🖤හේල්‍යා🖤 - 10
10.කොටස
. "හෙලෝ"
"හෙලෝ..... මොකෝ උබ කෙල්ලව බැන්දා කියලා මට ඒකිව ගන්න බෑ කියලාද හිතන් ඉන්නේ බන්. හහ්..... අපේ අම්මා..... උබේ තාත්තව ගත්ත එකේ, උන්ගේ ළමයා වෙච්ච මට ඕකිව ගන්න එක ලොකු දෙයක් නෙවෙයි"
"ඉතින්..... කිය කිය ඉන්නේ පුලුවන්නම් අරන් පෙන්නපන්කෝ..... මම උබ අරන් යනකන් බලන් ඉන්නවනේ.... ඒකි මගේ යකෝ....... උබට පුලුවන් දෙයක් කරපන්... උබ තාම මේ කේශ්ව හරියට දැකලා නෑ...... ඒකයි ඔහොම කියන්නේ උබලාගේ අවසානෙත් අත ළඟයි බලන් හිටපන්."
"හහ් උබ ඔක්කොම කරනකන් අපි බලන් ඉන්නවනේ..... ඒක නෙවෙයි..... උබත් එක්ක කතා කරන්න කෙනෙක් බලන් ඉන්නවා.... ඒයි.... ගෑනියේ මේන් උබේ මහ ලොකු පුතා කතා කරනවා.....
"මේඝ්..... මගේ පුතේ.... "
ඔව් ඒ තමයි මේඝ්ගේ අම්මා...
රසාන්‍යා garment එකේ owner...
සනත් වික්‍රම ආරච්චිගේ පළමු බිරිඳ.... රසාන්‍යා සපුමල් ආරච්චි.
අවුරුදු 22කට පස්සේ ඇහුනු ඒ කටහඩින් කොල්ලගේ ස්වර බිදුනා.
"අම්මා....."
" හා හා දෙන්නට දෙන්නා කටහඩ අහගත්තානේ දැන්.... ඇති... පලයන් අහට්ට උබ..." කියපු ගවේෂ්
"උබට උබේ අම්මා හොඳින් ඉන්න ඕන්නං මං කියන විදිහට ඉඳපන් හරිද?"
wash එකක් දාගෙන කෙල්ල කාමරේට එද්දි කොල්ලා කාමරේ නෑ. කාමරේ ස්ටූල් එකක් උඩ කොල්ලගෙයි කෙල්ලගෙයි dinner එක තිබ්බා.
කෙල්ල කොල්ලට කෝල් ගත්තත් කොල්ල answer නොකරපු තැන කෙල්ල කෑම කන්නෙත් නැතුව room එකේ balcony එකේ තිබ්බ swing chair එකේ හිටියේ කොල්ලා එනකන්.
පාන්දර වෙනකන් ම කොල්ලා එනකන් බලන් හිටපු කෙල්ලට නින්ද ගියේ swing chair එකේමයි.
මූණට වැටුණු ඉර එළිය හින්දා ඇහැරුණු කෙල්ල දැක්කේ තමන් තාමත් swing chair එකේ ඉන්නේ කියලා.
කොල්ලා තාම ඇවිත් නැතුව ඇති කියලා හිතපු කෙල්ල කාමරේ ඇතුළට ගියේ wash එකක් දාගන්න.
ඒත්....... කෙල්ල ඊළඟට දැක්ක දෙයින් පුදුම වුනා. කොල්ලා ඇඳත් බදාගෙන හොඳට නිදි. කෙල්ලට හිතාගන්න බැරි වුනා.මොකද කොල්ලා කවදාවත් එහෙම කරන කෙනෙක් නෙවෙයි . ඒත් අද කොල්ලට කෙල්ලව අමතක වෙලා....
කොල්ලා ගාව ආපු ගඳින් කෙල්ලට තේරුනා කොල්ලා ඉන්නෙත් බීලා කියලා.
ඇස්වලින් වැටෙන කඳුලු පිහගන්න ගමන් කෙල්ල හිතුවේ "ඔයා වෙනස් වෙලා මේඝ්" කියලා .
කෙල්ල wash එකක් දාන් room එකට එද්දි කෙල්ලගේ phone එක ring වුනා.කෙල්ලට කෝල් කරේ දිනූ.
"හෙලෝ අක්කී..... ගුඩ් මෝනින්"
"ගුඩ් මෝනින් කෙල්ලෙ.... නැගිටලාද ඉන්නේ කන්න එන්නෙ නැද්ද ඩබල.... " කියලා ඇහුවා
"මං නම් නැගිටලා ඉන්නේ අක්කී.... මේඝ් තාම නිදි ඒත් "
"කොල්ලට මහන්සි ඇති එහෙනම් රෑ වැඩ කරලා කියලා...." හේෂ් හයියෙන් හිනා උනා.
එතකොට තමා තේරුනේ කට්ටියම කෝල් එක අහන් ඉන්නෙ කියලා.
" පව් අනේ.... හෙෂ් අයියේ.... කෙල්ලව බයිට් කරන්න එපා.... කෙල්ල මෙලහකත් රතු වෙලා ඇති" කියල අනූ කිව්වා.
ඇත්තටම කිව්වොත් කෙල්ල රතු වෙලා තමා හිටියේ ඒත් ලැජ්ජාවට නම් නෙවෙයි දුකට අඬලම.
"චූටි..... අරූව නැගිට්ටවන් එන්න කන්න.... අපිත් තව ටිකකින් යනවා"දේව්
"හා ලොකූ අපි එන්නම්" කියලා කෙල්ල ගිහින් කොල්ලට කතා කරා.
"මේඝ්.... මේඝ්.... නැගිටින්න " කෙල්ල කොල්ලගේ බාහුවෙන් හොල්ලන ගමන් කතා කරා.
"මොන මඟුලක් ද" කියමින් කොල්ලා කෙල්ලගේ අත ගසා දමමින් නැගිට්ටා.
"මේ..... මේඝ්..... අයියලා කිව්වා කන්න එන්න" කියලා.
"ඉතින් පලයන්කෝ වදයක් නොවී."
කොල්ලාගේ සැඩපරුෂකම ඉස්සරහ කෙල්ල පූස් පැටියෙක් වගේ. අමාරුවෙන් ආයේ වචන ගලපගෙන කෙල්ල කතා කරා
"අයියා කිව්වා.... අපි දෙන්නටම එන්න කියලා.... එයලා යන්න යන්නෙ කියලා"
ඊට පස්සේ කොල්ලා ඇඳෙන් නැගිටලා wash එකක් දාගන්න ගියා. කොල්ලා ගියාට පස්සේ කෙල්ල මෙච්චර වෙලා හිර කරගෙන හිටපු කඳුලු එළියට දැම්මා. ආයේ කොල්ලා එන්න කලින් කෙල්ල කඳුලු පිහද ගෙන මුකුත් නොවුන ගානට හිටියා.
කොල්ලා ආවම දෙන්නත් එක්ක ගිහින් අයියාලාට සමු දීලා ආවේ ගෙදර යන්න.
දේව් වගේම දිනුත් honeymoon එකට රට ගියේ රූහි දුන්න gift එක විදිහට. කෙල්ලටත් එයාලා gift එකක් දෙන්න හැදුවත් කෙල්ල ඒක ප්‍රතික්ෂේප කරා.
කෙල්ලයි කොල්ලයි hotel එකෙන් පිටත් උනේ කොල්ලගේ ගෙදර යන්න. කොල්ලා කෙල්ල එක්ක කිසිම දෙයක් කතා කරේ නෑ.
කොල්ලා කෙල්ල වෙනුවෙන් වෙනම ගෙදරක් හදලා තිබ්බා. ඒ ගේ දැක්ක කෙල්ල ආයේ පාරක් surprise වුණා. මේ ගේ හදලා තිබ්බෙත් කෙල්ලගේ plan එකකට අනුව.
beach එක ලඟ හදලා තියන මේ ගෙදර තට්ටු හතරක්. උඩම තට්ටුවේ swimming pool එක ඒකට beach එක ලස්සනට පේනවා.
ගෙදරට ආපු ගමන් හැමතැනම ඇවිදලා බලපු කෙල්ලට කොල්ලත් එක්ක තිබ්බ තරහා නිවිලා ගියා.
ඇත්තටම කෙල්ලටම පුදුමයි.... මේ කෙල්ලමද කියලා වෙන කෙනෙක් ගාව කෙල්ල කවදාවත් මෙච්චර ඉවසන්නෙ නෑ.
කෙල්ල ආයේ කොල්ලා ගාවට ගියේ මොන රූම් එකේද ඉන්නේ කියලා අහන්න.
කෙල්ලව දැක්ක කොල්ලා
"තමුසෙට මේ ගෙදර ඕන තැනක යන්න පුලුවන්. හැබැයි.... දෙවෙනි තට්ටුවේ දකුණු කෙළවරේ තියන කාමරේට නම් ළං වෙන්නවත් හිතන්න එපා. ආයෙ වත්තේ දකුණු පැත්තේ තියන බිල්ඩින් පැත්තේ පය ගහන්නවත් එපා කොටින්ම කිව්වොත් තමුසෙට වත්තේ දකුණු පැත්ත තහනම් කලාපයක්. ගෙදර සුද්ද කරන්න දවස් දෙකක්ට සැරයක් කට්ටිය එනවා. උයන පිහන වැඩවලට ගෑනු දෙන්නෙක් එනවා ඒ දෙන්නා උදේට ඇවිත් හවසට යනවා. හෙට ඉඳලා ඒ දෙන්නා එතකොට තමුසෙට මගේ කාමරේම ඉන්න පුලුවන්. ඒත් අතේ දුරින් ඉන්නවා තේරුනාද?" කෙල්ල ඔලුව වැනුවේ සියල්ල වටහා ගත් බව පෙන්වන්න.
"ම්ම්.... ගුඩ් දැන් කාමරේම යන්න පුලුවන්.... ඔය මූණ විරෝගෙන ඉන්නේ නැතුව ඉන්නවා හවසට අම්මලා එනවා කිව්වා"
ඒක ඇහිච්ච ගමන් කෙල්ල ඔලුව උස්සලා
"ඔයාගෙද මගේද "
"දෙන්නගෙම තමා "
"උයන්න වෙයි නේ එහෙනම්.... මේ මේඝ්.... උයන්න බඩු තියනවා ද?"
"ගිහින් බලනවා කිචන් එකේ. මං අතේ තියන් ඉන්නවායැ"
"ම්හ් මෙයාගේ ගණකම" කෙල්ල පඩිපෙළ නැගලා යන්න කොල්ලා දිහා බලාගෙන කෙඳිරුවා.
කෙල්ල කිචන් එකට ගිහින් බලද්දි ඕනේ දේවල් ඔක්කොම තිබ්බා එත් තාම උයන්න වෙලාව වැඩි හින්දා කෙල්ල ගියා කාමරේ බලන්න.
කෙල්ල කාමරේට ගියේ රෙදි ටික අස් කරන්න උනත් ඇඳ දැක්ක ගමන් ඒ අදහස left උනා. කොල්ලත් පේන්න හිටියේ නැති හින්දා phone එකත් අරන් කෙල්ල පැන්නා ඇඳට.
"මගේ ආදරණීය phone එක, did you miss me?...අම්මටසිරි මේ මම නේද යකෝ.... ඈ මෙච්චර ලස්සනද මං ඊයේ.... ෂාහ් මරු මගේ මහත්තයටත් මාර තේරීමක් තියෙන්නේ..... ඒකනේ මාව තෝර ගත්තෙ නේ..... හෑ top searching ගොඩටත් වැටිලා යකඩෝ.... මං එච්චර famous ද... සුප්‍රසිද්ධ ස්නායු ශල්‍ය වෛද්‍යවරිය හා හෘදාශ්‍රිත විශේෂඥ වෛද්‍යවරයා යුග දිවියට.... හෑ මේ කවදා ගහපු එකක්ද....... "
Fb එකේ post බලන ගමන් පිස්සියක් වගේ කියවන කෙල්ල දිහා බලන් හිටපු කොල්ලා හිතුවේ
"සමාවෙන්න සහී ඔයාව රිද්දනවට.... මට වෙන කරන්න දෙයක් නෑ මැණික...." කියලා.
ටික වෙලාවක් post බල බල ඉදලා කෙල්ලට නින්ද ගියේ ඇඟට දැනුනු තෙහෙට්ටුවටත් එක්කම.
කෙල්ලට ආයේ ඇහැරුනේ phone එක ring වෙන සද්දෙට. phone එක අරන් ගත්තේ කවුද කියලවත් බලන්නැතුව phone එක කනේ තියා ගත්ත කෙල්ල එකපාර බය වෙලා ඇඳේ ඉදගත්තේ ඇහිච්ච කටහඬ අඳුරගෙන.
" හෙලෝ මැණික.... කොහොමද ඉතින්... ඔයා එහෙනම් මාව අමතක කරලා කේශ්ව marry කරා නේද?"
" ගවේෂ්.... මම කිව්වනේ ඔයාට.... එයා මාව ඕන නිසා marry කරා... අනික එයාට මං ගැන ප්‍රශ්නයක් නැත්තං තමුන්ට ඒ ගැන වැඩක් නෑ මට කරදර කරන එක නවත්තන්න."
"මං ඔයාට කරදර කරන්නෑනේ මැණික. මං ඔයාට කිව්වානේ මං ඔයාට ආදරෙයි... මං ඔයාට ආදරේ කරේ ඔයාව දැක්ක දවසෙ ඉඳන්.... අනික ඔයා හිතන්නේ කේශ් ඔයාට ආදරේකට ඔයාව marry කරා කියලා" කෙල්ල ඒ වචනවලින් ඇත්තටම වැටුනා.
"එයා මාව මොනාට හරි marry කරානෙ.... ඔයාට ඒක වැඩක් නෑ. මම දැන් එයාගේ wife "
"පොතට විතරයිනේ නේද මැණික.... අඩුම ඊයේ first night එකවත් තිබ්බද.... ඌ room එකේවත් හිටියේ නෑ නේද...."
"ඔයා.... ඔයා කොහොමද"
"මං දන්නව මැණික..... ඌ දැන් අඩුම තරමේ ඉස්සර තරන්වත් ආදරයක් පෙන්නන්නේ නෑ නේද මැණික. "
"මට ඔයා එක්ක කතා කරන්න ඕන්නෑ..... මේඝ් එහෙම කරන්නෙ නෑ...... මං දන්නවා" කියපු කෙල්ල කෝල් එක කට් කරා.
ඒත් කෙල්ලගේ හිතේ තාම ගවේෂ් කියපු දේවල් දෝංකාර දුන්නා. ඒත් ගවේෂ් කියන්නේ කෙල්ලව විනාස කරපු කෙනා. කෙල්ලට කොහොමටවත් ගවේෂ්ව විශ්වාස කරන්න බෑ ඒ හින්දා. ඒත් මේඝ්ගේ වෙනස් වීම කෙල්ලට හිතාගන්න බෑ.
ඒ ගැන හිත හිත හිටපු කෙල්ලට මතක් උනේ උයන්න ඕනේ නේද කියලා. ඊට පස්සේ කිචන් එකට ගියපු කෙල්ල උයන්න පටන් ගත්තා. විඩෙන් විඩේ සාලේ පැත්තටත් ඇහැ දැම්මත් කොල්ලා පේන්නවත් හිටියේ නෑ.
කෙල්ල උයලා ඉවර වේගෙන එද්දි අම්මලා ආවා. දෙගොල්ලොම එකටමයි ඇවිත් තිබ්බේ කෙල්ල ඉක්මනට ඉස්සරහට ගියා.
"චූටි මැණික මොකෝ දාඩිය දාලා"
"උය උය හිටියේ අම්මී"
"දෝණිට උයන්නත් පුලුවන්ද "
"අපේ දෝණිට හොඳට උයන්න පුලුවන් සමා. හැබැයි මං උගන්නලා නම් නෙවෙයි."
"අම්මී එන්න යන් ඇතුල්ට කෝ තාත්තී.... "
"අර.... කතාව කේශ් පුතා එක්ක අපි යන්"
"දෝණි මොනාද උයන්නේ"
"මම කහ බත් හදලා... චිකන් ඩෙවල් හදලා.... පරිප්පු කිරට හදලා.... උම්බලකඩ තෙල් දැම්මා.... කරවිල සම්බෝලයක් හදන්න කරවිල බදිද්දී තමා ඔයාලා ආවේ ආන්ටි...."
"ම්ම්ම් කෑම ටිකට නම් කටට කෙළත් ඉනුවා. යමූ කිචන් එකටම.... ඈ දෝණී තාමත් මට ආන්ටි කියලා කතා කරන්නද කල්පනාව"
කෙල්ල බෙල්ලත් ඇඳ කරලා හරිම කියුට් විදිහට සමදරා දිහා බැලුවා.
"අක්කි නම් අම්මා කියලා කියන්නේ ඔයත් එහෙම කතා කරන්නකෝ... දෝණී මට කොහොමත් දුවෙක් තමා..."
"ආ.... දැන් එතකොට මං බෑනද අම්මී... " කියමින් කොල්ලා ඇවිත් සමදරාගේ කරට අත දාගත්තා.
" අනේ කොල්ලෝ දැන් මං එහෙම කිව්වද පැහැදිලි ඊරිසියාව..... "
"තාත්තිලාත් කිචන් එකටම ආවද යන්කෝ සාලෙට "
"ඕන්නෑ මැණික මෙහෙම හොඳයි."
"සහී බොන්න මොනාහරි හදන්නකෝ කට්ටියටම "
"don't worry මං ඔක්කොම ready කරලා තියෙන්නේ මේඝ්...." කියපු කෙල්ල ෆ්‍රිජ් එකෙන් හවස කෙල්ල හදපු ෆෘට් ජූස් එකයි කේක් එකයි අරන් අම්මලාට සංග්‍රහ කළා.
කට්ටිය කාලා බීලා එහෙම රෑ වෙලා යන්න ලෑස්ති වෙනකොට
" අනේ අම්මා ඔයාලා හෙට යන්නකෝ දැන් රෑ වෙලානේ "
"ඒකනේ කට්ටියම හෙට යන්නකෝ"
කෙල්ල ළඟට ආපු සමදරා කෙල්ලගේ ඔලුව අතගාලා
" අපි ගිහින් එන්නම් දෝණි.... රෑ වෙන එක අපිට ප්‍රශ්නයක් නෙවෙයි. සමහර දවස්වලට party වලට ගිහින් පාන්දරත් ගෙදර යන එකේ මේක එච්චර දෙයක් නෙවෙයි. අනික ඔය දෙන්නා අලුත බැඳපු දෙන්නෙක් ඔයාලට කියලත් නිදහස් තියෙන්න ඕනා" කියලා කිව්වා.
" අනේ එහෙම නෑ අම්මේ... "
"අනේ කෙල්ලේ.... අපිත් ඔය වයස පහු කරලා ආවේ " කියපු ජගත්ලා ගෙදර ගියා.
අන්තිමට කොල්ලයි කෙල්ලයි ගෙදර තනි උනා. කිචන් එකත් අස් කරලා කාමරේට ගියපු කෙල්ල දැක්කේ කොල්ලා ලැප් එකේ මොකක්ද වැඩක් කර කර ඉන්නවා.
ඊටපස්සේ කෙල්ල "මේඝ් මං ගත්ත නිවාඩුව තව දවස් දෙකකින් ඉවර වෙනවා"
"ඉතින් මං දැන් මොනාද කරන්න ඕනා"
" නෑ මේ මට එතකොට ආයේ UK යන්න වෙනවා."
"තමුසෙට ඕන දෙයක් කරගන්නවා. මට ඒක ප්‍රශ්නයක් නෙවෙයි."
"හරි මේඝ්. මම මෙතනින් නිදාගත්තට කමක් නැද්ද " කියලා කෙල්ල ඇහුවේ ඇඳේ කොල්ලා හිටපු පැත්තට අනික් පැත්ත පෙන්නමින්.
"ඉතින් නිදාගන්නවා මට මොකද මං අල්ලන් ඉන්නවා ඇයි තමුසෙව" ඇස් දෙකේ කඳුලුත් පුරෝගෙන කෙල්ල ඇඳට වෙලා කල්පනා කරේ හවස ගවේෂ් කියපු දේවල් ඇත්ත නේද කියලා.
ඔහොම සති කිහිපයක් ගෙවිලා ගියා. එකම ගෙදර උනත් කොල්ලයි කෙල්ලයි හිටියේ ආගන්තුකයන් වගේ. මේ වෙද්දි දේව් වගේම දුනූත් ලංකාවට ඇවිත් හිටියේ.
කෙල්ල UK ගියේ නෑ... ඒ වෙනුවට කරන්න තිබ්බ surgery ටික ලංකාවට ගෙන්නලා කරා. අත්‍යවශ්‍ය ම ඒවට විතරයි රට ගියේ... කෙල්ලගේ හැම වැඩක්ම ලංකාවට ගත්තා.
මේ අතරේ කොල්ලත් වෙනදටත් වඩා බිසී වෙලා හිටියේ. උදේට ගෙදරින් යන කොල්ලා ගෙදර එන්නේ රෑ 10ට 11 ට.
මොන වැඩ තිබ්බත් කෙල්ල කොල්ලගේ වැඩ හැමදෙයක්ම කෙල්ලගේ අතින්ම කරේ බිරිඳකගෙන් වෙන්න ඕනා යුතුකම් ඉෂ්ට කරන්න.
ඒ වගේම කොල්ලා වෙඩින් එකෙන් පස්සේ මේ වෙනකන් කෙල්ලගේ අතකින්වත් අල්ලලා නෑ කෙල්ලට ඒකත් පුදුමයක් මොකද වෙනදා බලෙන් කිස් එකක්වත් දෙන එකනේ.
ගවේෂුත් දැන් හැමදාම කෙල්ලට කතා කරනවා. කෙල්ලත් ගවේෂ් කියන දේවල් අහගෙන ඉන්නවා.
මේ අතරේ
"මොකෝ කොල්ලෝ දැන් තත්ත්වේ.අරකිව නමගන්න පුලුවන් උනා ද?"
"ඒ වැඩේ ගානට යනවා තාත්තේ ඒකි දැන් ටික ටික මාව විශ්වාස කරනවා .ඒත් ඒකිව එහෙමවත් නම්මගන්න මට සෑහෙන කට්ටක් කන්න උනා. ඒකි අරූව මාර විදිහට විශ්වාස කරනවා. දැන් ඉතින් ඒකත් ටික ටික බිඳීගෙන යන්නේ .අරුත් අර ගෑනිට අපි මොනා හරි කරයි කියලා බයට මම කියන විදිහට ඉන්නවනේ ..."
" ඒත්..... ඌ එහෙම අහන එකත් මට නම් සැකයි... මොකද ඌත් ලේසිපාසු එකෙක් නෙවෙයි... මොනා උනත් හොඳට හොයලා බලපන්"
"මාත් දන්නවා තාත්තේ..... ඒ හින්දාම තමා ඌ ගාවට මගෙ උන් හතර පස් දෙනෙක් දාලා ඉන්නේ. ඌ රහස් ගොඩක් තාත්තේ.... බය වෙන්න එපා ඌ වැඩි කල් රඟන්නෙ නෑ... ඌව ඉවරයක් කරලා මං ඉක්මනටම රූහිව මගේ කරගන්නවා...."
"උබට පුලුවන් කොහොමත් ආ.... උබ මගේ එකානේ.... " කියපු සනත් එතනින් ගියා.
ඊටපස්සේ ගවේෂ් දන්නෙත් නැතුවම හිතන්න ගත්තේ රූහි ගැන. වෙලාවකට ගවේෂ්ට හිතුනා රූහි ගැන ගවේෂ්ට තියෙන්නේ රාගී සිතුවිල්ලක් විතරක් ම නෙවෙයි කියලා.
"මං ඒකිට ආදරෙයිවත් ද"ගවේෂ්ගේ හිතට ආවේ ඒ දේ.
ඒ සිතුවිල්ල යටපත් කරන් රූහිට කෝල් එකක් ගත්තේ කෙල්ලව තව ටිකක් ගවේෂ්ගේ පැත්තට ගන්න හිතාගෙන.
එක දවසක් කෙල්ල hospital එකේ ඉදන් ගෙදර එද්දි පාන්දර 5යි .වෙනදා පුරුද්දට කෙල්ල ගෙදර දොරත් ඇරන් එද්දි එක පාර ගැස්සුනේ දොර ළඟම තිබ්බ ලේ පාර දැකලා.
කෙල්ල බයෙන් බයෙන් ගේ ඇතුලට
" මේඝ්...... ඔයා කොහෙද..... මේඝ්....." කියන ගමන් කෙල්ල ගේ ඇතුළට ගියා.
ගේ ඇතුළ කට්ට කරුවලයි.කෙල්ල ලේ පාර දැක්කෙත් වැටුන හඳ එළියෙන්.
"අනේ මේඝ්.... ඔයා කොහෙද..... " කියමින් කෙල්ල බිත්ති අතගගා ස්විච් එක හෙව්වා.
කෙල්ලට phone එක අරන් flashlight on කරන්නවත් සිහියක් තිබ්බේ නෑ.
කොහොමහරි ස්විච් එක හොයා ගත්ත කෙල්ල ස්විච් එක දාලා සාලෙ දිහා බලද්දී දැක්කේ....
______________________
0
