Parindi Savindya

Content Writer

Nov 19 2024 @ 17:40



•  Share

🖤හේල්‍යා🖤 - 4

04.කොටස
ඒ තමා.......... කේශ්........
මොකද කොල්ලා හිටියේ shok වෙලා. කොල්ලා ඒ කට හඩ ඇහුවේ අවුරුදු 4කට පස්සේ.

"දෝණි බය වෙන්න එපා තාත්තා ඉන්නවා"
කියමින් ඇඳේ බයෙන් ගැහෙමින් උන කෙල්ලව විරාජ් පපුවට ගත්තා.
තාත්තාගේ පපුවට තුරුල් උන කෙල්ල තවමත් ගැහෙමින් කෑ ගසන්නේ බේර ගන්න කියමින්.
"රුවී ඉක්මනට injection එක ගන්න... "
රුවිනි දෑසින් වැටෙන කඳුලු පිස දමමින් දුවගෙන ගොස් රූහිගේ injection එක ගෙනැවිත් විරාජ් අතට දුන් විට විරාජ් එය රූහිට inject කළා. ටිකකින් කෙල්ලගේ සද්දය අඩුවෙලා කෙල්ලට ආයේ නින්ද ගියේ බෙහෙත් එකට.

"සුදූ..... නංගි තව ටිකකින් නැගිටියි. එයා ළඟට වෙලා ඉන්න. නැත්තං ආයේ බය වෙයි. අනු, සඳූ ඔයාලත් ඕන්නං ඉන්න දෝණිලා." කියමින් රූහිගේ හිස අත ගෑ විරාජ්,  පැමිනි ගැහැනු ළමුන් රූහි සමඟ කාමරයේ තනි කරමින් ඉතිරි අය සමඟ පහළට ගියා. 
 

"වීර්, කෙල්ලට මොකක් හරි අසනීපයක්ද බන්" හේෂ් ගේ තාත්තා ඇහුවා.
"ඒකනේ ඇයි ඒ කෑගැහුවේ?" ඒ අකීගේ පියා. 
"දෝණිට depression බං" විරාජ් .
"මොකක්..... මේ චූටි කෙල්ලට. හිතාගන්න වත් බෑ බං " කවීගේ පියා.
"ඒකනේ අංකල් අද උදෙත් නංගා අපිත් එක්ක හොඳට කතා කර කර හිටියා"අකී.
"කොච්චර පිටට පේන්න හොඳට හිටියත් කෙල්ල ලෙඩින්.දැන් අවුරුදු හතරක ඉදන් කෙල්ලට ඒ කරුම ලෙඩේ වැඩී.චුටි කාලේ ඉදන් තනියම හිටියේ මගේ පොඩි එකී.... මායි රුවියි මාසෙකට සැරයක් ගිහින් කෙල්ලව බලලා ආවා. හැමදාම අපි කෝල් කරා.ඒත් වැඩක් නෑ බන් කෙල්ලව ආරක්ෂා කරගන්න රට යැව්වත් කෙල්ල අන්තිමේට ලෙඩෙක් උනා....." විරාජ් කිව්වෙ ඇසට ඉනූ කඳුලක්ද පිස දමමිනි.
මේ සියල්ල අසා සිටි කේශ් අනෙක් අයද පුදුම කරමින් කතා කරන්නට විය විය.
"අංකල් නංගිගේ සම්පූර්ණ නම මොකක්ද?"කේශ්.
"රුහේලි සහින්‍යා, පුතේ ඇයි? පුතාට කලින් හම්බෙලා තියනවද රූහිව" විරාජ් ඇහුවත් එතකොටම කේශ්ට කෝල් එකක් ආපු හින්දා ඒකට උත්තර දෙන්න බැරි උනා.
කේශ් හැසිරුන විදිහයි රූහි කලින් පෙන්නපු photo එකයි හින්දා විරාජ්ට තේරුනා කේශුයි රූහියි දෙන්නා අඳුරනවා කියලා.
-----------------------------------------------
පැය භාගෙකට විතර පස්සේ රූහි පහළට ආවේ රුවීයි දිනූයි එක්ක.කෙල්ලගේ මූණ මැලවිලා තිබ්බත් කෙල්ල සාලේ හිටපු හැමෝටම හිනා වෙලා තමන්ගේ වේදනාව හංගන් හිටියා.
මේ අතරේ කේශ් ගේ ඇතුළට එනවා .කෝල් එක ඉවර වෙලා සෑහෙන වෙලාවක් උනත් කොල්ලා එළියට වෙලා කල්පනා කර කර හිටියේ රූහි ගැන.
          "සහී"
              කියලා පිටවෙනවත් එක්කම කෙල්ල හැරිලා බැලුවා. කොල්ලව දැක්ක කෙල්ල
"හායි ඔයා මාව දන්නවද මගේ boyfriend මට කරන්නේ ඔය නමින්."කියලා රූහි කිව්වා.
කොල්ලව ඒ වචන ටිකෙන් ගැස්සුනත් කොල්ලට මුකුත් කියන්න හම්බුනේ නැත්තේ.
"චූටි තමුසෙට boyfriend කෙනෙකුත් ඉන්නවද යකෝ අපි දන්නෙත් නෑනේ"කියලා දේව් කියපු හින්දා.
"මේ අයියා ඔයා අනූ අක්කි එක්ක යාලු වෙලා මාස ගාණකට පස්සේ මමම හොයාගත්තට පස්සෙ මට කිව්වේ. එනවා මෙතන "කියමින් කෙල්ල ගස්සන් විරාජ් ළඟට ගියා.
"ඒක බලන්න එපැයි. " කියමින් පරාජය භාරගත් දේව් රූහිට කේශ්ව අඳුන්වා දුන්නා.
"චූටි දැන් දන්නවද මේ හැන්ඩියා කවුද කියලා"
"දන්නව නම් මාව දන්නවද කියලා අහනවද ලොකූ. අනූ අක්කී ඔයාගේ boy friend ට පිස්සු හැදිලා බේත් ගන්න එක්ක යන්න ."
කියලා කෙල්ල අනූට කිව්වම
"ඒක නම් ඇත්ත. චූටි මැණික මං කී පාරක් කිව්වද මේ මිනිහට බේත් ගන්න යන් කියලා"අනූ කිව්වා.
කෙල්ලගේ හැසිරීම දිහා බලන් හිටපු ඇවිත් හිටපු කට්ටියට හිතාගන්න බැරි උනා මේ කලින් කෑ ගහපු කෙල්ලමද කියලා.
"හරිනේ ඔච්චර අඩු උනේ මෙච්චර කල් සුදුයි අනුයි දැන් චූටිත්. ඔහොම යමූකෝ නංගි ඈ. දැන් මේ ඉන්න හැන්ඩියා අපේ හදවතේ ඉන්න එකා" දේව්.
"මොකක් මොන බයිලයක් කිව්වෙ අයියා ඒ". "බයිල නෙවෙයි බන් මූ cardiology කෙනෙක්. හේල්‍යා hospital එකේ වැඩ. ඊට අමතරවත් මූ තව technique company එකක් කරනවා. තව costmatic brand එකක් කරන් යනවා දන්නවත් ඇති බන් MS Cosmetics. ".
"මං දන්නවා මං පාවිච්චි කරන්නෙත් ඒවනේ" රූහි.
 කෙල්ලට කෝල් එකක් ආවා.කෙල්ලට ඒක answer කරන්න එළියට යන්න ඕන වුනත් විරාජ් කෙල්ලව අල්ලන් හිටපු හින්දා නැගිටලා යන්න බැරි උනා.
ඒ හින්දා කෙල්ල එතන ඉදන් ම answer කරා.
"හෙලෝ රියා"
...........................
"ආ හරි date එකේ ප්‍රශ්නයක් නෑ team එක එන්න කොච්චර කල් යයිද?"
...............................
"නෑ තාම හම්බුන්නෑ. ඒක ප්‍රශ්නයක් නෑ"
........................
"නෑ එයාලව එවන්න පුලුවන් ඉක්මනට."
........................
"ok.bye."

කෙල්ල කෝල් එක ඉවර කරලා කතා කලේ කල්පට .
"කල්ප අයියේ නැන්දාගේ operation එක කරන්න පුලුවන් ඉක්මනටම. මට reports ටික ගෙනැත් දෙන්න පුලුවන්ද?"
"මොකක්... නංගි ඒත්..."
"ආ අයියා බය වෙන්න එපා operation එක කරන්නේ doctor හේලි තමා. doctor හේලි කියන්නේ මගෙ professor මං එයත් එක්ක දැන් අවුරුදු ගාණක ඉඳන් වැඩ කරනවා.අයියා reports ටික දුන්නොත් මං ඒ ටික බ.. නෑ මේ doctor හේලිට යවලා check කරලා operation එකට date එකක් දාගන්න පුලුවන්."
"අනේ ඇත්තමද නංගී මං දැන්ම ගේන්නම් ගිහින්. ඔයා මට මේ කරපු උදව්ව මං කවදාවත් අමතක කරන්නේ. දේව් මං ඉක්මනට reports ටික අරන් එන්නම්." කියමින් කල්ප ඉක්මනින් එළියට ගියා.
"අඩෝ හදිසියක් නෑ හිමීට යමන්" අකී කෑගැහුවා.
"නංගා අපි ඉස්සෙල්ලා කතා කරපු වෙලා කිව්වෙවත් නෑනේ ඔහොම කතාවක්." කවී . කෙල්ල හිනාවෙන් පිළිතුරු දුන්නා.
මේ වනවිට විරාජ් හිටියේ බරකල්පනාවක ඒක බින්ඳේ කේශ්.
"විරාජ් අංකල් මට පොඩ්ඩක් කතා කරන්න පුලුවන්ද අංකල් එක්ක"කියලා ඇහුවා.
විරාජ්ටත් ඕන වෙලා තිබ්බේ ඒක හින්දා කෙල්ලව පැත්තකට කරපු විරාජ් කොල්ලා එක්ක එළියට ගියා .
ඒත් මේ දිහා රූහි බලන් හිටියේ ටිකක් බයෙන්. මොකද කෙල්ලට ඕනේ උනේ නෑ මීට අවුරුදු හතරකට කලින් වෙච්ච දේවල් තාත්තා දැනගන්න.  කෙල්ලටත් දැන් ටිකකට කලින් තමා ඒ දේවල් මතක් උනේ. ඒත් කෙල්ලට සමහර දේවල් තාම මතක නැති හින්දා වගේ ම තවත් සමහර දේවල් හොඳට මතක හින්දා කෙල්ලට ඕන උනේ නෑ ගෙදර අයව දැන දැන අනතුරේ දාන්න.
කෙල්ල ඉක්මනට හිටපු තැනින් එහාට ගිහින් කෝල් එකක් හත්තේ ධීර්ට
"හෙලෝ ධීර්"
"ඔව් මැඩම්"
"කට්ටිය වැඩි කරන්න"
"කීයක් විතර ද මැඩම්"
"මැඩම්....."
"කියපු දේ කරන්න"කියපු කෙල්ල කෝල් එක කට් කරලා කට්ටිය හිටපු තැනට ගියා.  
-----------------------------------------------
රෑ වෙලා කට්ටිය කාලා බීලා එහෙම garden එකට වෙලා සින්දු කිය කිය හිටියේ ලොකු අය ගේ ඇතුළේ. කෙල්ලො කොල්ලො set එක garden එකේ.
මේ අතරේ කේශ් විඩෙන් විඩේ රූහි දිහා බැලුවේ කෙල්ලව තේරුන් ගන්න අමාරු හින්දා. කෙල්ල උනත් දැක්කා කොල්ල බලනවා ඒත් කෙල්ලට කරන්න දෙයක් තිබ්බෙ නෑ.
ඔය අතරේ
"අඩොහ් කේශ් අදවත් උබේ ගායන හැකියාව පෙන්නපන්කෝ බන්. කියහන්කෝ බන් සින්දුවක්." කියලා මිතුවා කේශ්ට කිව්වා.
අවුරුදු ගාණක් තිස්සේ තමන්ට විතරක් ඇහෙන්න සින්දු කියපු කොල්ලා හේෂ්ගේ අතේ තිබ්බ ගිටර් එක අතට ගත්තේ හැමෝම පුදුම කරමින්,
*******
මගෙ හිත හරි කලබල නුඹ දෙස බල බල
නිතරම හිතවතියේ
නුඹ මගෙ ලඟ උන් හැටි
සෙනෙහස දුන් හැටි අද වගෙ මතක තියේ

නුඹ හා හමුවී මොහොතක් තිබුනී නොදැනීම ගෙවෙනා
අද මා මෙහි වී මොහොතාක් රැඳුනී සිතුවිලි මැවෙනා

ඔය නෙතු හමුවන තුරු පාර දිහා
කිමදෝ පමා වූ ඒ කාරණා

මගෙ සතුටකදී නුඹ පාන සිනා
ඔබ ලඟ රැඳුනේ ඔය ස්නේහෙට මා
සිතුවිලි මැද කිමිද මා භාවනා

සුරඟනක් විලස ඈ සැරසිලා එනතුරා හිඳිමි මේ යාමේ
සොඳුරියේ නුඹ කොහේ කොතැනදෝ දකින තුරු ඉවසුම් නෑ

මගෙ අඳුරට නුඹ සඳ වේවී
නුඹ වෙත මගෙ රහස ඇසේවී
සඳ අද මගෙ අහසෙ දිලේවී

නුඹ හා හමුවී මොහොතක් තිබුනී නොදැනීම ගෙවෙනා
අද මා මෙහි වී මොහොතාක් රැඳුනී සිතුවිලි මැවෙනා

ඔය නෙතු හමුවන තුරු පාර දිහා
බලමින් තව වෙහෙසයි දෑසට මා
කිමදෝ පමා වූ ඒ කාරණා

මගෙ සතුටකදී නුඹ පාන සිනා
ඔබ ලඟ රැඳුනේ ඔය ස්නේහෙට මා
සිතුවිලි මැද කිමිද මා භාවනා
*******
ඇස් වහගෙන ම සින්දුව කියපු කොල්ලා සින්දුව ඉවර උන සැනින් ගිටර් එක හේෂ්ගේ අතින් තියලා එතනින් ගියා.
"ඒ කේශ් කොහෙද යන්නේ"අකී
"එපා අකී මල්ලි මොකක් හරි වේදනාවක් හිතේ තියන් ඉන්නේ එයා ගියදෙන් දැන් හොඳම දේ එයාට තනියෙන් ඉන්න දෙන එක" අකීගේ වයිෆ් සඳූ.
"ඒක ඇත්ත ඌ ඒ සින්දුව කිව්වේ හරි වේදනාවෙ ඒත් ඒ කට හඩ නම් ඉස්සර වගේමයි බං"මිතු.
"ඒ කියන්නේ කේශ් මල්ලි ඉස්සරත් සින්දු කිව්වද?" කවීගේ girl සයුනි.
"ආයෙත් අහලා කොල්ලගේ සින්දු අහන් ඉන්න අපි ගොඩාක් ආසයි. ඒත් අවුරුදු හතරක විතර ඉදන් හරියටම කිව්වොත් ඌ අන්තිමට UK ගිහින් ආවට පස්සේ මේ වෙනකන් සින්දුවක් කියලා තිබ්බේ නෑ . දන්නවද සයූ ඉස්සර මූ තමා අපි ඔක්කොම හිනා ගැස්සුවේ අද අපි joke එකක් කරත් මූ හිනා වෙන්නෑ. මොනා වෙලාද මන්දා....." කවී.
මේ සියල්ල අසා උන් රූහිගේ හිතට දැනුනේ ලොකු බරක් කෙල්ලට අඬලා අඬලා ඒක නිදහස් කරගන්න ඕන උනා.
"අ.... මේ...... මං.... වොෂ්රූම් ගිහින් එන්නම්." කියපු රුහී ඉක්මනට කාමරේට දිව්වා.
ඒත් කෙල්ලට කාමරේ යන්න ලැබුනේ නෑ......
කෙල්ල ගෙට පඩිපෙළ නැගලා කාමරේ පැත්තට යද්දී කෙල්ලගේ කාමරේට එහා පැත්තේ කාමරේ දොරෙන් ආපු අතක් කෙල්ලව ඒ කාමරේට ඇඳලා ගත්තා.
කෙල්ල කෑ ගහන්න හැදුවත් කෙල්ලගේ දෙතොල් වැසී ගියේ ආගන්තුකයාගේ දෙතොලින්. කෙල්ල එකපාර පුදුම උනත් කෙල්ලට මේ ස්පර්ශය හුරු පුරුදු බවක් දැනුනා.
මේ ආගන්තුකයාව අඳුනගත්තා.කෙල්ලගේ දෙතොල් මිඳුනු සැනින් කෙල්ල
"මේඝ්......."
      කියමින් ඉකියක් පිට කළා.
ඒ සැනින් ඒ විසල් පපුවට ඔහුගේ ආදරය සිර කරගත්තේ නැවත කවදාවත් ඈව තනි නොකරන බව සිතමින්.
ඒත් කෙල්ල එකවරම ඔහුගෙන් ඈත්වූයේ "මාව අතාරින්න.මිස්ටර් කේශව් මේඝාදිත්‍ය කියමින්."
"සහී මැණික,ඇයි බන් ?"
"I said leave me.....මම ඔයාව දන්නේ නෑ...... ඒ හින්දා මට ඉන්න දෙන්න."
"බොරු කියන්න එපා මැණික....උබට මාව හොඳට මතකයි ...... නැත්තන් මාව දකිද්දී මේ ලස්සන ඇස් ගැස්සෙයිද?.... උබේ වළාකුල දකිද්දී මේ ඇස් ගැස්සුනේ නිකන් නෙවෙයි......"
" ආ එහෙමද .......... මං දන්න වලාකුලක් නෑ.......ඒ වගේම මං මාව දාලා ගියපු අයව දන්නෙ ම නෑ. ඒ හින්දා please මට මගේ පාඩුවේ ඉන්න දෙන්න...." කියමින් කෙල්ල කෙල්ලගේ කාමරයේ නාන කාමරයට දුව ගොස් වතුර මල විවෘත කර ඒ යට ඉඳගෙන ඇඩුවා.
කෙල්ලට අද දවස ඇතුළත සිද්ධ උන මේ සිදුවීම් සේරම එකින් එක මතකෙට ආවා. ඒවගේම අවුරුදු හතරකට කලින් වෙච්ච දේවලුත්.
ඒත් එක්කම කෙල්ලගේ අතට වැටුනේ නහයෙන් ආපූ උණු ලේ.
"චූටි මේ රෑ නානවද පිස්සියේ..... මං ඇතුළට එන්න කලින් කරුණාකරලා එළියට එන්න."කෙල්ලට ඇහුනේ දිනූ කෝපාවිෂ්ඨ කටහඬයි.
ඉක්මනින් නාසය පිසදමා ලේ සෝදා හැර ඇඳුම් ද උනා දමා පසෙක තිබූ තුවාය ඇඟේ දවටාගෙන එළියට ගියා.
ඒත් එක්කම
"චූටි මොනාද බන් මේ කරන්නේ මේ මහ රෑ නාන්නේ එනව මෙහෙ.... කොණ්ඩේ වේලන්න.ඇත්තටම තමුසෙ doctor කෙනෙක් නේද?....ආ...... හොඳ වෙලාවට අයියා මට ගිහින් බලන්න කිව්වේ. ඇයි යකෝ වොෂ් රූම් දහ පාරක් ගිහින් එන්න වෙලා."
කෙල්ලට බනිමින් දිනූ ඇඟේ කොණ්ඩේ වේලුවාය.කෙල්ල නිහඬව සියල්ල අසා සිටියා ය.
"තව ටිකක් තෙතයි ඇඳුමක් දාගෙන එන්න ඉක්මනට පහළට කට්ටිය යන්නයි යන්නේ"කියපු අනූ කෙල්ලව කාමරයේ තනි කර පහළට ගියාය.
------------------------------------------------------
"දෝණි අපි යනවා එහෙනම් වෙලාවක අපේ ගෙවල් පැත්තෙ එන්න ඕනා හරිද?" ඒ හේෂ්ගේ අම්මා සමදරා.
"හරි ආන්ටි මං එන්නම් අනිවාර්‍යෙන් ".
එතකොටම ඇහුණේ එළියේ කාර් එකක් රේස් එකේ යන සද්දේ .
"අඩෙහ් කෝ කේශ් "කවී .
"මට දැන් කියන්න එපා ඔය ගියේ කේශ් කියල නම් ඈ" මිතුවා.
"කේශ් තමා බල්ලෝ... මිතුවෝ උබ තමා අර මඟුලක් කියන්න කියලා ඌව ඇවිස්සුවේ දැන් ඉතින් නිදිමරපන්කෝ . හෙට මුන් එක්ක shopping යන්නත් ඕනේ.තවත් බලන් ඉන්නේ යමන් ඉක්මනට"අකී.
කොල්ලෝ 6 දෙනාම ඉක්මනට එළියට දිව්වා.
ඒත් කල්ප ආයේ දුවන් ඇවිත් රූහි අතට file ටිකක් දීලා දිව්වා කාර් එකට. රූහි file අරන් බලද්දි තමා තේරුනේ ඒ නන්දනීගේ reports කියල.
"එහෙනම් අපි ගිහින් එන්නම් වීර්. අද කොල්ලො ටික කොහොමත් ගෙවල්වලට එන්නෙ නෑ. අපි ගිහින් එන්නම් රුවී, අනූ , රූහි."ජගත්.
" ආ හරි අයියේ පරිස්සමින් යන්න." රුවී

"කේශ් ගියේ club එකට දෝණි. මල්ලි දැන් ඉතින් වැටෙන්නම බොනවා ඊටපස්සේ ඉතුරු කට්ටිය තමා කේශ්ව බලා ගන්නේ"අනූ.
"ඒත් අක්කී කොහොමද හරියටම කියන්නේ?"රූහි.
"මොකද ඕක දැන් අවුරුදු හතරක් තිස්සෙ වෙන දෙයක් හින්දා" කෙල්ල විරාජ්ගේ කටහඩින් ගැස්සුනේ නෑ කිව්වොත් බොරු.
ඒ හින්දා කෙල්ල කරේ කට්ටියටම good night කියලා ඉක්මනට කාමරේට ගියපු එක. කණ්ණාඩිය ඉස්සරහින් ගියපු කෙල්ලට කණ්නාඩියෙන් දැක්ක තමන්ගේ මූණ පුරා කෙල්ලගෙම ඇස් යද්දි මතක් උනේ දැන් පැයකට විතර කලින් සිද්ධ උන ඒ සිපගැනීම. කෙල්ලගේ අත තොල් මත රැඳුනේ නිරායාසයෙන්මයි කෙල්ලට ඒත් එක්කම මතක් උනේ පළවෙනි සිපගැන්ම.
_______________________________________