන් ගාවටම යැව්වේ... උබට ඔච්චර කිව්වා ප්ලාස්ටික් සර්ජරි එකක් කරා නම් හරි කියලා උබ ඒක කරෙත් නෑ..."
" හහ්..මම මේව අවුරුදු 5ක් තිස්සේ ප්ලෑන් කරලා තියෙන්නේ බන්... ඒකිට ප්ලාස්ටික් සර්ජරි එකක් කරා නම් මම උන්ගෙන් පලි ගද්දී උන්ට දැනෙන්නේ නෑ බන්.... ආ.. මේක අරකිගේ ළමයා ඉන්ජෙක්ට් කරපන්..."
" කවිනිගේ...."
" ඔව්..."
" අඩෙහ් මේකෙන් මැරෙන විදිහ හොයන්න වෙන්නෙත් නෑ බන්... කොහෙන්ද මේක හොයාගත්තේ මේක නුහිනි banned කරාට පස්සේ බ්ලැක් මාර්කට් එකේවත් හොයාගන්න තිබ්බේ නෑනේ...."
" උබ හිතනවද ඔය නෑ කියන ඒවා හොයාගන්න එක මාෆියා කින්ග් කෙනෙක්ට එච්චර දෙයක් කියලා...."
"ඒක නම් ඇත්ත... ආ... මේ අරකිගේ බෙහෙත් ටික.. මේ ටික ගන්න කෙනෙක් එනවා කිව්වට මම හිතුවේ නෑ උඹ එයි කියලා..."
" මට අරුන් වැළපෙන හැටි බලන්න ඕනේ ඒකයි මම ආවේ... අඩෙහ් මේකේ බෙහෙත් අඩුයිනේ කෝ අර රතුපාට එක එහෙම..."
" ආ... ප්‍රොෆෙසර් කිව්වා දැනටමත් අවුරුදු තුනක් තිස්සේ බෙහෙත් දීලා තියන හින්දා දැන් බොහෝදුරට මතකය එන්න තියන සම්බාවිතාව අඩුයි කියලා... දැන් නියුරෝනවලට තමා මේක දෙන්නේ මේකත් තව අවුරුද්දක් විතර දෙද්දී සේරම හරි... ඒකි අවුරුදු දෙකක් කෝමා වෙලා හිටියේ නැත්තන් මෙලහකත් ඔක්කොම ඉවරයි..."
" හරි හරි... කෝ දැන් ...."
" ඒකිගේ රූම් එකේ ඇති... ආ නෑනෑ... ඒකි ඇත්තේ රූම් නම්බර් 124.. දන්නවද ඒකේ කවුද ඉන්නේ කියලා..."
" කවුද..."
" කවිනි...."
" මේකි මොකද ඒක අස්සේ කරන්නේ..."
" කවිනි කලබල කරද්දී සන්සුන් කරන්න පුලුවන් ඒකිට විතරයි... හොඳම යාලුවෝනේ ඉතින්... මේකි දැන් ඉතින් කවිනිගේ ඩොක්ටර් වගේ තමා.. උබලට කරන දෙයක් කරන්න වෙනවා.. සිනේශ්කාරයත් ආයේ ඇවිල්ලා..."
" ඔව් ඔව්.. ඌ ආවෙත් අපි ලංකාවට එනකොටම වගේ තමා.. ඒ මදිවට ඒකි ඌ එක්ක නිදියගෙන... "
" අඩොහ් සිරාවට... හරි බන් ඒකිගේ ලව් එකනේ... ඒකිට ඒත් මතක් වෙලා නෑනේ...."
"ම්හ්... නෑ.. හරි මං යනවා... ආ තව එකක්... ලබන බදාදා මං ඒකිව බදිනවා..."
" අඩොහ් සිරාවට... උබේ පරණ ලව් එකනේ..."
" හහ්... ඒකිට මං ආදරේ කරේ එදා මං ඇරෙස්ට් කරලා ඉද්දී ඒකි මට ආදරේ කරේ නෑ කියන වෙලාව වෙනකන් විතරයි බන්... එදා ඉඳන් මට තිබ්බේ ඒකි එක්ක වෛරයක්... දන්නවද ඒකි දේශ්ගෙන් ගුටි කද්දී මට දැනෙන සතුට... හහ්....මං යනවා..."
" හරි බන් එල..."
මේ හැමදේම අහගෙන හිටිය දේශු හිටියේ හිතාගන්න බැරුව. මොකද එයාට තේරුනා මේ කියන්නේ එයා ගැන කියලා...
දේශුට හිටපු තැනින් අඩියක් තියන්නවත් ඇඟට පණ නෑ කියලා තමා තේරුනේ.
කෙල්ලට ඇහුනා මනසුත් ලැබ් එකෙන් එළියට යනවා..
කෙල්ලට එතකොට තමා ඉක්මනට දෙයක් මතක් වුනේ..
කෙල්ල ඉක්මනට ගියේ මනසුයි කෙල්ලගේ අයියයි කතා කර කර හිටිය තැනට...
කෙල්ල දැක්කා එතන තියනවා කෙල්ලගේ අයියා පුංචි ආකිත්‍යට ඉන්ජෙක්ට් කරන්න කියලා දුන්න බෙහෙත් එක..
කෙල්ල ඒ කුප්පිය අරන් සින්ක් එකට හැලුවේ ඒකේ තිබ්බ දේවල් නිකන්ම එළියට ගලාගෙන යද්දී..
කෙල්ල වටපිට බලද්දී තමා දැක්කේ ග්ලූකෝස් එකක් තියනවා.. කෙල්ල කරේ ග්ලූකෝස් එක අරන් ඒකෙන් ටිකක් දිය කරලා අර කුප්පියට දාපු එක... ඊටපස්සේ කුප්පිය එහෙම්ම එතනින් තියලා කෙල්ල ඉක්මනට ආයේ කෙල්ලගේ කාමරේ පැත්තට ගියා.
" මොනාද ඒ අයියා කියපු කතාවල තේරුම.. මම ඇර වෙන කෙනෙක් ඉන්නවද එයාලා ඒ කියපු විදිහට... එතකොට නිශුල්‍යා එයාව කිඩ්නැප් කරලා තියෙන්නෙත් අයියද... අර මාෆියා කින්ග් කතාව... එතකොට අයියා කලින් මට කියලා තිබ්බේ මම අවුරුදු දෙකක් කෝමා එකේ හිටියා කියලා... එතකොට මටත් මගේ පරණ දේවල් මතක නෑ... අරතු පාට පෙත්තක් මමත් බොනවා....ඕහ් මයි ගෝඩ් මට පිස්සු හැදෙයි වගේ..." දේශු තමන්ටම තනියම කියව ගන්න ගමන් ආයේ එයාගේ රූම් එක ළඟට ආවා.
" දේශු..." කෙල්ල ඒ කතා කරපු සද්දෙට තමා ඔලුව උස්සලා බැලුවේ... ඒත් එක්කම කෙල්ලගේ ඇස් බයෙන් පිරුනේ කලින් ඇහිච්ච දේවලුත් එක්ක.
" අයියේ... ඔයා... හොස්පිටල්.... එකේ...."
" ඔය්ල්ව් ඇයි අපිට එන්න හොඳ නැද්ද..."
"නැ... මේ.. එහෙම එකක් නෑ..."
" හ්ම් ලෑස්ති වෙනවා ගෙදර යන්න..."
" ඒත් අයියේ..."
" ඒත් මේත් නෙවෙයි යනවා...." දේශු ඉක්මනටම රූම් එකට ගිහින් එයාගේ බඩු ටිකත් අරන් ආවා.
කොහොමහරි දේශුව වෙනම කාර් එකක ගෙදර යැව්වත් කෙල්ලගේ අයියා නම් ගෙදර ගියේ නෑ.
මේ අතරේ හොස්පිටල් එකෙන් එළියට ආපු නේශ් මේ දේ දැකලා ගොඩාක් පුදුම වුනා...
" විෂාන්... ඌ එහෙනම් ආයේ ඇවිල්ලා... එතකොට... අදේශ්ගේ මල්ලි විෂාන්... නංගී දේශුල්‍යා... හහ්... මේ ඔකෝම උන්ගේ ප්ලෑන් එතකොට...." නේශ්ගේ අත්දෙක තරහෙන් මිට මෙලවුනා.
ගෙදර ආපු දේශු ඇඳට වෙලා කල්පනා කරේ දැන් මොකද කරන්නේ කියලා...
මේ වෙච්ච දේවලුත් එක්ක කෙල්ලට තේරුනා අයියලා දෙන්න කොහොමවත් හොඳ අය නෙවෙයි කියලා.
ඒ වගේම වැඩි දවසක් නොයා තමන්ට මොනා හරි එයාලා කරනවා කියලත් කෙල්ලට හිතුනා.
" මට මගේ දරුවෝ දෙන්නව බේරගන්න වෙනව ඔක්කොටම කලින්... මම නේශ්ට මේ ගැන කිව්වොත්... ඒත් එයත් හොඳ කෙනෙක් නෙවෙයිද දන්නෑනේ... මේ රටින් වෙන කොහාටහරි ගියා නම් හැබැයි ඔක්කොම ඉවරයි එතකොට එයාලට මාව හොයාගන්න බැරිවෙයිනේ... ඒත් මගේ පාස්පෝට් එක අයියලා ළඟනේ... එහෙනම් දේශු හොරකමක් කරමු...."
දේශු කලුපාට ට්‍රවුසර් එකකට කලු පාට හුඩී එකක් දාගෙන බැල්කනි එකෙන් එහා බැල්කනි එකට පැනගත්තා. ඊටපස්සේ ඒ රූම් එකේ දොරෙන් එළියට ඇවිත් ගියේ අදේශ්ලා ලියකියවිලි තියල තියන කාමරේට.
ඒ ගිහින් කෙල්ල හොයන්න ගත්තේ එයාගේ පාස්පෝට් එක... පැයක් විතර හෙව්වත් කෙල්ලට ඒක නම් හම්බුනේ නෑ...
ඒත් කෙල්ලට හම්බුනා රිපෝට් එකක්...
"pregnancy report එකක්.. කාගෙද මේ... නුහිනි අහල්‍යා... ඒ කවුද... පොඩ්ඩ්ක් ඉන්න මට ඒ නම ඇහිලා තියනවා... අප්පටසිරි අයියලා කිව්වේ මෙයාද අර බෙහෙත් එක banned කරපු කෙනා... ඒත් එයාගේ report ඇයි මෙතන... ආ... abortion... ඒකත් එයාගෙමයි... තව ඒවා.... "
කෙල්ල තව තවත් ඒ ෆයිල් ඇඳගෙන යද්දි ඇහුනේ පොඩි කෙනෙක් අඬන සද්දයක්...
" ආ... ඒ කවුද...මේ මැන්ෂන් එකේ මං දන්න තරමින් පොඩි අය කවුරුත් නෑනේ..."
කෙල්ල අර ෆයිල් ටික හුඩි එක අස්සේ හංඟගෙන ගියේ ඒ සද්දේ ඇහුන පැත්තට.
කෙල්ලට ඒ සද්දේ බිත්තියක් එහා පැත්තෙන් ඇහෙනකන්ම කෙල්ල ගියා.
අන්තිමටම ඒ සද්දේ නතර වුනාම කෙල්ල හිටියේ බිත්තියක් ළඟ ඒ බිත්තියේ ගල් අල්ලලා තිබ්බේ...
" අහ්... මං දැක්ලා තියනවා අයියලා දෙන්නා මේ බිත්තිය ළඟ හැම තිස්සෙම ඉන්නවා. අර පොත්වල තියනවා වගේ මේක එහා පැත්තේ රහස් කාමරයක්වත් තියනවා ද දන්නෑ... "
කෙල්ල ඊට පස්සේ බිත්තිය පුරාම අතගාන්න ගත්තේ බිත්තියේ දොර හොයන්න හිතාගෙන... ඔව් දේශු හිතපු දේ හරි.. දේශු අල්ලපු එක තැනක් එබිලා එකපාරටම දොරක් ඇරුනා.. කෙල්ල හිමීට දොරෙන් ඔලුව දාලා බලලා දොර ඇතුළට ගියා.. ඒත් එක්කම කෙල්ලට ඇහුනේ දෙන්නෙක් කතාවෙන දෙයක්..
" ඇයි බන් බොස් අර කෙල්ලව මරන්නෙ නැත්තේ... මට නම් ඒකෙගේ ඇඬිල්ල අහලම කන් දෙක කීන් කානවා...."
" ඒවා අපිට වැඩක් නෑනේ... තව සෑහෙන වෙලාවකට ඒකි කෑගහන්නේ නැතිවෙයි යමන් කන්න..."
කෙල්ල හිමීට එබිලා බලද්දී තමා දැක්කේ ඒ දෙන්නා යනවා...
කෙල්ල ඊළඟට දැක්ක දෙයින් නම් කෙල්ලට ආවේ මාර තරහක්...
චූටි ගෑනු ළමයෙක්ව බලු කූඩුවක් වගේ කූඩුවක දාලා ඒ මදිවට අත් කකුල් ගැටගහලා කටට රෙදි ගුලියක් ඔබලා.
කවුරුහරි එන සද්දෙ ඇහිලා ඉස්සිලා බැලුව ඒ චූටි ගෑනු ළමයාගේ ඇස් දෙක ලොකු වුනේ පුදුමෙන්.
