0
0
🌸🪄🌸🪄🌸🪄🌸🪄🌸🪄🌸🪄
❤🩹 ║ කවදහරි දවසක ║ ❤🩹
(S o m e d a y)
_කෙටිකතාවකි_
♦️කරුණාකර කර්තෲ අයිතිය සුරකින්න
♦️කතු අවසරයකින් තොරව වෙනත්
සමූහවල පල කිරීමෙන් වළකින්න
♦️අනවසරයෙන් ලඟ තබාගැනීම
හා උපුටා ගැනීම තහනම්
•••••••••••••••••••••••••••••••••••••••••••••••••••
"දෙව්..මං ආවා මගෙ සුද්දි..ඔයාගෙ ඩැඩීගෙ අභියෝගෙ දිනලා ඔයාව මගේම කරගන්න මං ආවා දෙව්..ඔයාට පුළුවන් අද කාටවත් භය නැතුව මාත් එක්ක යන්න එන්න.."
මම පුදුම උනා..ඒ අභිමන්..මං අවුරුදු ගානකට කලින් ආදරේ කරලා මගෙ ඩැඩීගෙ නපුරුකම් නිසා වෙන්වෙන්න සිද්ධ උන එයා...
"අ..අභී..ඔ..ඔයා..?"
"ඔව් දෙව් මං ආවා..ඔයා දන්නවද..? මං දැන් මගේම ලොකු බිස්නස් එකක් කරනවා..මං දැන් රටක් දන්න කෙනෙක්..ඔයා වෙනුවෙන් මං දෙයක් කරගත්තා..එදා රස්සාවක් නැති එකා කියලා ඔයාගෙ ඩැඩී මාව එලෙව්වා මතකද දෙව්..? හැබැයි අද එයාට බෑ මට එහෙම කරන්න.."
"අ..අභී..."
"අපි යමු..අපි ඒ කාලෙ මවපු ඒ අහිංසක පිස්සු හීන දැන් හැබෑ කරගන්න පුළුවන්..මතකද ඔයා අපේ ගෙදර වටේටම කහ පාට ඩේලියා මල් වවමු කිව්වා..මේ බලන්න..ඔයා වෙනුවෙන් මං හැමදේම ලෑස්ති කරලයි ආවෙ.."
දෙයියනේ! මොනවද මේ වෙන්නෙ..ඒ මං ආසම කරපු හීනයක්..පුංචි ගෙයක්..හැබැයි ලොකු ගෙවත්තක්..මං ආස කරපු විදියට ම ඒ දේ එයා ලෑස්ති කරලා..මට එයා පෝන් එකෙන් පෙන්නුවෙ ඒ ගෙදර පොටෝ එකක්..ගේ වටේටටම කහ පාට ඩේලියා මලුත් හිටවලා..මගෙ දිව කට වේලිලා ගියා..මොනවද මං මේ කරලා තියෙන්නෙ...
එතකොට ම කැෆේ එක ඇතුළෙ ඉඳලා එළියට ආවෙ මගෙ හස්බන්ඩ්...
"අපි යමු දෙව්..පුතාගෙ කේක් එක ගත්තා..."
මට තවත් කරගන්න දෙයක් ඉතුරු උනේ නෑ...
"මට සමාවෙන්න අභී..."
එහෙම කියලා බිම බලාගත්තු මං කාර් එකට ගියේ මගෙ හස්බන්ඩ් එයාගෙ එක අතක් මගෙ කර වටේ දාගත්තු ගමන්මයි..මට අදටත් හිතාගන්න බැරි ඒ සිද්දිය අභී කොහොම දරාගන්න ඇතිද කියලා..මට අද වගේ මතකයි..එදා අභී අපි දිහා ඇස් පිල්ලම් නොගහා බලන් හිටපු හැටි...
අභීගෙ නම්බර් එක මගෙ පෝන් එකේ නැතත් මගේ ඕ ලෙවල් පංතියේ ඉතිහාසය පොතේ අන්තිම පිටුවෙ තිබ්බා..ඒ හින්දා ම ඒ පොත මං හුඟක් පරිස්සමට අරන් තියලා තිබුණා..ඔව් අපේ ආදරේ ඒ තරමක් පරණයි..ගෙදර ගිහින් අභීට මැසේජ් එකක් නොදා ඉන්න මගෙ හිත ඉඩ දුන්නෙ නෑ..අභීගෙ නම්බරේ අවුරුදු ගානකට පස්සෙත් වෙනස් වෙලා තිබුනෙ නෑ..මං අභීට ටයිප් කරා...
[මට සමාවෙන්න අභී..මං ඔයාව බලාපොරොත්තු උනා..ඩැඩී එදා ඔයාට දුන්නු පොරොන්දුව කඩ කරා..ඔයා කවදාම හරි එනකල් මාව වෙන කෙනෙක්ට දෙන්නෑ කිව්වට ඩැඩී මගෙ වෙඩින් එකට දිනත් දාගන්නකල් මං දන්නෙ නෑ..ඔයා කවදාහරි එනකල් මං බලන් හිටියා..ඒත් අන්තිමට මටත් ඔයාට දුන්නු පොරොන්දුව කඩ කරන්න උනා..ඩැඩීගෙ තීරණේට අකමැත්තෙන් උනත් මං යටත් උනා..දැන් මට පුංචි පුතෙකුත් ඉන්නවා..අද එයාගෙ birthday එක..මට ඔයා ගැන ආඩම්බරයි අභී..ඒ වගේම මං ගැන ලැජ්ජයි..අද ඔයා හොඳ තැනක..ඔයාට දිනන්න පුළුවන්..මං වෙනුවෙන් තවත් බලාපොරොත්තු තියාගන්න එපා..ජීවිතේ ඉස්සරහට යන්න..බුදු සරණයි...]
තවත් ඒ හිත පාරන්න උවමනා නැති නිසාම බ්ලොක් කරලා දැම්මා...
ඒ දවස ගෙවෙන්නත් කලින් එයා මගෙ එඩ්‍රස් එකත් හොයාගෙන පුතාට ගිෆ්ට් එකකුත් එව්වා.."අභී මාමාගෙන්" කියලා ලියලා තිබුන ඒ පෙට්ටිය මං තාම රකිනවා...
෴අතීතයට෴
"සොරි ඉලන්දාරියා..ඔයාව මගේ පවුලට සම්බන්ධ කරගත්තොත් මගෙ තත්වෙට හොඳ මදි..හැබැයි මං මගේ දුව ගැනත් හිතන්න ඕනෙ..දුවගෙ කැමැත්තට මං බාධා කරන්නෑ..කොන්දක් තියෙන පිරිමියෙක් විදියට ඔය ළමයා තමන් ආදරේ කරන ගෑණු ළමයගෙ අම්මා තාත්තා හම්බෙන්න ආපු එකම ලොකු දෙයක්..හැබැයි දෙව්හාරාට අම්මත් නෑ..ඒ හින්දා මට රිස්ක් එකක් ගන්න බෑ..රස්සාවක් නැති කෙනෙක්ට මගෙ දුවව දෙන්න මං කැමති නෑ..ඔයාට මං අද අභියෝග කරනවා..මං ඔයාට අවුරුදු 6ක් දෙන්නම්..මාසෙකට විසිදාහක වත් සැලරි ලැබෙන ස්ථිර රස්සාවක් හොයාගෙන පෙන්නන්න..ඇන්ඩ් අයි ප්‍රොමිස් යූ..එතකල් දුවට මගුලක් කතා කරන්නෑ..."
෴වර්තමානයට෴
❝අභිමන්ගෙ දිනපොතට❞
[මං හැමදාමත් ඔයා වෙනුවෙන් හිටියා දෙව්..මං ඕලෙවල් පාස් උනේ ඔයා නිසා..ඒ ලෙවල් පාස් උනේ ඔයා නිසා..හැබැයි කැම්පස් යන්න තරම් සල්ලියක් මට නොතිබුනු බව ඔයා දන්නවා..හිඟන්නෙක් කියලා දැන දැනත් ඔයා මාත් එක්ක හිටපු එකටම මං ඔයාට ගොඩක් පිං දෙනවා..ඒත් ඔයා මට පොරොන්දු උනේ 'කවදාහරි' කියලා දවසක් ගැන බලාපොරොත්තු දීලා..මං ඔයාගෙ ඒ පොරොන්දුව විශ්වාස කළා..අද ඔයාගෙ ජීවිතේ ලස්සනයි..මම ඒක දැක්කා..ඔයා නිසා මගෙ ජීවිතේත් ලස්සනයි..හැබැයි ඒකෙ එක පැත්තක් අසම්පූර්ණයි..ඔයා ආස කරපු ඒ පුංචි ගේ ඇතුළෙ මම අද තනියම..ඔයාගෙ කහ පාට ඩේලියා මල්වලට අද මම තනියම සාත්තු කරනවා..අදටත් මගෙ දිනපොතේ දෙව්හාරා කියන නම හැමදාකම ලියවෙනවා..මං ඔයාට පොරොන්දුවක් වෙනවා අද..ඔයාගෙ හීනයක් මේ ගෙදර හැමදාමත් ඉන්නෙ මං විතරමයි..ඔයාගෙ හීනෙට වෙන කෙනෙක් එන එකක්ම නෑ..හැබැයි ඒ පොරොන්දුව නම් 'කවදාහරි දවසක' පොරොන්දුවක් නෙවෙයි..මොකද මං එහෙම පොරොන්දු තවත් විශ්වාස කරන්නෑ..මේ පොරොන්දුව මායි දිනපොතයි අතර රහසක්...]
෴කතුවරියගෙන් අභිමන්ට෴
~~ " කවදාහරි දවසක " කියලා දවසක් ගැන කවදාවත් බලාපොරොත්තු වෙන්න එපා..මොකද එහෙම දවස් අපේ කැලැන්ඩරේත් නෑ..එහෙම දවස් විශ්වාස කරන්නත් එපා..එහෙම දවසකට දෙන පොරොන්දු වෙනුවෙන් බලාපොරොත්තු වෙන්නත් එපා..කවදාහරි දවසක දිනන්න බෑ..අපිට දිනන්න පුළුවන් හරියට ම දවසක් වෙලාවක් තියාගත්තොත්ම විතරයි අභී ළමයො ~~
۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵۵
හිතුනා , අකුරු කරා...
දැනුන දේ කියන් යමු ලස්සන ඩේලියා මල් ටිකහ් 🌚♥️
෴෴෴සමාප්තයි෴෴෴
.
.
.
.
.
_ සඳූ මනුවීර ✍🏻 _
2023:12:20 ✨
