0
0
සෑහෙන කාලෙකට පෙර වායුමය හිතක්ය
පැවතුණේ මට
ඒ ඇය හමුවන්න පෙර
සිනිඳු සැහැල්ලු ලෙස
පාවි පාවී තිබුණ මගෙ හිත
ද්‍රවීකරණය කරන ශක්තිය
කෙසේ හෝ ඇයට හිමි විය
අඩු කරං යනගමං උෂ්ණත්වය
සීතලේ මා ගැහෙද්දී වුව
ඇය වැඩි කලා පීඩනය අනුකම්පා විරහිතව
වායුමය මගෙ හිත
පළමුවෙන් ද්‍රව විය
ඒ වුණත් එතනිං
නැවතුනේ නම් නෑ ඇය
කෙල්වින් බිංදුවේ
නිරපේක්ෂ ශුන්‍යටම
ඇය අඩු කරා උෂ්ණත්වය
පව් මගේ අසරණ හිත
ඇය දීපු වේදනා කෙළවර
මෙන්න හැං ඝනයක්ව
මගේ ඒ වායුමය හිත
ඒකත් හොදයි එක අතකට
දෑ ඇයටවත් බෑ රිද්දන්න
කොහොමටවත් ම මගෙ හිත
ඝනයකට පැතිරුමක් නැත
එක තැනම කපනය වීමක් මිස ඒ නිසා දැන් මගෙ හිත
ආයෙමත් පැතිරෙන්නෙ නැත
ඇය වගේ කෙනෙකුට
ආයෙමත් පැමිණෙන්න
ඝනයක ඉඩක් නැත
