❝ අමනුෂ්‍ය තරුණියක පෑ ආලය ❞
_____________________________________________________________
❝ අමනුෂ්‍ය තරුණියක පෑ ආලය ❞
☠️🧛🏻♀️🔥🕰️🩸🖤
ත්‍රාසය,භීතිය හා කුතුහලය කැටි වූ
🦇...කෙටිකතාවකි...🦇
♦️කරුණාකර කතෲ අයිතිය සුරකින්න...
♦️කතු අවසරයකින් තොරව වෙනත් සමූහවල පල කිරීමෙන් වළකින්න...
♦️උපුටා ගැනීම තහනම්...
۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵
" හරි අයියා ඒ බොඩි එක අවිස්සාවේල්ල එඩ්‍රස් එකට ගෙනියන්න දාලා ඉන්නෙ මං... "
" හරි එහෙනම් එඩ්‍රස් එක මල්ලි දන්නවනෙ... "
" ඔව් ඔව් ඒවා හරි... "
" එහෙනම් අද රෑම ගෙනියන්න..වාහනේ එයි දැන්... "
" Ok අයියා... "
එදින සිකුරාදා දිනයකි..මෙය එක්තරා දුරකථන ඇමතුමකි..ඔහු නමින් පැතුම්..අවුරුදු 25ක තරමක් කඩවසම් තරුණයෙකි..ඔහු රැකියා කළේ මල්ශාලාවක..එම්බාම් කරන ලද මළ සිරුරු අදාල නිවෙස්වට ගෙන යන වාහන කිහිපයක් එම මල්ශාලාව සතුයි..ඉන් එකක රියැදුරු ලෙස සේවය කලේ පැතුම්..මෙම සිකුරාදා දිනයේ රාත්‍රියේ ඉහත සඳහන් වූ මළ සිරුර අවිස්සාවේල්ලේ නිවෙසකට රැගෙන යාම ඔහුට පැවරී තිබිණි..නමුත් ඔහු හා යාමට අන් වැඩකරුවකු නොසිටීම විශේෂයක් විය..එදින ඔහු හා යාමට සිටි සේවකයා හදිසි නිවාඩු ලබා තිබූ බැවිනි...
නමුත් පැතුම්ට මෙය විශේෂයක් නොවූවේ ඔහුට රැකියාවේ පලපුරුදු ඇති බැවිනි..ඔහු මල්ශාලාවේ ඉහළ නිලධාරින්ට පවසා තිබූයේ තමාට තනිවම එම රාජකාරිය නිම කිරීමට හැකියාවක් ඇති බවයි....
ඒ අනුව ඔහු රාත්‍රී 9:00 ට පමණ මල්ශාලාවෙන් පිට විය..හෝරා හයක පමණ කාලයක් ඔහුට මහ මග තැපීමට සිදුවන බව ඔහු දැන සිටියේ ලිපිනයෙහි සඳහන් නිවස වෙත යා යුතු ගමන් මාර්ගයේ දීර්ඝත්වය දන්නා නිසාවෙනි...
මෙලෙස ඔහු එම නිවස බලා යන අතරතුර රාත්‍රී 10:00 ට පමණ හෝටලයක් අසල වාහනය නවතා රාත්‍රී ආහරය ගන්නා ලදි..එහිදී ඔහු එම හෝටලය තුළ මේසයක අසුන් ගෙන ආහාර ගනිද්දී හෝටලය තුළට හදිසියේ පැමිණි පොලිස් නිලධාරියෙක් ශබ්ද නගා විමසුවේ මෙවන් දෙයකි...
" කවුද අර එළියෙ තියෙන මල්ශාලාවක වාහනේ ඩ්‍රයිවර්... "
"මමයි සර්... "
පොලිස් නිලධාරියාගේ හඬින් පැතුම් පිළිතුරු දුන්නේද නොබියවයි...
" ඒ වාහනේ ඇතුළෙ මොනවද තියෙන්නෙ..? "
" මල්ශාලාවෙ වාහනයක් ඇතුලෙ මොනවා තියෙන්නද සර් මිනියක් මිසක්... "
" හා හා ඒවයින් වැඩක් නෑ..මට වාහනේ ඇතුළ පරීක්ෂා කරන්න ඕනෙ දැම්මම... "
" ඒ මොකටද සර්..? "
" ඒ මොකටද තමයි..මට පේන්නෙ තමුන් ගෑනු පෙරේතයෙක් වගෙයි..රස්සාවෙ මුවාවෙන් තමන්ගෙ තරුණකමේ ප්‍රයෝජනේ ගන්නවා වගෙයි..අරිනවා ගිහින් දොර.. "
" මොනවද සර් කියවන්නෙ..? "
" කියවන්නෙ..වාහනේ ඇතුළෙන් කෙනෙක් දඟලනවා වගේ පේනවා..ගෑනු කෙනෙක් කෙඳිරි ගාන සද්දෙකුත්..දැන් තමුන් මට කියන්න හදන්නෙ හොල්මන් කියලද..බලාගමුකො..මෙහෙ එනවා.... "
පැතුම් පොලිස් නිලධාරියා සමග හෝටලයෙන් ඉවතට එන්නේ කමින් සිටි කෑම මගින් නවත්වමිනි...
" අරිනවා මේකෙ දොර... "
පොලිස් නිලධාරියාගේ අණට අනුව පැතුම් වාහනයේ දොරවල් විවෘත කර දී පසෙකට විය..පසුව නිලධාරියා වාහනය ඇතුළත සියල්ල හොඳින් පරීක්ෂා කර බලුවේ ය..මළ සිරුර සහිත මිනී පෙට්ටියට ද ඔහු විවර කළ බලන අතර මේ කිසිවක් පැතුම් නොදකී..ඔහු සිටින්නේ ඈතිනි..නමුත් නිලධාරියා සැක කළ අන්දමේ කිසිවක් එතුළ නොතිබීමෙන් නිලධාරියාද භීතියට පත්ව පැතුම්ගෙන් සමාව ගෙන ඉන් ඉවත් වේ..පැතුම් නැවත ආහාර ගෙන හෝටල් පරොශ්‍රයෙන් ඉවත්ව ගමන ආරම්භ කළේ මේවා පිළිබඳව තැකීමකින් තොරව ය....
පැතුම් නැවත ගමන් අරඹා ටික දුරක් ඉදිරියට ඇදෙන විට හදිසියේම ඔහුගේ රියෙහි ගැටෙන්නේ යතුරුපැදි කරුවෙකි..ඔහු එතනදීම බිම ඇද වැටෙන අතර පැතුම් වහා වාහනය නවතා ඉන් බැස අනතුරට ලක් වූ පුද්ගලයා පිළිවඳ විමසයි...
" අනේ අයියෙ කරදරයක් නෑ නේද..? "
" මොනවද ඕයි මේ මහ රෑ කරන්නෙ..තමුසෙ මාවත් මරලා මල්ශාලාවට ගෙනියන්න ද හදන්නෙ එම්බාම් කරන්න... "
" අනේ සමාවෙන්න ඕනෙ අයියෙ කරුවලේ මං දැක්කෙ නෑ.. "
" කවුද ඕයි තමුසෙට ලයිසන් දුන්නෙ..? "
මෙලෙස පැතුම්ට අවලාද නගමින් ඔහු නැවත යතුරුපැදියේ නැගී නොපෙනී යන තෙක්ම බලා සිට පැතුම් නැවත සිය වාහනය පණ ගන්වයි....
මේ වන විට රාත්‍රී 11:00 පසුව ඇතුවාට සැක නැත..පැතුම් ගමන් කරමින් සිටියේ පාළු මාර්ගයකිනි..එම පරිසරය තුළ මිනිසුන් වෙසෙන බවක් ඔහුට නොපෙනුණි..හඳ එළියත්,සීතල සුළඟත් කපාගෙන වාහනය පාළු මාර්ගයේ ඉදිරියට ඇදුනි..මග දෙපස උසින් වැඩුනු පොල් ගස් පමණි..අතරින් පතර බල්ලන්ගේ උඩු බුරන හඬවල් ඇසේ...
පැතුම් මෙලෙස සිය වාහනය පදවාගෙන එන අතරතුර එක්තරා තුංමං හන්දියක දී ඔහුගේ රියට අත වනන්නේ ගැහැණියකි..සැබවින්ම ඇය රූමත් තරුණියකි..ඇගේ සංඥාවෙන් පැතුම් වාහනය නැවැත්වූවේ ය..ඇය පැතුම්ගෙන් විස්තර අසන ලදී...
" ඔව් අයියා මාත් යන්නෙ ඒ පැත්තට තමයි..මම ඒ ලඟක් වෙනකල්ම යනවා..ඔය කියන ගෙදර මං දන්නවා..එහෙ මට අවුරුද්දක් වැඩිමල් අක්කා නැති උනේ කොලඹදි..එයාගෙ බොඩි එක වෙන්නැති මේ... "
" ආ එහෙනම් නංගිට පුළුවන් වෙයි මට පාරත් කියන්න..මට ගමනත් ලේසි වෙයි... "
ඇගේ රූමත් බව පැතුම්ගේ නෙත් සිත් වසඟ කරන්නට විය..ඈ දුටු පමණින් පැතුම්ගේ සිත්හි ඇති වූයේ ඇයව තමා සතු කර ගත යුතුම බවයි....
" අනේ ඒකත් එහෙම තමයි අයියේ..අයියට පුළුවන් ද මාවත් මගින් ඇරලවන්න..? මේ මහ රෑ අයියව වත් හම්බුන එකත් පුදුමයි..මම මේ රෑ වැඩ ඉවර උන ගමන්... "
" අනේ ඕක මොකද්ද නංගි නගින්න නගින්න... "
මෙලෙස එම තරුණියද පැතුම්ගේ රථය වෙත නැගී ගමන් කරන්නේ පැතුම් සමඟ නොනවත්වන්නා වූ සුහද සාකච්ඡාවෙනි..එසේ ඇති වන සරල කතා බහ ඉතා කෙටි වේලාවක් තුළ මෙම අහඹු හමුවීම ප්‍රේමයක් බවට පත් වන්නේ ය..ඔවුනොවුන් එසේ සිතින් එක් වූවා සේම දැන දැක හඳුනාගෙන හෝරාවක් වත් ගත වීමට පෙර කයින් ද එක් වන්නට වන්නේ මල්ශාලා රථය තුළදීම ය....
මළ සිරුර රැගෙන යා යුතු ලිපිනයේ නිවස කෙමෙන් ලඟා වත්ම ඊට බොහෝ ආසන්නයේ වූ තුංමං හන්දියකින් පැතුම් හා බැඳුනු අහඹු තරුණිය ඔහුගේ රථයෙන් බැස පැතුම්ගෙන් සමුගන්නේ ඔහුගේ සිත්හි ඈ පිළිබඳව මතු බලාපොරොත්තු රඳවමින..මාර්ගයේ දකුණෙහි වූ ඇතුල් පාරේ ගමන් ගත් ඇය නොපෙනී යන තෙක්ම දෑස් දල්වා බලා සිටි පැතුම් රථය පණ ගන්වන්නේ සුසුමක් හෙලමිනි....
එතැන් සිට කල්පනා බරව ඔහු රථය පදවන්නේ ඉතා සෙමෙන් සංයමයෙනි..සුළු වේලාවකින් ඔහු අදාළ නිවෙස කරා ලඟා වින විට පාන්දර 1:00 පමණ වී තිබුණි..විශාල ප්‍රමාණයේ ගෙට්ටුවක් පැතුම්ට විවර විනි..ඔහු රථය ගේට්ටුවෙන් ඇතුළට පැදවූයේ ය..ඉතා විශාල ප්‍රමාණයේ ඉඩම් භූමියක වූ විසල් නිවෙසකි..අසාමාන්‍ය උසකින් යුත්ව තිබූ නිවෙසේ වහළයද විය..සැබවින්ම එය විශාල බංගලාවක් වැනි විය..නිවෙසේ සෑම අස්සක් මුල්ලක් පාහේම විදුලි බුබුලු දැල්විනි....
" අනේ මගේ රත්තරන් දුවේ... "
" උබ අපිව දාලා ගියා නේද දුවේ... "
" මගෙ කෙලීව පෙන්නපල්ලා මට... "
පැතුම් එන්ජිම නතර කරත්ම ගෙතුලෙන් දිව ආ පිරිසගේ අඳෝනාව කන වැකෙන්නට විය..මිය ගොස් ඇත්තේ ස්ත්‍රියක් බව ඔහුට එයින් වැටහිනි..සිරුර සහිත මිනී පෙට්ටිය රථයෙන් ඉවතට ගෙන ගෙතුලට ගෙන යාමට නිවසේ සිටි පිරිමින් තිදෙනෙක් ආ අතර පැතුම්ද එහි හතර වැනි හවුල්කාරයා විය..මිනී පෙට්ටිය ගෙතුල වූ ඒ සඳහා සාදන ලද ආධාරකය මත තබන ලදී....
නිවැසියන්ගේ අඳෝනාව මධ්‍යයේ මිනී පෙට්ටිය විවර වත්ම සියල්ලන්ගෙ හඬවල් මහත් ස්වරයෙන් ඇසිනි..පැතුම් සීතල වී ගල් ගැසී මළානික වූයේ පෙට්ටිය විවර වූ විටයි..පැතුම්ට සිහි නැති වූවාක් මෙන් විනි..කිසිසේත්ම විය නොහැකි භයානක සිදුවීමකි....
මිනී පෙට්ටිය තුළ සිටියේ පැතුම් ආ ගමන අතර මගදී ඔහු හා එක් වුනු තරුණියයි..ඔව්,ඒ ඇගේ සිරුරයි..ඇගේ මරණයයි..මේ ඇගේ නිවසයි..මේ ඇගේ ඥාති පිරිසයි..පැතුම් රැගෙන ආවේ ඇගේ මල සිරුරයි....
පැතුම් කතා කිරීමට උත්සහ කලද ඔහුගේ මුවින් එකදු වචනයක් වුවද නොගිලිහුනි..එකදු කෙල බිඳක් වත් ඔහුගේ උගුරෙන් පහළට ගියේද නැත..ඔහුට ඇති වූ හැඟීම ඔහුටද නොහැඟිනි..ඔහු හා ලිංගිකව ද එක් වූ තරුණිය අමනුෂ්‍ය ගැහැනියක් ද..?ඔහු එසේ හැසිරුනේ ආත්මයක් සමගද..?තමා හා සිටියේ සැබෑ අයෙකු නොවේද..?මෙය සත්‍යක්ද..?මෙය සිහිනයක්ද..?දහසක් සිතුම් පැතුම් අඳෝනා හඬවල් ඔහුට ඇසුනේ ඔහුගේම සිතිනි..පැතුම්ගේ සිත පැතුම්ගෙන්ම ප්‍රශ්න කරයි..ඔහුගේ සිත බියෙන් කෑ ගසයි..කය මෙන්ම සිතද වෙව්ලයි..ඔහු ඔහුගෙන් ප්‍රශ්න කෝටියක් විමසයි....
ඔහුට සිතුනේ වහා තම නිවස කරා හැකි ඉක්මනින් යා යුතු බවයි..මෙම පරිශ්‍රය තුළ රැඳී සිටීම භයානක බව ඔහුගේ සිත නැවත නැවත කෑ මොර දෙයි..වහා සිය රථය තුළට ගොඩවැදුනු ඔහු විදුලි වේගයෙන් එම නිවසෙන් බැහැර වෙයි..රථයට යා හැකි උපරිම වේගයෙන් ඔහු ඉදිරියට ඇදෙන්නට විය..හෝරා හයක ගමන සිත්හි වූ භිය හා තැතිගැන්ම නිසාම හෝරා හතරකට සීමා විය..ඔහු නැවත පැමිණි වේගය ඔහුටද සිතා ගත නොහැකි විය....
නැවත මල්ශාලාව කරා පැමිණි ඔහු සුපුරුදු ස්ථානයේ රථය නවතා වතුර බෝතලයක්ම උගුරින් පහළට වත් කරගන්නේ වේගයෙනි....
ඔහු සිය රාජකාරිය අවසන් කොට නිවස බලා යන වග මල්ශාලා අයිතිකරුට දැනුම් දීමට ගියේ ය..එවිට ඔහුට දක්නට ලැබුනේ ද පෙර මෙන්ම අත්භූත සිද්ධියකි..ඔහු සිහි භ්‍රාන්තව ඇද වැටෙන්නේ කම්පනය දරා ගත නොහැකිව ය...
පැතුම් එන විට , ඔහු පෙර රැයේදී වූ ගමන අතරමගදී ඔහුගේ රථයේ අහම්බෙන් ගැටී නැවත නැගිට යන්නට ගිය යතුරු පැදිකරුවාගේ දේහය මල්ශාලාව තුල එම්බාම් කරමින් පැවතින....
පැතුම්ට නැවත සිහිය ඒමට පැයකටත් අධික කාලයක් ගත විය..එවිට මල්ශාලා හිමිකරුවා පැතුම් සිහි නැතිව ඇද වැටී ඇති බව පැතුම්ගේ ඥාතීන්ට දැනුම් දී ඥාති දෙපළක් පැතුම් අසලට පැමිණ සිටින්නේ ඔහුව නිවෙස බලා කැටුව යාමට ය..සිහිය ආ විගස පැතුම්ව ත්‍රී රෝද රථයකින් නිවෙස බලා රැගෙන යන්නේ ඔහුට දෙපා වාරු නොමැති වීම හේතුවෙනි....
පසුදා සිට මෙම අභූත සිද්ධියෙන් කම්පනයට පත්ව සිටි පැතුම් මරු කියවන්නට වන්නේ ය..ඔහු වහා සිය රැකියා ස්ථානය වන මල්ශාලාවට ගොස් රැකියාවෙන් ඉල්ලා අස් විය..ඔහු සේවය කළ රථය දෙස ඔහු එතැන් පටන් අහම්බෙන් වත් නොබැලුවේ ය..පැතුම් සිහි විකල් තත්ත්වයට පත් වන්නේ මෙම සිද්ධීන් වලට මුහුණ පෑමෙනි..ඔහු පිස්සෙක් මෙන් දොඩවන්ට විය..කාන්තාවන් දුටු සැනින් භිය වී දුවන්ට විය....
කාලයත් සමග ඔහුට මනෝ චිකිත්සක ප්‍රතිකාර ලබා දී මතකය අමතක කර ඔහු සුව අතට පත් වුවද නැවත කිසි දිනෙක ඔහු ප්‍රේමයක්,විවාහයක්,දරු මුනුබුරන් පිළිබඳව නොසිතුවේ ය......
۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵
°°°| ප්‍රේමය , බැඳීම් , එක්වීම් ජීවිතය වෙනස්ම පැතිකඩකට ගෙන යන්නා වූ සිදුවීම් වේ..එබැවින් ජීවිතයට බැඳීම් එක් කර ගැනීමේදී කලබල නොවන්න..හොඳින් විමසුම් කරන්න..ඔබ වෙනුවෙන් ම එක් අයෙක් බලා සිටියි..සුදුසු පුද්ගලයා සුදුසු කල්හි තමා වෙත පියමන් කරනු නියතය 😇❤️🌍 |°°°
෴෴෴෴෴෴෴෴෴෴෴෴෴෴෴෴෴෴෴෴
ඉතින් යාලුවනේ..මේක මම ලියපු පරණ කෙටිකතාවක්..මගේ කෙටිකතාවලින් වැඩිම ප්‍රතිචාර ලැබුණ කතාව ඔයාලා වෙනුවෙන් දෙන්න හිතුනෙ..මේ වගේ ටිකක් අමුතු නවකතාවක් ඔයාලා වෙනුවෙන් අරන් එන්න බලාපොරොත්තු වෙනවා..මේකට ලැබෙන ප්‍රතිචාරත් එක්කම..කියවද්දි මොකද හිතුනෙ කියලා Comment එකක් කොටාගෙන යන්න පෙන්ස්..රෑට නම් කියවලා මට බයින්නෙපෝ..ආදරෙයි 🤭🖤
෴෴෴෴෴෴෴෴෴෴෴෴෴෴෴෴෴෴෴෴
෴෴නිමි෴෴
.
.
.
.
#_Sandeepanie Manuweera ( brownie )
2023:10:19 ✍
0
