0
0
ඔබේම අව්‍යාජ ආත්මය සමඟින් ඔබ සිතන, ජීවත් වන ආකාරය නිසා කිසිදා කිසිවෙකු විසින් ඔබ දුර්වලයෙකු හෝ බියගුල්ලෙකු ලෙස දැඩිව විවේචනය කොට රිදවා ඇති නම්, මං ඔබට කියන්නට දෙයක් තිබෙනවා.
මට ඔබ ගැන හරිම
ආඩම්බරයි !
මම දන්නවා හැම උදයකම තවත් අමාරු දවසක් වෙනුවෙන් ඔබ ඔබේ යහනින් නැගී සිටින්නේ කෙතරම් අපහසුවෙන්ද, තවදුරටත් ජීවත් වී හිදීම වෙනුවෙන් ඔබ ඔබේ ආහාර කොටසිත් කටක් දෙකක් හෝ ගිල දමන්නේ කෙතරම් අමාරුවෙන්ද කියලා
නිරන්තරයෙන් ඔසවාගෙන යාමට සිදුව ඇති එම බර පොදිය පිළිබඳ නොසලකා, ධනාත්මක වීමට ඔබ කෙතරම් උත්සාහ කරනවද, ඔබේ ආදරණීයන්ගේ සිත්වල කණස්සල්ලක් ඇති නොවනු පිණිස ඔබ ඒ දුර්වල, සුන්දර සිනහව ඔබේ මුහුණ පුරා ඇඳගන්නේ කොතරම් අමාරුවෙන්ද කියලා මම දන්නවා.
ඔබ සහ ඔබේ පවුලේ ආදරණියන් වෙනුවෙන් ඔබ කෙතරම් අවහෙසි වැඩ කරනවද,
හෙටත් එළඹෙන ඒ වෙහෙසකර නව දවසට,
අපහාස හා හිරිහැරයන්ට, ඔබට ඔබ ගැනම අවිශ්වාසයක් ඇති කරවන සැමදා හමුවන ඒ කුරිරු, කුහක මිනිසුන්ට මුහුණ දීම සඳහා අවශ්‍ය සවිය පිළිබඳව බලාපොරොත්තුවෙන් හිස් සිවිලිම දෙස බලාගෙන ඉකියක්වත් පිට නොකර රාත්‍රියේදී ඔබ කොතෙක් හඬනවද,
අන් අයට සමීප වීමට ඔබ තුළ ඇති බිය.
ඒ වේදනාව හා සංතාප නිබයව යටපත් කරගනිමින් වඩාත් යහපත් හා ශක්තිමත් පුද්ගලයෙකු වීම සදහා ඔබව කම්පනයට පත් කරලු සියලු දෙයට හා බියකරු රාත්‍රි සිහිනයන්ට පවා ඔබ මුහුණ දුන්නේ කෙසේදැයි මම දන්නවා.
අමාරුම අවස්ථාවේදීත් ජිවත්ව සිටීම උදෙසා අරගල කරන සියල්ලනි.
මට ඔබට කීමට ඇත්තේ එක් දෙයකි. ඔබ බයගුල්ලෙකු හෝ දුර්වලයෙකු නොවේ.
කෙසේවත් එලෙස නොවේ.
ඔබ දරුණු සටනකින් ජයගත්, එළැඹෙන ඕනෑම සටනකට සුදා නම් රණ ශූරයෙකි.
ඔබ මෙතෙක් කෙතරම් අනතුරුදායක තත්ත්වයන් පසු කර ඇතත් ඔබ තවමත් ශක්තිමත්,
සාඩම්බර ආත්මයකි.
*මට ඔබ ගැන සැබවින්ම ආඩම්බරයි.*
𝚁.𝙳𝙹𝙴𝙱𝙱𝙰𝚁𝙸
